ਅੱਜ ਜਾਰੀ ਹੋ ਸਕਦੀ CUET UG ਆਂਸਰ-ਕੀ, ਇਸ ਤਰ੍ਹਾਂ ਕਰੋ ਡਾਊਨਲੋਡ - CUET UG 2024

CUET UG 2024: CUET UG 2024 ਪ੍ਰੀਖਿਆ ਦਾ ਆਯੋਜਨ 15 ਮਈ ਤੋਂ 24 ਮਈ ਤੱਕ ਕੀਤਾ ਗਿਆ ਸੀ। ਹੁਣ ਏਜੰਸੀ ਦੁਆਰਾ ਪ੍ਰੀਖਿਆ 'ਚ ਪੁੱਛੇ ਗਏ ਸਵਾਲਾਂ ਦੀਆਂ ਉੱਤਰ-ਕੁੰਜੀਆਂ ਜਾਰੀ ਕੀਤੀਆਂ ਜਾਣਗੀਆਂ।

ਹੈਦਰਾਬਾਦ: NTA ਨੇ ਦੇਸ਼ ਭਰ ਦੇ ਕੇਂਦਰਾਂ, ਰਾਜਾਂ, ਡੀਮਡ ਅਤੇ ਪ੍ਰਾਈਵੇਟ ਯੂਨੀਵਰਸਿਟੀਆਂ, ਡਿਗਰੀ ਕਾਲਜਾਂ ਅਤੇ ਹੋਰ ਉੱਚ ਸਿੱਖਿਆ ਸੰਸਥਾਵਾਂ ਵਿੱਚ ਕਰਵਾਏ ਗਏ ਗ੍ਰੈਜੂਏਟ ਪੱਧਰ ਦੇ ਕੋਰਸਾਂ ਵਿੱਚ ਦਾਖਲੇ ਲਈ CUET UG 2024 ਪ੍ਰੀਖਿਆ ਦਾ ਆਯੋਜਨ 15 ਮਈ ਤੋਂ 29 ਮਈ ਤੱਕ ਕੀਤਾ ਸੀ। ਇਸ ਤੋਂ ਬਾਅਦ ਹੁਣ ਏਜੰਸੀ ਦੁਆਰਾ ਇਸ ਪ੍ਰੀਖਿਆ 'ਚ ਪੁੱਛੇ ਗਏ ਸਵਾਲਾਂ ਦੀਆਂ ਉੱਤਰ-ਕੁੰਜੀਆਂ ਜਾਰੀ ਕੀਤੀਆਂ ਜਾਣਗੀਆਂ।

NTA ਦੁਆਰਾ ਉਮੀਦਵਾਰਾਂ ਦੀ ਜਵਾਬ ਸ਼ੀਟ ਦੇ ਨਾਲ-ਨਾਲ ਆਂਸਰ-ਕੀ ਜਾਰੀ ਕੀਤੇ ਜਾਣ ਦੀ ਤਰੀਕ ਬਾਰੇ ਅਜੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ, ਪਰ ਏਜੰਸੀ ਦੀਆਂ ਹੋਰਨਾਂ ਪ੍ਰੀਖਿਆਵਾਂ ਦੇ ਪੈਟਰਨ ਨੂੰ ਧਿਆਨ 'ਚ ਰੱਖਦੇ ਹੋਏ ਇੱਕ ਮਹੀਨੇ ਦੇ ਅੰਦਰ ਆਂਸਰ-ਕੀ ਜਾਰੀ ਕਰ ਦਿੱਤੀ ਜਾਂਦੀ ਹੈ। ਅਜਿਹੇ 'ਚ CUET UG 2024 ਦੀ ਪ੍ਰੀਖਿਆ 29 ਮਈ ਤੱਕ ਆਯੋਜਿਤ ਕੀਤੀ ਗਈ ਸੀ। ਇਸ ਲਈ ਉਮੀਦ ਕੀਤੀ ਜਾ ਰਹੀ ਹੈ ਕਿ ਉੱਤਰ-ਕੁੰਜੀਆਂ ਕਦੇ ਵੀ ਜਾਰੀ ਕੀਤੀਆਂ ਜਾ ਸਕਦੀਆਂ ਹਨ। ਮਿਲੀ ਜਾਣਕਾਰੀ ਅਨੁਸਾਰ, CUET UG 2024 ਪ੍ਰੀਖਿਆ ਲਈ ਉੱਤਰ-ਕੁੰਜੀਆਂ ਅੱਜ ਜਾਰੀ ਹੋ ਸਕਦੀਆਂ ਹਨ।

CUET UG 2024 ਦੀਆਂ ਉੱਤਰ-ਕੁੰਜੀਆਂ ਇਸ ਤਰ੍ਹਾਂ ਕਰੋ ਡਾਊਨਲੋਡ: ਉੱਤਰ-ਕੁੰਜੀਆਂ ਜਾਰੀ ਹੋਣ ਤੋਂ ਬਾਅਦ ਉਮੀਦਵਾਰ ਅਧਿਕਾਰਿਤ ਵੈੱਬਸਾਈਟ exams.nta.ac.in/CUET-UG 'ਤੇ ਜਾ ਕੇ ਡਾਊਨਲੋਡ ਕਰ ਸਕਦੇ ਹਨ। ਇਨ੍ਹਾਂ ਨੂੰ ਡਾਊਨਲੋਡ ਕਰਨ ਲਈ ਸਭ ਤੋਂ ਪਹਿਲਾ exams.nta.ac.in/CUET-UG ਵੈੱਬਸਾਈਟ 'ਤੇ ਜਾਓ ਅਤੇ ਫਿਰ ਆਂਸਰ-ਕੀ ਨਾਲ ਜੁੜੇ ਲਿੰਕ 'ਤੇ ਕਲਿੱਕ ਕਰੋ। ਫਿਰ ਨਵੇਂ ਪੇਜ 'ਤੇ ਉਮੀਦਵਾਰਾਂ ਨੂੰ ਆਪਣਾ ਐਪਲੀਕੇਸ਼ਨ ਨੰਬਰ ਅਤੇ ਜਨਮ ਦੀ ਤਰੀਕ ਭਰ ਕੇ ਸਬਮਿਟ ਕਰਨਾ ਹੋਵੇਗਾ। ਇਸ ਤਰ੍ਹਾਂ ਲੌਗਇਨ ਕਰਨ ਤੋਂ ਬਾਅਦ ਉਮੀਦਵਾਰ ਆਪਣੇ ਸਬਜੈਕਟ ਕੋਡ ਲਈ ਆਂਸਰ-ਕੀ ਡਾਊਨਲੋਡ ਕਰ ਸਕਣਗੇ। ਇਸਦੇ ਨਾਲ ਹੀ, ਇੱਥੇ ਦਿੱਤੇ ਗਏ ਲਿੰਕ 'ਤੇ ਉਮੀਦਵਾਰ ਆਪਣੇ ਇੰਤਰਾਜ਼ ਵੀ ਦਰਜ ਕਰਵਾ ਸਕਣਗੇ।

ਜੇਕਰ ਕਿਸੇ ਉਮੀਦਵਾਰ ਨੂੰ ਏਜੰਸੀ ਦੁਆਰਾ ਜਾਰੀ ਕੀਤੇ ਕਿਸੇ ਵੀ ਪ੍ਰਸ਼ਨ ਦੇ ਉੱਤਰ ਨੂੰ ਲੈ ਕੇ ਇੰਤਰਾਜ਼ ਹੈ, ਤਾਂ ਉਹ ਇਸ ਪੋਰਟਲ 'ਤੇ ਲੌਗਇਨ ਕਰਕੇ ਦਰਜ ਕਰਵਾ ਸਕਦੇ ਹਨ। ਇਸ ਲਈ ਉਮੀਦਵਾਰਾਂ ਨੂੰ ਹਰ ਪ੍ਰਸ਼ਨ ਲਈ ਤੈਅ ਕੀਤੀ ਫੀਸ ਦਾ ਭੁਗਤਾਨ ਔਨਲਾਈਨ ਕਰਨਾ ਹੋਵੇਗਾ।