சென்னை: ஓல்ட் டவுன் பிக்சர்ஸ் மற்றும் பத்மஜா பிலிம்ஸ் பிரைவேட் லிமிடெட் தயாரிப்பில், ஈஸ்வர் கார்த்திக் இயக்கத்தில் உருவாகியுள்ள திரைப்படம் ‘ஜீப்ரா’. இவர் முன்னதாக பெண்குயின் என்ற திரைப்படத்தை இயக்கி இருந்தார். பான் இந்தியா அளவில் உருவாகி உள்ள இப்படம், அக்டோபர் 31ஆம் தேதி பான் தமிழ், தெலுங்கு, மலையாளம், கன்னடம் மற்றும் இந்தி ஆகிய மொழிகளில் வெளியாகிறது.
இப்படம், அரசின் அதிகாரமிக்க உலகில் நிகழும் நிதிக்குற்றங்களை ஆராயும் கதைக்களத்துடன் அமைந்துள்ளதாக படக்குழு தெரிவித்துள்ளது. அதேநேரம், மூன்று வெவ்வேறு கதைகள் ஒன்றாக இணையும் இப்படத்தில், தென்னிந்திய திரைத்துறையின் மூன்று முக்கிய நட்சத்திரங்கள், ஒவ்வொரு கதையிலும் முதன்மைப் பாத்திரத்தை ஏற்று நடித்துள்ளனர்.