ਪਿਤਾ ਦੀ ਮੌਤ ਦੀ ਖਬਰ ਸੁਣ ਕੇ ਪੁਣੇ ਤੋਂ ਭੱਜੀ ਮਲਾਇਕਾ ਅਰੋੜਾ, ਫੁੱਟ-ਫੁੱਟ ਰੋਂਦੀ ਦੇਖੀ ਗਈ ਮਲਾਇਕਾ, ਅਰਜੁਨ ਕਪੂਰ, ਬੇਟਾ ਅਰਹਾਨ ਵੀ ਪਹੁੰਚੇ - malaika arora father suicide

Malaika Arora Father Suicide: ਬਾਲੀਵੁੱਡ ਅਦਾਕਾਰਾ ਮਲਾਇਕਾ ਅਰੋੜਾ ਆਪਣੇ ਪਿਤਾ ਦੀ ਮੌਤ ਦੀ ਖਬਰ ਸੁਣ ਕੇ ਪੁਣੇ ਤੋਂ ਮੁੰਬਈ ਵਾਪਸ ਆ ਗਈ ਹੈ। ਅਦਾਕਾਰਾ ਨੂੰ ਆਪਣੇ ਘਰ ਦੇ ਬਾਹਰ ਰੋਂਦੇ ਦੇਖਿਆ ਗਿਆ ਹੈ। ਇਸ ਦੌਰਾਨ ਮਲਾਇਕਾ ਦਾ Rumored ਬੁਆਏਫ੍ਰੈਂਡ-ਅਦਾਕਾਰ ਅਰਜੁਨ ਕਪੂਰ ਦੀਆਂ ਤਸਵੀਰਾਂ ਵੀ ਕੈਮਰੇ 'ਚ ਕੈਦ ਹੋ ਗਈਆਂ।

ਮੁੰਬਈ— ਮਲਾਇਕਾ ਅਰੋੜਾ ਦੇ ਪਿਤਾ ਅਨਿਲ ਅਰੋੜਾ ਨੇ ਬੁੱਧਵਾਰ ਨੂੰ ਕਥਿਤ ਤੌਰ 'ਤੇ ਖੁਦਕੁਸ਼ੀ ਕਰ ਲਈ। ਪਿਤਾ ਦੀਨ ਮੌਤ ਤੋਂ ਬਾਅਦ ਮਲਾਇਕਾ ਦੇ ਘਰ ਪਹੁੰਚਣ ਦੀਆਂ ਪਹਿਲੀਆਂ ਤਸਵੀਰਾਂ ਹੁਣ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਈਆਂ ਹਨ। ਵੀਡੀਓ 'ਚ ਮਲਾਇਕਾ ਕਾਫੀ ਪਰੇਸ਼ਾਨ ਨਜ਼ਰ ਆ ਰਹੀ ਹੈ। ਅਦਾਕਾਰਾ ਦੀਆਂ ਰੌਂਦੇ ਹੋਏ ਤਸਵੀਰਾਂ ਕੈਮਰੇ 'ਚ ਕੈਦ ਹੋ ਗਈਆਂ।ਇਸ ਦੁੱਖ ਦੀ ਘੜੀ ਵਿੱਚ ਅਦਾਕਾਰਾ ਦਾ ੍Rumored ਬੁਆਏਫ੍ਰੈਂਡ-ਅਦਾਕਾਰ ਅਰਜੁਨ ਕਪੂਰ ਉਨ੍ਹਾਂ ਦੇ ਘਰ ਪਹੁੰਚੇ। ਅਰਜੁਨ ਤੋਂ ਇਲਾਵਾ ਸਲਮਾਨ ਖਾਨ ਦੀ ਭੈਣ ਅਤੇ ਮਲਾਇਕਾ ਦੀ ਸਾਬਕਾ ਭਾਬੀ ਅਲਵੀਰਾ ਅਗਨੀਹੋਤਰੀ ਨੂੰ ਵੀ ਮਲਾਇਕਾ ਦੇ ਘਰ ਬਾਹਰ ਸਪਾਟ ਕੀਤਾ ਗਿਆ।

ਰੋਂਦੀ ਹੋਈ ਆਪਣੇ ਪਿਤਾ ਦੇ ਘਰ ਪਹੁੰਚੀ ਮਲਾਇਕਾ ਅਰੋੜਾ

ਮਲਾਇਕਾ ਅਰੋੜਾ ਵੀ ਕਿਸੇ ਕੰਮ ਲਈ ਪੁਣੇ 'ਚ ਸੀ। ਜਦੋਂ ਉਸ ਨੂੰ ਪਿਤਾ ਦੀ ਮੌਤ ਦੀ ਖ਼ਬਰ ਮਿਲੀ ਤਾਂ ਉਹ ਤੁਰੰਤ ਮੁੰਬਈ ਲਈ ਪੁਣੇ ਤੋਂ ਰਵਾਨਾ ਹੋ ਗਈ। ਬੁੱਧਵਾਰ ਦੁਪਹਿਰ ਨੂੰ ਪਾਪਰਾਜ਼ੀ ਨੇ ਅਭਿਨੇਤਰੀ ਨੂੰ ਉਸ ਦੇ ਘਰ ਦੇ ਬਾਹਰ ਦੇਖਿਆ। ਵੀਡੀਓ ਵਿੱਚ ਮਲਾਇਕਾ ਨੂੰ ਆਪਣੀ ਕਾਰ ਤੋਂ ਬਾਹਰ ਆ ਕੇ ਆਪਣੇ ਅਪਾਰਟਮੈਂਟ ਵੱਲ ਜਾਂਦੇ ਹੋਏ ਦੇਖਿਆ ਜਾ ਸਕਦਾ ਹੈ।

ਆਪਣੇ ਨਾਨਾ ਦੇ ਘਰ ਪਹੁੰਚਿਆ ਮਲਾਇਕਾ ਦਾ ਬੇਟਾ ਅਰਹਾਨ ਖਾਨ

ਮਲਾਇਕਾ ਨੇ ਇੱਕ ਪ੍ਰਿੰਟਿਡ ਨਾਈਟ ਸੂਟ ਪਾਇਆ ਹੋਇਆ ਹੈ, ਉਸ ਦੇ ਵਾਲ ਇੱਕ ਪੋਨੀਟੇਲ ਵਿੱਚ ਬੰਨ੍ਹੇ ਹੋਏ ਹਨ ਅਤੇ ਉਸ ਦੇ ਚਿਹਰੇ 'ਤੇ ਇੱਕ ਮਾਸਕ ਹੈ। ਹੰਝੂਆਂ ਨੂੰ ਰੋਕਦੀ ਮਲਾਇਕਾ ਘਰ ਦੇ ਅੰਦਰ ਦਾਖਲ ਹੋਈ। ਪਿਤਾ ਦੀ ਮੌਤ ਦੀ ਖ਼ਬਰ ਸੁਣ ਕੇ ਉਹ ਬਹੁਤ ਦੁਖੀ ਹੈ। ਕੁਝ ਸਮੇਂ ਬਾਅਦ ਭੈਣ ਅੰਮ੍ਰਿਤਾ ਅਰੋੜਾ ਵੀ ਆਪਣੇ ਪਤੀ ਸ਼ਕੀਲ ਨਾਲ ਉੱਥੇ ਪਹੁੰਚ ਗਈ। ਇਸ ਤੋਂ ਇਲਾਵਾ ਮਲਾਇਕਾ ਦਾ ਬੇਟਾ ਅਰਹਾਨ ਖਾਨ ਵੀ ਆਪਣੇ ਨਾਨਾ ਦੇ ਘਰ ਪਹੁੰਚਿਆ।

ਮਲਾਇਕਾ ਦੇ ਮਾਤਾ-ਪਿਤਾ ਦੇ ਘਰ ਪਹੁੰਚੇ ਅਰਜੁਨ ਕਪੂਰ

ਜਦੋਂ ਮਲਾਇਕਾ ਦੇ ਪਿਤਾ ਦੇ ਦੇਹਾਂਤ ਦੀ ਖਬਰ ਮਿਲੀ ਤਾਂ ਅਰਜੁਨ ਕਪੂਰ ਵੀ ਮਲਾਇਕਾ ਦੇ ਘਰ ਪਹੁੰਚੇ। ਇੱਕ ਵਾਇਰਲ ਵੀਡੀਓ ਵਿੱਚ ਅਰਜੁਨ ਕਪੂਰ ਨੂੰ ਇੱਕ ਚਿੱਟੀ ਕਮੀਜ਼ ਅਤੇ ਕਾਲੇ ਪੈਂਟ ਵਿੱਚ ਮਲਾਇਕਾ ਦੇ ਪੇਰੈਂਟਸ ਦੇ ਘਰ ਦੇ ਦੇਖਿਆ ਗਿਆ। ਵਾਇਰਲ ਵੀਡੀਓ 'ਚ ਅਰਜੁਨ ਮਲਾਇਕਾ ਦੇ ਮਾਤਾ-ਪਿਤਾ ਦੇ ਘਰ ਹੇਠਾਂ ਖੜ੍ਹੇ ਨਜ਼ਰ ਆ ਰਹੇ ਹਨ।

ਮਲਾਇਕਾ ਅਰੋੜਾ ਦੇ ਪਿਤਾ ਨੇ ਛੱਤ ਤੋਂ ਛਾਲ ਮਾਰ ਕੀਤੀ ਖੁਦਕੁਸ਼ੀ

ਬੁੱਧਵਾਰ ਨੂੰ ਮੁੰਬਈ ਪੁਲਿਸ ਨੇ ਮਲਾਇਕਾ ਦੇ ਪਿਤਾ ਦੇ ਦੇਹਾਂਤ ਦੀ ਜਾਣਕਾਰੀ ਸਾਂਝੀ ਕੀਤੀ। ਪੁਲਿਸ ਨੇ ਦੱਸਿਆ ਕਿ ਅਦਾਕਾਰਾ-ਮਾਡਲ ਮਲਾਇਕਾ ਅਰੋੜਾ ਦੇ ਪਿਤਾ ਨੇ ਛੱਤ ਤੋਂ ਛਾਲ ਮਾਰ ਕੇ ਖੁਦਕੁਸ਼ੀ ਕਰ ਲਈ। ਪੁਲਿਸ ਟੀਮ ਮੌਕੇ 'ਤੇ ਮੌਜੂਦ ਹੈ। ਮੁੰਬਈ ਪੁਲਸ ਦੇ ਨਾਲ ਕ੍ਰਾਈਮ ਬ੍ਰਾਂਚ ਦੀ ਟੀਮ ਵੀ ਮੌਕੇ 'ਤੇ ਮੌਜੂਦ ਹੈ।

ਮਲਾਇਕਾ ਅਰੋੜਾ ਦੇ ਪਿਤਾ ਦੀ ਮੌਤ 'ਤੇ ਡੀਸੀਪੀ ਦਾ ਬਿਆਨ

ਮਲਾਇਕਾ ਅਰੋੜਾ ਦੇ ਪਿਤਾ ਦੀ ਮੌਤ 'ਤੇ ਡੀਸੀਪੀ ਜ਼ੋਨ-9 ਰਾਜ ਤਿਲਕ ਰੋਸ਼ਨ ਨੇ ਕਿਹਾ, 'ਫੋਰੈਂਸਿਕ ਟੀਮਾਂ ਪਹੁੰਚ ਗਈਆਂ ਹਨ ਅਤੇ ਜਾਂਚ ਕੀਤੀ ਜਾ ਰਹੀ ਹੈ। ਹੁਣ ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜਿਆ ਜਾ ਰਿਹਾ ਹੈ। ਸ਼ੁਰੂਆਤੀ ਜਾਂਚ ਤੋਂ ਲੱਗਦਾ ਹੈ ਕਿ ਇਹ ਖੁਦਕੁਸ਼ੀ ਹੈ। ਅਸੀਂ ਹੋਰ ਜਾਂਚ ਕਰ ਰਹੇ ਹਾਂ।