தேவநாதன் யாதவ் சுமார் ரூ.25 கோடி நிதி மோசடி வழக்கு: குற்றபத்திரிகை தாக்கல் செய்த காவல்துறை!

நிதி நிறுவன மோசடி வழக்கில் கைது செய்யப்பட்ட தேவநாதன் யாதவ் உள்ளிட்டோருக்கு எதிராக காவல்துறை சார்பில் சென்னை சிறப்பு நீதிமன்றத்தில் குற்றபத்திரிகை தாக்கல் செய்யப்பட்டுள்ளது.

சென்னை:சென்னை மயிலாப்பூரில் செயல்பட்டு வந்த ‘தி மைலாப்பூர் இந்து பெர்மனெட் ஃபண்ட்’ நிதி நிறுவனத்தில் முதலீடு செய்த 145 முதலீட்டாளர்களிடம் 24 கோடியே 50 லட்சம் ரூபாய் பெற்று மோசடி செய்ததாக அந்நிதி நிறுவனத்தின் இயக்குநர் மற்றும் நிறுவனத்தின் முக்கிய நிர்வாகிகளான தேவநாதன் யாதவ், குணசீலன், சாலமன் மோகன்தாஸ், மகிமை நாதன், தேவ சேனாதிபதி, சுதிர் சங்கர் ஆகிய 7 பேருக்கு எதிராக சென்னை பொருளாதார குற்றப்பிரிவு காவல் துறையினர் வழக்குப் பதிவு செய்து கைதுசெய்தனர்.

இந்த வழக்கில் தொடர்புடைய சாலமன் மோகன்தாஸ் என்பவர் தலைமறைவாக உள்ளதால், இதுவரை அவர் கைது செய்யபடவில்லை. மற்றவர்கள் கைது செய்யபட்டு நீதிமன்ற காவலில் சிறையில் உள்ளனர். இந்நிலையில் பொருளாதார குற்றப்பிரிவு காவல்துறை, நிதிநிறுவனம் மற்றும் தேவநாதன் யாதவ் உள்ளிட்ட குற்றஞ்சாட்டப்பட்ட 7 பேருக்கு எதிராக அரசு சிறப்பு வழக்கறிஞர் டி.பாபு குற்றப்பத்திரிக்கை தாக்கல் செய்தார்.

இதையும் படிங்க:"வெம்பக்கோட்டை அகழாய்வில் கிடைத்த விளையாட்டு பொருட்கள்”

அந்த குற்றபத்திரிகையில் மொத்தம் 1,173 பேர் முதலீடு செய்துள்ளனர். முதலீடு செய்து முதிர்வு காலம் முடிவடைந்த பிறகும் இதுவரை பாதிக்கப்பட்டவர்களுக்கு வட்டியுடன் சேர்த்து 37 கோடி ருபாய் வழங்கப்படவில்லை. தொடர்ந்து புகார்கள் வந்து கொண்டு உள்ளது. விசாரணை முழுமையாக முடிவடையவில்லை என தொரிவிக்கபட்டுள்ளது.

மேலும், விசாரணை முழுமையாக நிறைவடைந்த பிறகு கூடுதல் குற்றபத்திரிகை தாக்கல் செய்ய உள்ளதாகவும் கூறப்படுகிறது. இந்த வழக்கானது சென்னை உயர் நீதிமன்ற வளாகத்தில் உள்ள சிறப்பு நீதிமன்றத்தில் நடந்து வரும் நிலையில், விரைவில் அடுத்த விசாரணைக்கு வரும் என எதிர்ப்பார்க்கபடுகிறது.

ஈடிவி பாரத் தமிழ்நாடு (ETV Bharat Tamil Nadu)

ஈடிவி பாரத் வாட்ஸ்அப் சேனலில் இணையஇங்கே கிளிக் செய்யவும்