ବିଜେପିର ବିଧାୟକ ପ୍ରାର୍ଥୀ ଘୋଷଣା, ନବରଙ୍ଗପୁରରୁ ଗୌରୀ ମାଝୀ - Nabarangpur Assembly Constituency
Published : Apr 2, 2024, 3:41 PM IST
Nabarangpur Assembly Constituency ନବରଙ୍ଗପୁର: 112 ଟି ବିଧାନସଭା ଆସନ ପାଇଁ ପ୍ରାର୍ଥୀ ଘୋଷଣା କରିଛି ଭାରତୀୟ ଜନତା ପାର୍ଟୀ । ନବରଙ୍ଗପୁର ଜିଲ୍ଲାର ୪ ବିଧାନସଭା ଆସନ ମଧ୍ୟରୁ ନବରଙ୍ଗପୁର ଓ ଉମରକୋଟ ଦୁଇ ଆସନ ପାଇଁ ପ୍ରାର୍ଥୀ ଘୋଷଣା କରିଛି ବିଜେପି । ନବରଙ୍ଗପୁର ବିଧାନସଭା ଆସନ ପାଇଁ ଗୌରୀ ମାଝୀ ଓ ଉମରକୋଟ ପାଇଁ ବିଧାୟକ ନିତ୍ୟାନନ୍ଦ ଗଣ୍ଡଙ୍କୁ ପ୍ରାର୍ଥୀ କରିଛି ଦଳ ।
ପୁଣିଥରେ ନବରଙ୍ଗପୁର ବିଧାନସଭା ଆସନରୁ ବିଜେପି ଦଳ ତରଫରୁ ବିଧାୟକ ପ୍ରାର୍ଥୀ ହୋଇଛନ୍ତି ଗୌରୀ ମାଝୀ । ଗତ ବିଧାନସଭା ନିର୍ବାଚନରେ ନବରଙ୍ଗପୁର ଆସନରୁ ପ୍ରାର୍ଥୀ ହୋଇ ବିଜେଡିର ସଦାଶିବ ପ୍ରଧାନୀଙ୍କ ଠାରୁ ଅଳ୍ପ ଭୋଟ ବ୍ୟବଧାନରେ ପରାଜିତ ହୋଇଥିବା ବେଳେ ଚଳିତ ଥର ପୁଣି ଗୌରୀ ମାଝୀଙ୍କ ଉପରେ ଭରସା କରିଛି ଦଳ । ସେହିଭଳି ଉମରକୋଟ ଆସନ ପାଇଁ ବିଧାୟକ ନିତ୍ୟାନନ୍ଦ ଗଣ୍ଡଙ୍କୁ ପ୍ରାର୍ଥୀ କରିଛି ବିଜେପି । ଟିକେଟ ପାଇବା ପରେ ଖୁସି ବ୍ୟକ୍ତ କରିବା ସହ ତାଙ୍କ ଉପରେ ଭରସା କରି ନିଜ ପ୍ରାର୍ଥୀତ୍ବ ପାଇଁ ପ୍ରଧାନମନ୍ତ୍ରୀ ମୋଦିଙ୍କୁ କୃତଞ୍ଜତା ଜ୍ଞାପନ କରିଛନ୍ତି ଗୌରୀ ମାଝୀ । ଗୌରୀଙ୍କୁ ପ୍ରାର୍ଥୀ ଘୋଷଣା ପରେ ନବରଙ୍ଗପୁର ଦଳୀୟ କାର୍ଯ୍ୟାଳୟରେ ଗୌରୀଙ୍କୁ ଶୁଭେଚ୍ଛା ଜଣାଇଛନ୍ତି ବିଜେପି କର୍ମୀ ।
ଇଟିଭି ଭାରତ, ନବରଙ୍ଗପୁର