சென்னை: கனமழை பெய்யும் என அறிவிப்பையடுத்து சென்னை விமான நிலையத்தில், விமான பயணிகளுக்கு வாடகை கார்கள் கிடைப்பது கடினமாக இருக்கும் சூழலில், அரசு பேருந்துகள் விமான நிலையத்தினுள் சென்று பயணிகளை ஏற்றி வருகின்றன.
தமிழகத்தில் வடக்கிழக்கு பருவமழை துவங்கியுள்ள நிலையில், கன மழை எச்சரிக்கை காரணமாக இன்று பொது விடுமுறை அளிக்கப்பட்டுள்ளது. இந்நிலையில், சென்னை விமான நிலையத்தில் வந்திறங்கும் பயணிகள் தங்களுடைய இருப்பிடங்களுக்கு செல்வதில் சிக்கல் ஏற்பட்டது. அப்படியே வாடகை கார்கள் கிடைத்தாலும், மழையை காரணம் காட்டி அதிக கட்டணம் வசூலிப்பதாக புகார்கள் எழுந்தது.
இதையடுத்து மக்கள் வசதிற்காக தமிழக அரசு விமான நிலையத்திற்கு உள்ளேயே அரசு பேருந்துகளை இயக்கி வருகிறது. அந்த வகையில், மாநகர பேருந்துகள் சென்னை விமான நிலையத்திற்குள் உள்நாட்டு விமான நிலைய வருகை பகுதி, சர்வதேச விமான நிலைய வருகை பகுதி ஆகிய இடங்களுக்குள் வந்து, விமான பயணிகளை ஏற்றி செல்கின்றன.