தமிழ்நாடு

tamil nadu

ETV Bharat / entertainment

கூலி பட மாஸ் அப்டேட் கொடுத்த லோகேஷ் கனகராஜ்! - Coolie Rajinikanth Look - COOLIE RAJINIKANTH LOOK

Coolie Shoot starts: ரஜினிகாந்த் நடிப்பில் உருவாகவுள்ள கூலி படத்தின் படப்பிடிப்பு ஜூலை மாதம் தொடங்க உள்ளதாக இயக்குநர் லோகேஷ் கனகராஜ் அறிவித்துள்ளார்.

Etv Bharat
Etv Bharat (Etv Bharat)

By ETV Bharat Tamil Nadu Team

Published : Jun 26, 2024, 8:12 PM IST

சென்னை: இயக்குநர் லோகேஷ் கனகராஜ் தமிழ் சினிமாவில் குறுகிய காலகட்டத்திலேயே முக்கியமான இயக்குநராக அறியப்படுபவர். மாநகரம், கைதி, மாஸ்டர், விக்ரம், லியோ என இவரது படங்கள் ஒவ்வொன்றும் தமிழ் சினிமாவின் முக்கியமான படங்களாக உள்ளன. கமலை வைத்து விக்ரம், விஜயுடன் மாஸ்டர், லியோ என படங்கள் இயக்கிய லோகேஷ் கனகராஜ் தற்போது ரஜினிகாந்த் உடன் கைகோர்த்துள்ளார்.

கரோனா காலகட்டத்தில் வெளியான மாஸ்டர் திரைப்படம் மிகப்பெரிய வெற்றியைப் பெற்றது. அதேபோல், கமல்ஹாசன் திரை வாழ்க்கையிலேயே அதிக வசூல் செய்த படமாக விக்ரம் மாறியது. இப்படி தமிழ் சினிமாவில் முக்கியமான இயக்குநராக உள்ள லோகேஷ் கனகராஜ், ரஜினிகாந்த் உடன் இணைவது மிகப்பெரிய எதிர்பார்ப்பை ஏற்படுத்தியுள்ளது.

ரஜினியின் 171வது படமாக உருவாக உள்ள இப்படத்தை சன் பிக்சர்ஸ் நிறுவனம் தயாரிக்கிறது. இப்படத்திற்கு கூலி என்று தலைப்பு வைக்கப்பட்டுள்ளது. இந்த படத்தில் நாகார்ஜுனா, ஸ்ருதிஹாசன், ரன்வீர் சிங் உள்ளிட்ட பல நட்சத்திர நடிகர்கள் நடிக்கவுள்ளதாக கூறப்படுகிறது. இதன் அறிமுக வீடியோ சமீபத்தில் வெளியாகி, படத்தின் மீது மிகப்பெரிய எதிர்பார்ப்பை ஏற்படுத்தியது. உழைப்பாளி படத்திற்கு இந்த படத்தில் ரஜினி கூலியாக நடிக்க உள்ளார் என கூறப்படுகிறது.

இப்படத்திற்கு அனிருத் இசை அமைக்கிறார். இது லோகேஷின் எல்சியூவில் வராது என்று ஏற்கனவே லோகேஷ் கனகராஜ் கூறியிருந்தார். இதனால் இது என்ன மாதிரியான கதையாக இருக்கும் என்று எதிர்பார்க்கப்படுகிறது. இந்த நிலையில், இன்று ரஜினியின் லுக் டெஸ்ட் புகைப்படத்தை பகிர்ந்த இயக்குநர் லோகேஷ் கனகராஜ், படப்பிடிப்பு அடுத்த மாதம் தொடங்க உள்ளதாக அறிவித்துள்ளார்.

ரஜினிகாந்த் தற்போது ஜெய்பீம் இயக்குநர் ஞானவேல் இயக்கத்தில் வேட்டையன் என்ற படத்தில் நடித்து முடித்துள்ளார். இதனைத் தொடர்ந்து, அடுத்த மாதம் முதல் கூலி படத்தின் படப்பிடிப்பில் இணையவுள்ளார்.

இதையும் படிங்க:மருத்துவ உதவி நாடிய நடிகர் வெங்கல் ராவ்.. உதவிக்கரம் நீட்டிய சிலம்பரசன்!

ABOUT THE AUTHOR

...view details