ਅੰਮ੍ਰਿਤਸਰ: ਸਾਬਕਾ ਮੈਂਬਰ ਪਾਰਲੀਮੈਂਟ ਅਤੇ ਸਾਬਕਾ ਵਿਧਾਇਕ ਨਵਜੋਤ ਸਿੰਘ ਸਿੱਧੂ ਅੱਜ ਕੱਲ ਪੂਰੀਆਂ ਸੁਰਖੀਆਂ ਵਿੱਚ ਹਨ ਕਿਉਂਕਿ ਨਵਜੋਤ ਕੌਰ ਸਿੱਧੂ ਕੈਂਸਰ ਤੋਂ ਪੂਰੀ ਤਰ੍ਹਾਂ ਠੀਕ ਹੋ ਗਏ ਹਨ। ਮੈਡਮ ਸਿੱਧੂ ਦੇ ਠੀਕ ਹੋਣ ਮਗਰੋਂ ਨਵਜੋਤ ਸਿੰਘ ਸਿੱਧੂ ਦਾ ਸ਼ਾਇਰਾਨਾ ਅੰਦਾਜ਼ ਮੁੜ ਤੋਂ ਵੇਖਣ ਨੂੰ ਮਿਲਿਆ। ਜਦੋਂ ਸਿੱਧੂ ਜੋੜਾ ਆਪਣੇ ਘਰੋਂ ਬਾਹਰ ਨਿਕਲਿਆ ਤਾਂ ਬਹੁਤ ਹੀ ਸ਼ਾਇਰਾਨਾ ਅੰਦਾਜ਼ 'ਚ ਸਿੱਧੂ ਨੇ ਆਪਣੀ ਪਤਨੀ ਲਈ ਪਿਆਰ ਅਤੇ ਤਾਰੀਫ਼ ਭਰੇ ਸ਼ਬਦ ਬੋਲੇ। ਉਨ੍ਹਾਂ ਦੀ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਬਹੁਤ ਵਾਇਰਲ ਹੋ ਰਹੀ ਹੈ।
Noni’s Day Out…. Sherry’s Cheat Day !!! pic.twitter.com/WeSVQLrdwG
— Navjot Singh Sidhu (@sherryontopp) November 24, 2024
ਟੀ-ਸਟਾਲ 'ਤੇ ਬੰਨ੍ਹਿਆ ਰੰਗ
ਨਵਜੋਤ ਸਿੰਘ ਸਿੱਧੂ ਅੰਮ੍ਰਿਤਸਰ ਦੀਆਂ ਸੜਕਾਂ 'ਤੇ ਨਜ਼ਰ ਆਏ। ਅੰਮ੍ਰਿਤਸਰ ਦੇ ਭੰਡਾਰੀ ਪੁੱਲ ਦੇ ਨਜ਼ਦੀਕ ਬਣੇ ਗਿਆਨੀ ਟੀ-ਸਟਾਲ 'ਤੇ ਸਿੱਧੂ ਜੋੜੇ ਨੂੰ ਬੈਠਿਆ ਦੇਖਿਆ ਗਿਆ। ਜਿੱਥੇ ਉਹ ਕਾਫ਼ੀ ਗੱਲਾਂ ਕਰਦੇ ਖੁਸ਼ ਨਜ਼ਰ ਆਏ।ਉਨ੍ਹਾਂ ਦੇ ਆਲੇ-ਦੁਆਲੇ ਉਨ੍ਹਾਂ ਦੇ ਫੈਨਜ਼ ਦਾ ਇਕੱਠ ਵੇਖਣ ਨੂੰ ਮਿਲਿਆ। ਟੀ-ਸਟਾਲ 'ਤੇ ਦੋਵਾਂ ਨੇ ਚਾਹ ਦੀਆਂ ਚੁਸਕੀਆਂ ਦਾ ਆਨੰਦ ਮਾਣਿਆ। ਤੁਹਾਨੂੰ ਦੱਸ ਦਈਏ ਕਿ ਮੈਡਮ ਸਿੱਧੂ ਜਦੋਂ ਦੇ ਕੈਂਸਰ ਪੀੜਤ ਸਨ ਉਦੋਂ ਤੋਂ ਲੈ ਕੇ ਹੁਣ ਤੱਕ ਨਵਜੋਤ ਸਿੰਘ ਸਿੱਧੂ ਪਟਿਆਲਾ ਵਿੱਚ ਹੀ ਸਨ ।
ਸਿੱਧੂ ਜੋੜੇ ਵੱਲੋਂ ਪ੍ਰੈਸ ਕਾਨਫਰੰਸ
ਕਾਬਲੇਜ਼ਿਕਰ ਹੈ ਕਿ ਅੰਮ੍ਰਿਤਸਰ ਆਪਣੇ ਘਰ 'ਚ ਪ੍ਰੈਸ ਕਾਨਫਰੰਸ ਕਰ ਨਵਜੋਤ ਕੌਰ ਸਿੱਧੂ ਦੇ ਕੈਂਸਰ ਬਾਰੇ ਸਾਰੀ ਜਾਣਕਾਰੀ ਦਿੱਤੀ ਗਈ ਸੀ। ਜਦੋਂ ਤੋਂ ਨਵਜੋਤ ਕੌਰ ਸਿੱਧੂ ਠੀਕ ਹੋਏ ਨੇ ਉਦੋਂ ਤੋਂ ਉਨ੍ਹਾਂ ਨੂੰ ਮਿਲਣ ਲਈ ਕਈ ਮਸ਼ਹੂਰ ਹਸਤੀਆਂ ਮਿਲਣ ਆ ਚੁੱਕੀਆਂ ਹਨ। ਜਿਸ ਵਿੱਚ ਪੰਜਾਬ ਦੇ ਮਸ਼ਹੂਰ ਕ੍ਰਿਕਟਰ ਹਰਭਜਨ ਸਿੰਘ ਵੱਲੋਂ ਵੀ ਉਨ੍ਹਾਂ ਨਾਲ ਮੁਲਾਕਾਤ ਕੀਤੀ ਗਈ ਸੀ। ਇਸ ਸਭ ਵਿਚਕਾਰ ਨਵਜੋਤ ਸਿੰਘ ਖੁਦ ਮੀਡੀਆ ਤੋਂ ਦੂਰੀ ਬਣਾਉਂਦੇ ਨਜ਼ਰ ਆਏ, ਉਨ੍ਹਾਂ ਵੱਲੋਂ ਕਿਸੇ ਵੀ ਸਿਆਸੀ ਸਵਾਲ ਦਾ ਕੋਈ ਜਵਾਬ ਨਹੀਂ ਦਿੱਤਾ ਗਿਆ।
- ਨਵਜੋਤ ਸਿੰਘ ਸਿੱਧੂ ਦੇ ਪਤਨੀ ਨੇ ਜਿੱਤੀ ਕੈਂਸਰ ਦੀ ਜੰਗ, ਭਾਵੁਕ ਸਿੱਧੂ ਪਰਿਵਾਰ ਨੇ ਪਹਿਲੀ ਵਾਰ ਲੋਕਾਂ ਨਾਲ ਸਾਂਝੀ ਕੀਤੀ ਹੱਡਬੀਤੀ
- ਇਸ ਤਰੀਕੇ ਨਾਲ ਅਲੋਪ ਨਹੀਂ ਹੋਵੇਗੀ ਮਾਂ ਬੋਲੀ ਪੰਜਾਬੀ, ਇਸ ਅਧਿਆਪਕ ਦਾ ਵੱਖਰਾ ਤਰੀਕਾ ਕਹਿੰਦੇ ਪੰਜਾਬੀ ਤਾਂ ਕਿ ਪਰਵਾਸੀਆਂ ਵਿੱਚ ਵੀ ਸਿੱਖਣ ਦਾ ਚਾਅ
- ਮੁੱਖ ਮੰਤਰੀ ਦੇ ਸ਼ਹਿਰ 'ਚ ਕੁੜੀਆਂ ਦੀਆਂ ਲਾਹੀਆਂ ਚੁੰਨੀਆਂ ਅਤੇ ਸਰਦਾਰਾਂ ਦੀਆਂ ਪੱਗਾਂ, ਵੀਡੀਓ ਵੇਖ ਕੇ ਹੋ ਜਾਓਗੇ ਹੈਰਾਨ
