சென்னை: நாடாளுமன்றத் தேர்தல் விரைவில் வர இருக்கும் நிலையில், திமுக சார்பில் போட்டியிட விரும்புபவர்கள், அதற்கான விருப்ப மனுக்களை சென்னை தேனாம்பேட்டையில் உள்ள திமுக தலைமை அலுவலகத்தில் கடந்த மார்ச் 1ஆம் தேதி முதல் சமர்ப்பித்து வருகின்றனர்.
முன்னதாக, நாடாளுமன்றத் தேர்தலில் திமுக சார்பில் போட்டியிட விரும்புவோருக்கான படிவங்கள், கடந்த பிப்ரவரி 19ஆம் தேதி முதல் திமுக தலைமை அலுவலகத்தில் வழங்கப்பட்டு வந்தது. பின்னர், கடந்த மார்ச் 1ஆம் தேதி முதல் திமுக சார்பில் நாடாளுமன்றத் தேர்தலில் போட்டியிட விரும்புவோர், விருப்ப மனுவை பூர்த்தி செய்து படிவத்துடன், ரூ.50 ஆயிரம் கட்டணத்தைச் செலுத்தி தலைமை அலுவலகத்தில் வழங்கி வந்தனர்.