ନିମାପଡାରେ ଜାରି ରହିଛି ଭୋଟିଂ, ମତ ସାବ୍ୟସ୍ତ କଲେ ପ୍ରଭାତୀ - Prabhati Parida cast her vote - PRABHATI PARIDA CAST HER VOTE
Published : Jun 1, 2024, 1:51 PM IST
ନିମାପଡା: ମତଦାନ ଜାରି ରହିଥିବା ବେଳେ ଶାନ୍ତି ଶୃଙ୍ଖଳାର ସହିତ ଜାରି ରହିଛି ଭୋଟିଂ । ତେବେ ଏହି କ୍ରମରେ ଭୋଟ ଦେଲେ ପୁରୀ ଜିଲ୍ଲା ନିମାପଡା ବିଧାୟକ ପ୍ରାର୍ଥୀ ପ୍ରଭାତୀ ପରିଡା । ନିମାପଡା ତେରୁଣ୍ଡିଆ 226 ନଂ ବୁଥରେ ନିଜ ମତ ସାବ୍ୟସ୍ତ କରିଛନ୍ତି ପ୍ରଭାତୀ ପରିଡା । ସେହିପରି ବିଜେଡି ପ୍ରାର୍ଥୀ ଦିଲୀପ ନାୟକ ତମ୍ପଲ୍ ପାଲେଶ୍ର ବିଦ୍ୟାଳୟର ୨୫୧ ନମ୍ୱର ବୁଥରେ ଭୋଟ ଦେଇଛନ୍ତି । ୧୬ ଜଗତସିଂହପୁର ଲୋକସଭା ନିର୍ବାଚନ ମଣ୍ଡଳୀ ଅନ୍ତର୍ଗତ ୧୦୬ ନିମାପଡା ବିଧାନସଭା ନିର୍ବାଚନ ମଣ୍ଡଳୀରେ ସକାଳ 7ଟାରୁ ମତଦାନ ଆରମ୍ଭ ହୋଇଥିବା ବେଳେ ଏହା ସନ୍ଧ୍ୟା 6ଘଣ୍ଟା ପର୍ଯ୍ୟନ୍ତ ଚାଲିବ । ନିମାପଡ଼ାରେ 2 ଲକ୍ଷ ୪୭ହଜାର ୫୫୩ ଜଣ ଭୋଟର ୧୩ ଜଣ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରୁଛନ୍ତି । ନିମାପଡ଼ାର ୨୮୦ଟି ବୁଥ ପାଇଁ ବ୍ୟାପକ ପୋଲିସ ବ୍ୟବସ୍ଥା କରାଯାଇ ଥିବା ବେଳେ ନିମାପଡ଼ା ନିର୍ବାଚନ ପରିଚାଳନା ପାଇଁ ଜଣେ ଅତିରିକ୍ତ ଏସ୍ପି, ୩ ଜଣ ଡିଏସପିଙ୍କ ସମେତ ପୋଲିସ ଅଧିକାରୀ କନେଷ୍ଟବଳ ହୋମଗାର୍ଡ ନିର୍ବାଚନ ପରିଚାଳନା ଦାୟିତ୍ବରେ ରହିଛନ୍ତି ।
ଇଟିଭି ଭାରତ, ନିମାପଡା