மதுரை: மதுரை அரசரடி அருகே எஸ்.எஸ்.காலனியில் வசித்து வருகிறார் மைதிலி ராஜலட்சுமி. இவரது மகன் தனியார் பள்ளி ஒன்றில் ஏழாம் வகுப்பு படித்து வருகிறார். இந்நிலையில், வழக்கம்போல் பள்ளிக்கு ஆட்டோவில் சென்ற மாணவனை ஆட்டோ டிரைவர் பால்பாண்டியுடன் மர்ம கும்பல் கடத்திச் சென்றது.
மிரட்டல் விடுக்கும் நபர் சிறுவனின் தாயிடம் பேசும் ஆடியோ (Credits - ETV Bharat Tamil Nadu)
மேலும், அந்த கும்பல் மாணவனின் தாயார் மைதிலி ராஜலட்சுமியை தொடர்பு கொண்டு ரூ.2 கோடி பணம் கேட்டு மிரட்டல் விடுத்துள்ளது. பணம் தர மறுத்ததால் சிறுவனை கொலை செய்து விடுவதாகவும் கூறியுள்ளனர். இதுகுறித்து மைதிலி எஸ்.எஸ்.காலனி காவல் நிலையத்தில் புகார் அளித்தார். இதனைத் தொடர்ந்து, காவல் ஆய்வாளர் காசி தலைமையில் தனிப்படை அமைக்கப்பட்டு மாணவனை கடத்திய கும்பல் குறித்து தகவல்கள் சேகரிக்கப்பட்டன.