சென்னை:நடிகர் சிம்பு இன்று நடைபெற்று வரும் நாடாளுமன்ற மக்களவை தேர்தலில் வாக்களிக்க வரமாட்டார் என்ற தகவல் வெளியாகியுள்ளது. தமிழ்நாடு முழுவதும் இன்று மக்களவை தேர்தலுக்கான முதற்கட்ட வாக்குப் பதிவு நடைபெற்று வருகிறது.
இந்நிலையில், சென்னையில் உள்ள வாக்குச் சாவடிகளில் பிரபலங்கள் பலர் தங்கள் வாக்குகளை காலை முதலே செலுத்தி ஜனநாயகக் கடமையை நிறைவேற்றி வருகின்றனர். நடிகர் ரஜினிகாந்த், கமல்ஹாசன், அஜித், விஜய், தனுஷ், சூர்யா உள்ளிட்ட பல முன்னணி நடிகர்கள் தங்கள் வாக்குகளை செலுத்தினர்.