Bollywood Actresses:ਮਨੋਰੰਜਨ ਜਗਤ ਦੇ ਸਿਤਾਰੇ ਆਏ ਦਿਨ ਆਪਣੀ ਚਕਾਚੌਂਕ ਵਾਲੀ ਜ਼ਿੰਦਗੀ ਦੇ ਲਈ ਚਰਚਾ ਦਾ ਵਿਸ਼ਾ ਬਣੇ ਰਹਿੰਦੇ ਹਨ। ਲਵ ਅਫੇਅਰ ਹੋਵੇ ਜਾਂ ਫਿਰ ਵਿਆਹ, ਸਿਤਾਰਿਆਂ ਦਾ ਜ਼ਿੰਦਗੀ ਦਾ ਹਰ ਪਹਿਲੂ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਲਈ ਕਾਫੀ ਅਹਿਮ ਅਤੇ ਦਿਲਚਸਪ ਹੁੰਦਾ ਹੈ। ਹੁਣ ਇਸੇ ਤਰ੍ਹਾਂ ਇੱਥੇ ਅਸੀਂ ਇੱਕ ਅਜਿਹੀ ਲਿਸਟ ਲੈ ਕੇ ਆਏ ਹਾਂ, ਜਿਸ ਵਿੱਚ ਅਸੀਂ ਬਿਨ੍ਹਾਂ ਵਿਆਹ ਤੋਂ ਮਾਂ ਬਣ ਚੁੱਕੀਆਂ ਅਦਾਕਾਰਾਂ ਦੀ ਸੂਚੀ ਤਿਆਰੀ ਕੀਤੀ ਹੈ।
ਇਲਿਆਨਾ ਡੀਕਰੂਜ਼:ਬਾਲੀਵੁੱਡ ਅਦਾਕਾਰਾ ਇਲਿਆਨਾ ਡੀਕਰੂਜ਼ ਨੇ ਹਾਲ ਹੀ 'ਚ ਆਪਣੇ ਬੱਚੇ ਨੂੰ ਜਨਮ ਦਿੱਤਾ। ਤੁਹਾਨੂੰ ਦੱਸ ਦੇਈਏ ਕਿ ਇਲਿਆਨਾ ਨੇ ਅਜੇ ਤੱਕ ਵਿਆਹ ਨਹੀਂ ਕੀਤਾ ਹੈ। ਆਪਣੇ ਬੱਚੇ ਦੀਆਂ ਵੀਡੀਓਜ਼ ਅਦਾਕਾਰਾ ਆਏ ਦਿਨ ਸਾਂਝੀਆਂ ਕਰਦੀ ਰਹਿੰਦੀ ਹੈ।
ਨੇਹਾ ਧੂਪੀਆ:ਨੇਹਾ ਧੂਪੀਆ ਨੇ ਆਪਣੇ ਬੁਆਏਫ੍ਰੈਂਡ ਅੰਗਦ ਬੇਦੀ ਨਾਲ ਸਾਲ 2018 ਵਿੱਚ ਵਿਆਹ ਕੀਤਾ ਸੀ। ਇਸ ਜੋੜੇ ਬਾਰੇ ਕਿਹਾ ਜਾਂਦਾ ਹੈ ਕਿ ਵਿਆਹ ਤੋਂ ਪਹਿਲਾਂ ਹੀ ਅਦਾਕਾਰਾ ਨੇਹਾ ਧੂਪੀਆ ਗਰਭਵਤੀ ਹੋ ਗਈ ਸੀ। 10 ਮਈ ਨੂੰ ਜੋੜੇ ਨੇ ਵਿਆਹ ਕੀਤਾ ਅਤੇ 18 ਨਵੰਬਰ ਨੂੰ ਨੇਹਾ ਨੇ ਬੱਚੇ ਨੂੰ ਜਨਮ ਦਿੱਤਾ।
ਕਲਕੀ ਕੋਚਲਿਨ: 'ਜ਼ਿੰਦਗੀ ਨਾ ਮਿਲੇਗੀ ਦੋਬਾਰਾ' ਅਦਾਕਾਰਾ ਕਲਕੀ ਕੋਚਲਿਨ ਦਾ ਮਸ਼ਹੂਰ ਬਾਲੀਵੁੱਡ ਨਿਰਦੇਸ਼ਕ ਅਨੁਰਾਗ ਕਸ਼ਯਪ ਤੋਂ ਤਲਾਕ ਤੋਂ ਬਾਅਦ ਗਾਇ ਹਰਸ਼ਬਰਗ ਨਾਮ ਦੇ ਵਿਅਕਤੀ ਨਾਲ ਅਫੇਅਰ ਸੀ। ਕਿਹਾ ਜਾਂਦਾ ਹੈ ਕਿ ਇਸ ਰਿਸ਼ਤੇ ਕਾਰਨ ਕਲਕੀ ਬਿਨ੍ਹਾਂ ਵਿਆਹ ਦੇ ਮਾਂ ਬਣ ਗਈ ਸੀ।