କମଲ ହାସନଙ୍କ 70ତମ ଜନ୍ମଦିନ, ସ୍ୟାଣ୍ଡ୍ ଆନିମେସନରେ ସୁପରଷ୍ଟାରଙ୍କୁ ଶୁଭେଚ୍ଛା ଜଣାଇଲେ ବାଲୁକା ଶିଳ୍ପୀ - KAMAL HAASAN BIRTHDAY
By ETV Bharat Entertainment Team
Published : Nov 7, 2024, 3:24 PM IST
ପୁରୀ: ଆଜି ସାଉଥ ସୁପରଷ୍ଟାର କମଲ ହାସନଙ୍କ 70ତମ ଜନ୍ମଦିନ । ଏହି ଅବସରରେ ଆନ୍ତର୍ଜାତିକ ବାଲୁକା ଶିଳ୍ପୀ ମାନସ କୁମାର ସାହୁ ସୁପରଷ୍ଟାର କମଲ ହାସନଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ସ୍ୟାଣ୍ଡ୍ ଆନିମେସନ ମାଧ୍ୟ୍ୟମରେ ସେ କମଲ ହାସନଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ୧ମିନିଟ ୩୬ସେକେଣ୍ଡର ସ୍ୟାଣ୍ଡ୍ ଆନିମେସନ ଭିଡ଼ିଓ ପ୍ରସ୍ତୁତ କରିଛନ୍ତି ସେଥିରେ ସେ କମଲ ହାସନଙ୍କର ପ୍ରତିଛବି ନିର୍ମାଣ କରିଛନ୍ତି ଏବଂ ସେ କମଲ ହାସନଙ୍କୁ 70ତମ ଜନ୍ମଦିନର ଅନେକ ଅନେକ ଶୁଭେଚ୍ଛା (70th happy birthday Kamal Haasan)ର ବାର୍ତ୍ତା ଦେଇଛନ୍ତି । ଏହି ସ୍ୟାଣ୍ଡ୍ ଆନିମେସନ ଭିଡ଼ିଓକୁ ନିର୍ମାଣ କରିବାକୁ ମାନସ ସାହୁଙ୍କୁ 2 ଘଣ୍ଟା ସମୟ ଲାଗିଥିଲା । ଯାହାକି ବେଶ ଆକର୍ଷଣୀୟ ହୋଇଛି ।
ଏହା ମଧ୍ୟ ପଢନ୍ତୁ: କମଲ@70; 200ରୁ ଅଧିକ ଫିଲ୍ମରେ ଦେଖାଇଛନ୍ତି ଜଲୱା, 6 ବର୍ଷରେ ପାଇଥିଲେ ଗୋଲ୍ଡ ମେଡାଲ୍, 2 ଥର ହାତେଇଛନ୍ତି ପଦ୍ମ ପୁରସ୍କାର
କହିରଖୁଛୁ କି, କମଲ ହାସନ ଭାରତୀୟ ସିନେମାରେ 200ରୁ ଅଧିକ ଫିଲ୍ମ କରିବା ସହ ଆଜି ବି ସକ୍ରିୟ ରହିଛନ୍ତି । ଅଭିନେତା 6 ବର୍ଷ ବୟସରେ ନିଜ ଅଭିନୟ କ୍ୟାରିଅର୍ ଆରମ୍ଭ କରିଥିଲେ ଏବଂ ପରଦାରେ ଅଭିନୟ କରି ଏକ ଭିନ୍ନ ପ୍ରଭାବ ଦେଖାଇଛନ୍ତି । ଭାରତୀୟ ସିନେମାରେ ସେ ଓସ୍କାରରେ ତାଙ୍କ ଚଳଚ୍ଚିତ୍ର ପାଇଁ ସର୍ବାଧିକ ନାମାଙ୍କନ ରେକର୍ଡ ରଖିଛନ୍ତି । ତାଙ୍କର 7 ଟି ଚଳଚ୍ଚିତ୍ର ଓସ୍କାରକୁ ପଠାଯାଇଛି । କେବଳ ଏତିକି ନୁହେଁ କମଲ ହାସନ ହିନ୍ଦୀ ଏବଂ ସାଉଥ ଚଳଚ୍ଚିତ୍ର ପାଇଁ 19 ଥର ଶ୍ରେଷ୍ଠ ଅଭିନେତା ପୁରସ୍କାର ମଧ୍ୟ ପାଇଛନ୍ତି । ତାଙ୍କ କ୍ୟାରିୟରରେ 6 ଦଶନ୍ଧିରୁ ଅଧିକ ସମୟ ମଧ୍ୟରେ ଅନେକ ରେକର୍ଡ ଅଛି । ସେ ହେଉଛନ୍ତି ସର୍ବାଧିକ ଆୟ ନେଉଥିବା ପ୍ରଥମ ଭାରତୀୟ ଅଭିନେତା ଯିଏକି ଗୋଟିଏ ଫିଲ୍ମ ପାଇଁ 1 କୋଟି ଟଙ୍କା ଚାର୍ଜ କରନ୍ତି । ଏଥିସହ ସେ ଦୁଇ ଦୁଇ ଥର ପଦ୍ମ ପୁରସ୍କାର ସମ୍ମାନରେ ସମ୍ମାନିତ ହୋଇଛନ୍ତି । ସେ କଳା ଇଣ୍ଡଷ୍ଟ୍ରିରେ ତାଙ୍କର ଅବଦାନ ପାଇଁ ପଦ୍ମଶ୍ରୀ ଏବଂ ପଦ୍ମଭୂଷଣ ସମ୍ମାନରେ ମଧ୍ୟ ତାଙ୍କୁ ସମ୍ମାନିତ କରାଯାଇଛି । ତାଙ୍କୁ ଖୁବ୍ ଶୀଘ୍ର 'ଇଣ୍ଡିଆନ୍ 3' ଏବଂ 'ଥଗ୍ ଲାଇଫ୍'ରେ ଦେଖିବାକୁ ମିଳିବ ।
ଇଟିଭି ଭାରତ, ପୁରୀ