ଦୀପାବଳିରେ ଲିଭିଗଲା ଜୀବନ ଦୀପ, ଦୁର୍ଘଟଣାରେ ଜଣେ ମୃତ

ଭବାନୀପାଟଣା: ଦୀପାବଳୀରେ ଲିଭିଗଲା ଜୀବନ ଦୀପ । ଭରସାମ୍ୟ ହରାଇ ଗଛକୁ ପିଟିଲା କାର ଜଣେ ମୃତ । ଏଭଳି ଏକ ଅଘଟଣ ଘଟିଛି କଳାହାଣ୍ଡି ଜିଲ୍ଲା ମଦନପୁର ରାମପୁର ଥାନା ଅଞ୍ଚଳରେ । ଜଗନ୍ନାଥପଡ଼ାର ମାମୁନି ମାଝୀ ଦୀପାବଳୀ ପାଇଁ ବଜାର କରିବାକୁ ଭବାନୀପାଟଣା ସହରକୁ ଏକ କାରରେ ଯାଉଥିବା ବେଳେ ଗାଡିଟି ଭରସାମ୍ୟ ହରାଇ ଶ୍ରୀପାଲ୍ଲି ଛକ ନିକଟରେ ଗଛରେ ପିଟି ହୋଇଥିଲା । ଯାହାଫଳରେ ଗାଡ଼ିଟି ଚୁରମାର ହୋଇଥିବାବେଳେ ଘଟଣାସ୍ଥଳରେ ହିଁ ମାମୁନୀଙ୍କ ମୃତ୍ୟୁ ହୋଇଥିଲା । ସେପଟେ ଚାଳକ ସୁବ୍ରତ ଘିଭେଲାଙ୍କ ଅବସ୍ଥା ସଙ୍କଟାପନ୍ନ ରହିଛି । ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହିତ ବ୍ୟବଚ୍ଛେଦ ପାଇଁ ପଠାଇଛି । ଆଜି ଭଳି ପବିତ୍ର ଦିନରେ ଏଭଳି ଏକ ଅଘଟଣ ସ୍ଥାନୀୟ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଛି ।

ଇଟିଭି ଭାରତ, କଳାହଣ୍ଡି