தனுஷ் - தயாரிப்பாளர் சங்கம் விவகாரம்; விமல் அளித்த பதில் என்ன? - Actor vimal

Actor vimal: நடிகர் தனுஷ் புதிய படங்களில் நடிக்கக்கூடாது என தயாரிப்பாளர்கள் சங்கத்தில் போடப்பட்டுள்ள தீர்மானம் குறித்து நடிகர் விமலிடம் கேட்ட போது, அது குறித்து எனக்குத் தெரியவிலை என பதிலளித்துள்ளார்.

தூத்துக்குடி: சார், போகுமிடம் வெகு தூரமில்லை ஆகிய படங்கள் வெற்றி பெற வேண்டி திருச்செந்தூர் சுப்பிரமணிய சுவாமி கோயிலில் நடிகர் விமல் சாமி தரிசனம் செய்தார். பின்னர், கோயிலில் தரிசனம் முடித்து வெளியே வந்த நடிகர் விமலை சூழ்ந்த பக்தர்கள் அவருடன் நின்று புகைப்படம் எடுத்துக் கொண்டனர்.

அதனைத் தொடர்ந்து செய்தியாளர்களிடம் பேசிய விமல், "சார், போகுமிடம் வெகு தூரமில்லை படங்கள் விரைவில் திரைக்கு வர உள்ளது. சார் திரைப்படம் வித்தியாசமான கதைக்களத்தில் அமைந்துள்ளதாகவும், மேலும் கடந்த 2013ஆம் ஆண்டு வெளியாகி நல்ல வரவேற்பைப் பெற்ற தேசிங்கு ராஜா படத்தின் இரண்டாம் பாகத்தில் நடித்து வருவதாகவும் கூறினார்.

தேசிங்கு ராஜா 2 திரைப்படம் பொழுதுபோக்கான கதை அம்சத்தில் இருக்கும். இந்த திரைப்படம் பொதுமக்களுக்கு மிகவும் பிடிக்கும் என்றார். இதனைத் தொடர்ந்து, விஜய் அரசியல் வருகை பற்றி கேட்ட போது பதில் சொல்ல மறுத்துவிட்டார். மேலும், நடிகர் தனுஷ் - தயாரிப்பாளர் சங்கம் விவகாரத்தைப் பற்றி கேட்டபோது, அது குறித்து எனக்குத் தெரியவில்லை" என்று பதிலளித்தார்.

மலையாள நடிகர் திலீப் திருசெந்தூர் கோயிலில் சாமி தரிசனம் (Credits - ETV Bharat Tamil Nadu)

மேலும், மலையாள நடிகர் திலீப் இன்று திருச்செந்தூர் முருகன் கோயிலில் சாமி தரிசனம் செய்தார். இதனையடுத்து, தரிசனம் முடித்து திரும்பிய திலீப் உடன் பக்தர்கள் புகைப்படம் எடுத்து மகிழ்ந்தனர்.

ஈடிவி பாரத் தமிழ்நாடு (Credits - ETV Bharat Tamil Nadu)

ஈடிவி பாரத் தமிழ் வாட்ஸ்ஆப் சேனலில் இணையஇங்கே கிளிக் செய்யவும்

இதையும் படிங்க:ஆன்லைன் விளம்பரத்தை நம்பி தாய்லாந்து சென்ற கணவர் மாயம்.. தூத்துக்குடியில் தவிக்கும் குடும்பம்..! - gullible job advertisement