செகந்திராபாத் டூ கொல்லம்.. கோடைக்கால சிறப்பு ரயில்.. எந்தெந்த ரயில் நிலையத்தில் நிற்கும்? - SECUNDERABAD TO KOLLAM Train

Secunderabad to kollam special train: கோடை விடுமுறையையொட்டி, கூட்ட நெரிசலை தவிர்க்கும் நோக்கில் செகந்திராபாத் - கொல்லம் இடையே சிறப்பு ரயில் சேவை அறிவிக்கப்பட்டுள்ளது.

கோடை விடுமுறையையொட்டி, பயணிகளின் கூட்ட நெரிசலை சமாளிப்பதற்காக செகந்திராபாத் - கொல்லம் இடையே கூடுதல் சிறப்பு ரயில்கள் இயக்கப்படும் என தென் மத்திய ரயில்வே (SCR) அறிவித்துள்ளது. இது தொடர்பாக, தென் மத்திய ரயில்வே வெளியிட்டுள்ள தகவலில், 'வண்டி எண் 07193 மற்றும் 07194 செகந்திராபாத் - கொல்லம் - செகந்திராபாத் இடையே சிறப்பு ரயில்கள் இயக்கப்படும் என தெற்கு மத்திய ரயில்வே அறிவித்துள்ளது.

தெலங்கானா மாநிலம் செகந்திராபாத் சந்திப்பில் இருந்து இந்த ரயில், ஏப்ரல் 17ஆம் தேதி (புதன்கிழமை) புறப்படும். இதேபோல, அடுத்தடுத்து ஏப்ரல் 24, மே 01, 08, 22, 29, ஜூன் 05, 12, 19, 26 ஆகிய தேதிகளில் 11 நாட்கள் என செகந்திராபாத் சந்திப்பில் இருந்து கிளம்பி அடுத்த நாளான்று கேரளா மாநிலம் கொல்லம் சந்திப்பை அடையும்.

இதேபோல மறுமார்க்கத்தில், வண்டி எண் 07194 கேரளா மாநிலம் கொல்லம் சந்திப்பில் இருந்து கொல்லம் - செகந்திராபாத் சிறப்பு ரயில் மதியம் 02.30 மணிக்கு ஏப்ரல் 19, 26, மே 3, 10, 17, 24, 31 ஜூன் 7, 14, 21, 28 ஆகிய தேதிகளில் கிளம்பி அடுத்த நாள் காலை 9.40 மணிக்கு செகந்திராபாத் சந்திப்பை அடையும்.

ரயில் பெட்டி விபரங்கள்:இந்த ரயிலில் 1- ஏசி முதல் வகுப்பு மற்றும் ஏசி இரண்டு அடுக்கு பெட்டிகளும், 6- ஏசி மூன்று அடுக்கு பெட்டிகளும், 10- ஸ்லீப்பர் வகுப்பு பயிற்சியாளர்களுக்கான பெட்டிகளும் அமைந்திருக்கும். அதன்படி, புதன்கிழமை மாலை 6.40 மணிக்கு செகந்திராபாத்தில் இருந்து புறப்படும் இந்த ரயிலானது, 8.10 மணியளவில் நல்கொண்டாவிலும், 11.00 மணியளவில் குண்டூரிலும், 12.25 மணியளவில் தெனாலியிலும், 3.50 மணிக்கு நெல்லூரிலும் இருக்கும் எனத் தெரிவிக்கப்பட்டுள்ளது.

இதையடுத்து காலை 6.00 மணிக்கு ரேணிகுண்டா, 8.35 மணிக்கு காட்பாடி, மதியம் 12.40 மணிக்கு ஈரோடு, 2.17 மணிக்கு கோவை சந்திப்பை அடையும். அதன்பின்னர், மாலை 3.30 மணியளவிலும், கேரளா மாநிலம் பாலக்காடு, 8.05 மணிக்கு எர்ணாகுளம் டவுன், இரவு 10.45 மணிக்கு செங்கன்னூர், நள்ளிரவு (வியாழக்கிழமை) 1.55 மணிக்கு கொல்லம் சந்திப்பை அடையும் எனவும் அதில் குறிப்பிடப்பட்டுள்ளது.

இதேபோல, மறுமார்க்கத்தில் (வெள்ளிக்கிழமை) இந்த ரயிலானது, கொல்லம் சந்திப்பில் இருந்து மதியம் 2.30 மணிக்கு புறப்பட்டு செங்கன்னூருக்கு 3.23 மணிக்கும், எர்ணாகுளம் டவுனுக்கு 5.40 மணிக்கும், பாலக்காட்டிற்கு இரவு 9.20 மணிக்கும், கோவைக்கு 11.20 மணிக்கும், ஈரோட்டிற்கு 1.35 மணிக்கும், காட்பாடிக்கு 6.15 மணிக்கும்,ரேணிகுண்டாவிற்கு 8.15 மணிக்கும் வரும்.

பின்னர் அங்கிருந்து, 11.00 மணிக்கு நெல்லூரிலும், மதியம் 2.05 மணிக்கு தெனாலியிலும் 3.05 மணிக்கு குண்டூரிலும், 6.00 மணிக்கு நல்கொண்டாவிலும், இறுதியாக (சனிக்கிழமை) 9.40 மணியளவில் செகந்திராபாத் சந்திப்பை அடையும்' என அதில் குறிப்பிடப்பட்டுள்ளது.

இதையும் படிங்க:புருளியா - விழுப்புரம் ரயில் நெல்லை வரை நீட்டிப்பு.. தென் மாவட்டங்களில் இருந்து திருவண்ணாமலைக்கு நேரடி ரயில்!