மதுரை:மதுரையில் நேற்று நள்ளிரவு பெய்த கடும் மழை காரணமாக நகரின் பல்வேறு பகுதிகளில் மழை நீர் தேங்கியது. வைகை ஆற்றில் தண்ணீர் பெருக்கெடுத்து ஓடியது. அதேபோல் செல்லூர் கண்மாயிலிருந்து வழிந்து ஓடும் பந்தல்குடி கால்வாயில் தண்ணீர் நிறைந்து ஓடியது.
இந்நிலையில் கோரிப்பாளையம் அருகேயுள்ள பந்தல்குடி பகுதியைச் சேர்ந்த பாண்டியராஜன் என்ற கூலித் தொழிலாளி தனது வீட்டின் அருகேயுள்ள பந்தல்குடி கால்வாயில் நீர் நிரம்பி சென்றதால் அங்குள்ள பாலத்தின் கீழ் நீரில் அடித்து வரப்பட்ட குப்பைகள் முழுவதுமாக தேங்கியது. இதனால் தண்ணீர் செல்வதில் தடை ஏற்பட்டது. அதனால் இன்று (அக்.23) மாலை பாண்டியராஜன் தனது நண்பர்களோடு சேர்ந்து கால்வாயில் அடைத்துக் கொண்டிருந்த குப்பைகளை அகற்ற முயன்றார். அச்சமயம் எதிர்பாராத விதமாக வெள்ள நீரில் மூழ்கினார்.
இதையும் படிங்க:ஆம்ஸ்ட்ராங் கொலை வழக்கில் கைது செய்யப்பட்ட 26 பேர் அறிவுரை கழகத்தில் ஆஜர்!