ବାଲେଶ୍ବର: ସ୍ଥାନୀୟ ଚାରୁ ଓ କାରୁକଳା କଲେଜରେ ପାଳନ ହୋଇଛି ରୌପ୍ୟ ଜୟନ୍ତୀ ଉତ୍ସବ। ଗତ 26 ତାରିଖରୁ ଉତ୍ସବର ଉଦଘାଟନ ହୋଇଥିବା ବେଳେ ଆସନ୍ତା 30 ତାରିଖରେ ଏହା ଉଦଯାପିତ ହେବ। ଇତିମଧ୍ୟରେ ଶନିବାର କଳାକ୍ଷେତ୍ରର ରୌପ୍ୟ ଜୟନ୍ତୀ ଉତ୍ସବରେ କ୍ରୀଡା ଓ ଯୁବ ବ୍ୟାପାର ମନ୍ତ୍ରୀ ତୁଷାରକାନ୍ତି ବେହେରା ଯୋଗ ଦେଇଥିଲେ।
କାର୍ଯ୍ୟକ୍ରମରେ ଯୋଗ ଦେଇ ସେ କଲେଜ ଛାତ୍ରଛାତ୍ରୀଙ୍କ ଦ୍ବାରା ଅଙ୍କା ଯାଇଥିବା ଚିତ୍ର ପ୍ରଦର୍ଶନୀକୁ ଉଦଘାଟନ କରିଥିଲେ । ଚିତ୍ର ପ୍ରଦର୍ଶନୀକୁ ମନ୍ତ୍ରୀ ବୁଲି ଦେଖିବା ସହ କଳା ଓ କଳାକାର ସବୁବେଳେ ଅମର ବୋଲି କହିଥିଲେ । ଅନ୍ୟପଟେ ଉତ୍ସବରେ ଅତିଥି ଭାବେ ପୂର୍ବତନ ସାଂସଦ ରବୀନ୍ଦ୍ର ଜେନା, ରେମୁଣା ବିଧାୟକ ସୁଧାଂଶୁ ଶେଖର ପରିଡା ପ୍ରମୁଖ ମଧ୍ୟ ଯୋଗ ଦେଇଥିଲେ। ଏହି ଅବସରରେ ଅତିଥିମାନେ ‘କଳା ସିଦ୍ଧାନ୍ତ’ ପୁସ୍ତକର ଉନ୍ମୋଚନ କରିଥିଲେ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
