ଅଯୋଧ୍ୟା ସରାୟୁ ନଦୀଘାଟରେ ଲେଜର-ଲାଇଟ ସୋ; ଦେଖନ୍ତୁ ଭିଡିଓ - ପ୍ରାଣ ପ୍ରତିଷ୍ଠା ଉତ୍ସବ
Published : Jan 22, 2024, 9:46 PM IST
ଲକ୍ଷ୍ନୌ: ଆଜି ଅଯୋଧ୍ୟାରେ ପ୍ରଭୁ ରାମଲାଲାଙ୍କ ପ୍ରାଣ ପ୍ରତିଷ୍ଠା ସାମାପିତ ହୋଇଛି । ସମଗ୍ର ଅଯୋଧ୍ୟା ନଗରୀ ଆଜି ଉତ୍ସବ ପାଳନ କରୁଛି । ଦିନରେ ଭବ୍ୟ କାର୍ଯ୍ୟକ୍ରମ ପରେ ସଂଧ୍ୟାରେ ସରାୟୁ ନଦୀଘାଟରେ ଲେଜର-ଲାଇଟ ସୋ’ ମଧ୍ୟ ଅନୁଷ୍ଠିତ ହୋଇଛି । ହଜାର ହଜାର ଅଯୋଧ୍ୟାବାସୀ ଏହାକୁ ଉପଭୋଗ କରିଛନ୍ତି । ଆତସବାଜୀରେ ପୁରା ପରିବେଶ କମ୍ପିଛି । ଆଜିର ଦିନ ଅଯୋଧ୍ୟା ଓ ସମଗ୍ର ଦେଶ ପାଇଁ ଐତିହାସିକ କ୍ଷଣ ପାଲଟିଛି । ରାମ ଜନ୍ମଭୂମି ଅଯୋଧ୍ୟାରେ ପ୍ରଭୁ ରାମଲାଲାଙ୍କ ପ୍ରାଣ ପ୍ରତିଷ୍ଠା ସହ ରାମରାଜ୍ୟର ଆରମ୍ଭ ହୋଇଛି ସ୍ଥାନୀୟ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଉପସ୍ଥିତ ଶ୍ରଦ୍ଧାଳୁଙ୍କୁ ସମ୍ବୋଧିତ କରିବା ବେଳେ କହିଥିଲେ । ଆଜି ପ୍ରାଣ ପ୍ରତିଷ୍ଠା ପରେ ଆସନ୍ତାକାଲି ଠାରୁ ସାଧାରଣ ଶ୍ରଦ୍ଧାଳୁ ପ୍ରଭୁ ରାମଲାଲାଙ୍କ ଦର୍ଶନ କରିପାରିବେ । ଏଥିପାଇଁ ବ୍ୟବସ୍ଥା ଗ୍ରହଣ କରାଯାଉଛି । ଆଜି ପ୍ରତିଷ୍ଠା ଦିବସରେ ପ୍ରାୟ 7 ହଜାର ଶ୍ରଦ୍ଧାଳୁ ପ୍ରଭୁ ରାମଲାଲାଙ୍କୁ ଦର୍ଶନ କରିଛନ୍ତି ।