கார்த்தி - அரவிந்த் சாமி காம்போவில் மெய்யழகன் படத்தின் டைட்டில் போஸ்டர் வெளியானது! - MEIYAZHAGAN Movie Posters

Meiyazhagan Movie First Look Poster: இயக்குநர் பிரேம் குமார் இயக்கத்தில், நடிகர்கள் கார்த்தி மற்றும் அரவிந்த் சாமி நடிப்பில் உருவாகி உள்ள மெய்யழகன் படத்தின் ஃப்ர்ஸ்ட் லுக் மற்றும் செக்ண்ட் லுக் வெளியாகி ரசிகர்களை உற்சாகத்தில் ஆழ்த்தி உள்ளது.

சென்னை:96 படத்தின்இயக்குநர்பிரேம் குமார் இயக்கத்தில், நடிகர்கள் கார்த்தி மற்றும் அரவிந்த் சாமி நடிப்பில் உருவாகி உள்ள புதிய படம் மெய்யழகன். இப்படத்தை நடிகர்கள் சூர்யா மற்றும் ஜோதிகாவின் 2டி எண்டர்டெயின்மென்ட் நிறுவனம் தயாரித்துள்ளது. இதற்கு இசையமைப்பாளர் கோவிந்த் வசந்தா இசையமைத்துள்ளார்.

தற்போது இப்படத்தின் ஃப்ர்ஸ்ட் லுக் மற்றும் செகண்ட் லுக் போஸ்டரை படக்குழு வெளியிட்டுள்ளது. இந்த போஸ்டர்கள் வெளியாகி ரசிகர்கள் மத்தியில் பெரும் வரவேற்பைப் பெற்று வருகிறது. நடிகர் அரவிந்த் சாமி சைக்கிள் ஓட்ட பின்னாடி நடிகர் கார்த்தி அமர்ந்திருப்பது போன்ற போஸ்டரையும், காளையுடன் கார்த்தி மோதும் மற்றொரு போஸ்டரையும் படக்குழு வெளியிட்டுள்ளது.

இதில், நடிகர் ராஜ்கிரண், நடிகை ஸ்ரீ திவ்யா ஆகியோரும் நடித்துள்ளனர். மேலும், மெய்யழகன் படத்தின் பூஜை வீடியோ கடந்த பிப்ரவரி மாதம் வெளியானது. இப்படத்தின் படப்பிடிப்பு நிறைவடைந்துள்ளதாகவும் படக்குழு அறிவித்தது. இதன் ரிலீஸ் தேதி விரைவில் அறிவிக்கப்படும் என எதிர்பார்க்கப்படுகிறது.

முன்னதாக, நடிகர் கார்த்தி மணிரத்னம் இயக்கத்தில் பொன்னியின் செல்வன் படத்தில் வந்தியத்தேவன் கதாபாத்திரத்தில் நடித்து வரவேற்பைப் பெற்றார். இந்நிலையில், தற்போது தனது 26 மற்றும் 27வது படத்தில் நடித்து வருகிறார். 26வது படத்தை இயக்குநர் நலன் குமாரசாமி இயக்குகிறார்.

வா வாத்தியாரே என்று தலைப்பு வைக்கப்பட்டுள்ளதாகக் கூறப்படுகிறது. இந்த படத்தில் நடிகர் சத்யராஜ், நடிகை கீர்த்தி ஷெட்டி உள்ளிட்டோர் நடிக்கும் இப்படத்தை ஸ்டூடியோ கிரீன் ஞானவேல் ராஜா தயாரித்துள்ளார் என்பது குறிப்பிடத்தக்கது.

இதையும் படிங்க:இளையராஜாவை வம்புக்கு இழுத்த ராஜஸ்தான் ராயல்ஸ்... இணையத்தில் வைரலாகும் வீடியோ! - RR Team Kanmani Anbodu Kadhalan