ਬੁਡਾਪੇਸਟ (ਹੰਗਰੀ): ਯੂਈਐੱਫਏ ਨੇਸ਼ਨਜ਼ ਲੀਗ 'ਚ ਦੇਸ਼ ਦਾ ਰਾਸ਼ਟਰੀ ਗੀਤ ਵਜਾਉਣ ਦੌਰਾਨ ਕਰੀਬ 50 ਪ੍ਰਸ਼ੰਸਕਾਂ ਨੇ ਪਿੱਠ ਦਿਖਾ ਕੇ ਇਜ਼ਰਾਈਲ ਖਿਲਾਫ ਪ੍ਰਦਰਸ਼ਨ ਕੀਤਾ। ਇਟਲੀ ਅਤੇ ਇਜ਼ਰਾਈਲ ਵਿਚਾਲੇ ਮੈਚ ਸ਼ੁਰੂ ਹੋਣ ਤੋਂ ਪਹਿਲਾਂ ਕਾਲੇ ਕੱਪੜੇ ਪਹਿਨੇ 50 ਇਟਾਲੀਅਨ ਪ੍ਰਸ਼ੰਸਕਾਂ ਨੇ ਆਪਣਾ ਵਿਰੋਧ ਦਰਜ ਕਰਵਾਇਆ। ਇਟਲੀ ਦੇ ਪ੍ਰਸ਼ੰਸਕਾਂ ਨੇ ਲਿਬਰਟਾ (ਆਜ਼ਾਦੀ) ਸ਼ਬਦ ਵਾਲਾ ਇੱਕ ਇਤਾਲਵੀ ਝੰਡਾ ਵੀ ਚੁੱਕਿਆ। ਪ੍ਰਦਰਸ਼ਨਕਾਰੀ ਸਮੂਹ ਵੱਲੋਂ ਵਿਖਾਏ ਗਏ ਹੋਰ ਬੈਨਰਾਂ 'ਤੇ ਕਾਲੇ ਨਿਸ਼ਾਨ ਸਨ।
ਹਮਾਸ ਨਾਲ ਟਕਰਾਅ ਕਾਰਨ ਇਜ਼ਰਾਈਲ ਨੇ ਆਪਣੇ ਘਰੇਲੂ ਮੈਚ ਹੰਗਰੀ 'ਚ ਸ਼ਿਫਟ ਕਰ ਦਿੱਤੇ ਹਨ। ਹੰਗਰੀ ਦੇ ਪ੍ਰਧਾਨ ਮੰਤਰੀ ਵਿਕਟਰ ਓਰਬਨ ਅਤੇ ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਦਰਮਿਆਨ ਨਜ਼ਦੀਕੀ ਸਬੰਧ ਹਨ। ਓਰਬਨ ਨੇ ਫਲਸਤੀਨ ਦੇ ਖਿਲਾਫ ਜਨਤਕ ਵਿਰੋਧ ਪ੍ਰਦਰਸ਼ਨਾਂ 'ਤੇ ਪਾਬੰਦੀ ਲਗਾ ਦਿੱਤੀ ਹੈ, ਇਹ ਕਹਿੰਦੇ ਹੋਏ ਕਿ ਉਹ ਜਨਤਕ ਸੁਰੱਖਿਆ ਨੂੰ ਨੁਕਸਾਨ ਪਹੁੰਚਾ ਸਕਦੇ ਹਨ।
ਇਸ ਤੋਂ ਪਹਿਲਾਂ ਸੈਲਿਸ ਘਰ ਵਿਚ ਨਜ਼ਰਬੰਦ ਸੀ ਅਤੇ ਕਥਿਤ ਤੌਰ 'ਤੇ ਸੱਜੇ-ਪੱਖੀ ਪ੍ਰਦਰਸ਼ਨਕਾਰੀਆਂ 'ਤੇ ਹਮਲਾ ਕਰਨ ਦੇ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਸੀ। ਪਰ, ਉਨ੍ਹਾਂ ਨੂੰ ਜੂਨ ਵਿੱਚ ਨਜ਼ਰਬੰਦੀ ਤੋਂ ਰਿਹਾਅ ਕਰ ਦਿੱਤਾ ਗਿਆ ਸੀ। ਇਟਾਲੀਅਨ ਗ੍ਰੀਨ ਅਤੇ ਖੱਬੇ ਗੱਠਜੋੜ ਲਈ ਯੂਰਪੀਅਨ ਸੰਸਦ ਦਾ ਨਵਾਂ ਮੈਂਬਰ ਬਣਨ ਦੇ ਨਤੀਜੇ ਵਜੋਂ ਉਨ੍ਹਾਂ ਨੂੰ ਮੁਕਤ ਕੀਤਾ ਗਿਆ ਸੀ।
ਇਤਾਲਵੀ ਰੋਜ਼ਾਨਾ ਕੋਰੀਏਰੇ ਡੇਲਾ ਸੇਰਾ ਦੇ ਅਨੁਸਾਰ, ਸਮਰਥਕਾਂ ਦੇ ਸਮੂਹ ਨੂੰ ਇਤਾਲਵੀ ਫਾਸ਼ੀਵਾਦੀ ਵਿਰੋਧੀ ਕਾਰਕੁਨ ਇਲਾਰੀਆ ਸੈਲਿਸ ਦੇ ਵਿਰੁੱਧ ਨਾਅਰੇਬਾਜ਼ੀ ਕਰਦੇ ਹੋਏ ਵੀ ਦੇਖਿਆ ਗਿਆ।
ਇਜ਼ਰਾਈਲ-ਇਟਲੀ ਦਾ ਮੈਚ ਬੁਡਾਪੇਸਟ ਦੇ ਬੋਜ਼ਿਕ ਅਰੇਨਾ ਵਿਖੇ ਹੋਇਆ। ਬੈਲਜੀਅਮ ਅਤੇ ਇਜ਼ਰਾਈਲ ਵਿਚਾਲੇ ਦੂਜਾ ਮੈਚ ਹੰਗਰੀ ਦੇ ਡੇਬਰਸੇਨ ਵਿੱਚ ਖੇਡਿਆ ਗਿਆ। ਇਟਲੀ 14 ਅਕਤੂਬਰ ਨੂੰ ਉਡੀਨ ਵਿੱਚ ਇਜ਼ਰਾਈਲ ਦੀ ਮੇਜ਼ਬਾਨੀ ਕਰੇਗਾ, ਪਰ ਸ਼ਹਿਰ ਦੀ ਨਗਰ ਕੌਂਸਲ ਨੇ ਅਜੇ ਤੱਕ ਇਸ ਮੈਚ ਦਾ ਸਮਰਥਨ ਨਹੀਂ ਕੀਤਾ ਹੈ। ਜ਼ਿਕਰਯੋਗ ਹੈ ਕਿ ਉੱਤਰੀ ਸ਼ਹਿਰ 'ਚ ਉਸੇ ਦਿਨ ਫਲਸਤੀਨ ਪੱਖੀ ਵਿਰੋਧ ਪ੍ਰਦਰਸ਼ਨ ਕੀਤਾ ਗਿਆ ਹੈ।
