Karan Aujla takes Trendsetter Award: ਪੰਜਾਬੀ ਗਾਇਕ ਕਰਨ ਔਜਲਾ ਦੀ ਸਫ਼ਲਤਾ ਦੇ ਸਿਤਾਰੇ ਇਸ ਸਮੇਂ ਅਸਮਾਨ ਛੂਹ ਰਹੇ ਹਨ। ਗਾਇਕ ਦੇ ਗੀਤ ਭਾਰਤ ਦੇ ਹਰ ਬੰਦੇ ਦੀ ਜ਼ੁਬਾਨ ਉਤੇ ਹਨ। ਕਈ ਵੱਡੇ ਖਿਡਾਰੀ ਤਾਂ ਗਾਇਕ ਦੇ ਗੀਤਾਂ ਦੇ ਕਾਫੀ ਵੱਡੇ ਪ੍ਰਸ਼ੰਸ਼ਕ ਹਨ।
ਹੁਣ ਇਸ ਸਭ ਦੇ ਵਿਚਕਾਰ ਗਾਇਕ ਕਰਨ ਔਜਲਾ ਨੇ ਆਈਫਾ ਐਵਾਰਡ ਹਾਸਲ ਕੀਤਾ ਹੈ, ਜਿਸ ਨਾਲ ਗਾਇਕ ਨੇ ਇੱਕ ਵਾਰ ਫਿਰ ਪੰਜਾਬੀ ਗੀਤਾਂ ਅਤੇ ਪੰਜਾਬੀਆਂ ਦਾ ਮਾਣ ਵਧਾਇਆ ਹੈ। ਗਾਇਕ ਨੇ ਇਸ ਵਿੱਚ ਸਾਲ ਦਾ ਅੰਤਰਰਾਸ਼ਟਰੀ ਟ੍ਰੈਂਡਸੈਟਰ ਐਵਾਰਡ ਜਿੱਤਿਆ, ਜੋ ਕਿ ਪੰਜਾਬੀ ਸੰਗੀਤ ਪ੍ਰੇਮੀਆਂ ਲਈ ਮਾਣ ਵਾਲੀ ਗੱਲ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਗਾਇਕ ਕਰਨ ਔਜਲਾ ਪੰਜਾਬੀ ਸੰਗੀਤ ਜਗਤ ਦੇ ਅਜਿਹੇ ਗਾਇਕ ਹਨ, ਜਿੰਨ੍ਹਾਂ ਦੇ ਗੀਤ ਰਿਲੀਜ਼ ਹੁੰਦੇ ਹੀ ਪ੍ਰਸਿੱਧ ਹੋ ਜਾਂਦੇ ਹਨ। ਹਾਲ ਹੀ ਵਿੱਚ ਗਾਇਕ ਨੇ ਬਾਲੀਵੁੱਡ ਫਿਲਮ 'ਬੈਡ ਨਿਊਜ਼' ਵਿੱਚ 'ਤੌਬਾ ਤੌਬਾ' ਨਾਲ ਸਭ ਦੇ ਦਿਲਾਂ ਉਤੇ ਰਾਜ ਕੀਤਾ। ਇਸ ਗੀਤ ਉਤੇ ਦੇਸ਼ ਤੋਂ ਇਲਾਵਾ ਕਈ ਵਿਦੇਸ਼ੀ ਹਸਤੀਆਂ ਨੇ ਵੀ ਵੀਡੀਓ ਬਣਾਈਆਂ।