ନୂଆଦିଲ୍ଲୀ: ସୂଚନା ପ୍ରଯୁକ୍ତିବିଦ୍ୟା (ଆଇଟି) ସେବା ପ୍ରଦାନକାରୀ ଇନଫୋସିସ୍ କହିଛି ଯେ, ଏକ ବୌଶ୍ବିକ କମ୍ପାନୀ ଇନଫୋସିସ୍ ସହିତ 1.5 ବିଲିୟନ ଡଲାର ମୂଲ୍ୟର ଏକ ବହୁ ବର୍ଷିୟ ଚୁକ୍ତିନାମା ବାତିଲ କରିବାକୁ ନିଷ୍ପତ୍ତି ନେଇଛି । ଇନଫୋସିସ୍ ସେପ୍ଟେମ୍ବର 14 ତାରିଖରେ ଇନଫୋସିସ୍ ପ୍ଲାଟଫର୍ମ ଏବଂ AI (କୃତ୍ରିମ ବୁଦ୍ଧିମତା) ସାହାଯ୍ୟରେ ଆଧୁନିକୀକରଣ ଏବଂ ବ୍ୟବସାୟ ପରିଚାଳନା ସେବା ସହିତ ଉନ୍ନତ ଡିଜିଟାଲ ଅଭିଜ୍ଞତା ପ୍ରଦାନ କରିବା ନେଇ ଏକ ବୌଶ୍ବିକ କମ୍ପାନୀ ସହିତ ଏକ ଚୁକ୍ତିନାମା ଘୋଷଣା କରିଥିଲା ।
ଆଇଟି କମ୍ପାନୀ ଶନିବାର ଦିନ ଷ୍ଟକ୍ ମାର୍କେଟରେ କହିଛି ଯେ, ବୈଶ୍ୱିକ କମ୍ପାନୀ ବର୍ତ୍ତମାନ ଚୁକ୍ତିନାମା(ଏମଓୟୁ) ବାତିଲ କରିବାକୁ ନିଷ୍ପତ୍ତି ନେଇଛି । ଏହାସହ ଉଭୟ ପକ୍ଷରୁ କରାଯାଇଥିବା ଚୁକ୍ତିନାମା ପାଳନ କରିବେ ନାହିଁ । ଆଇଟି କମ୍ପାନୀ କହିଛି ଯେ, ଏକ ବୈଶ୍ୱିକ ସ୍ତରୀୟ କମ୍ପାନୀ ସହିତ ଏମଓୟୁ ରହିବା ବିଷୟରେ ଦିଆଯାଇଥିବା ପ୍ରସଙ୍ଗରେ ସୂଚନା ଦିଆଯାଇଛି । ଇନଫୋସିସ୍ ପୂର୍ବରୁ କହିଥିଲା ଯେ, କମ୍ପାନୀ ସହ ଏହି ଚୁକ୍ତି ମାଧ୍ୟମରେ ସମୁଦାୟ ଗ୍ରାହକ ଖର୍ଚ୍ଚ ପ୍ରାୟ 15 ବର୍ଷ ମଧ୍ୟରେ 1.5 ବିଲିୟନ ଡ଼ଲାର ହେବ ବୋଲି ଆଶା କରାଯାଉଛି । ଇନଫୋସିସ୍ ଏହା ମଧ୍ୟ କହଥିଲା ଯେ, ମାଷ୍ଟର ଚୁକ୍ତିନାମା କରୁଥିବା ପକ୍ଷଙ୍କ ଅଧୀନରେ ଚୁକ୍ତିରେ ହୋଇଥିବା କ୍ଷତି ଏକ ସମୟରେ ଆସିଥାଏ ଯେତେବେଳେ ବିଶ୍ୱ ଅନିଶ୍ଚିତତା ଏବଂ ମାକ୍ରୋ ହେଡୱିଣ୍ଡ୍ ସମଗ୍ର ବିଶ୍ୱରେ ଆଇଟି ଏବଂ ଟେକ୍ନୋଲୋଜି କମ୍ପାନୀଗୁଡ଼ିକୁ ଚ୍ୟାଲେଞ୍ଜ ଦେଇଥାଏ ।
ଏହା ମଧ୍ୟ ପଢ଼ନ୍ତୁ.....ୱାର୍କ ଫ୍ରମ୍ ହୋମ ବନ୍ଦ କରିବ ଇନଫୋସିସ୍ ! କର୍ମଚାରୀଙ୍କୁ ସପ୍ତାହରେ 3ଦିନ ଆସୁବାକୁ ପଡ଼ିବ ଅଫିସ