ବଡ଼ମ୍ବା ମାର୍କେଟରେ ଗଜରାଜ, ଆଗେ ଆଗେ ହାତୀ ପଛେ ପଛେ ବନ ବିଭାଗ - ELEPHANT TERROR IN BADAMBA
Published : Dec 1, 2024, 5:33 PM IST
Badamba Elephant Terror କଟକ: ବଡ଼ମ୍ବାରେ ହାତୀ ଆତଙ୍କ । ଆଗେ ଆଗେ ହାତୀ ପଛେ ପଛେ ବନ ବିଭାଗ ଟିମ । ନିକଟସ୍ଥ କଚେରୀ ଛକ ମାର୍କେଟରେ ଆତଙ୍କ ସୃଷ୍ଟି କରୁଥିଲା ଦନ୍ତା । ସକାଳୁ ସକାଳୁ ଜଙ୍ଗଲରୁ ହାତୀଟି ଆସି କରୁଥିଲା ତାଣ୍ଡବ । ଯାହାକୁ ଦେଖି ଲୋକମାନେ ଭୟଭୀତ ହୋଇଥିଲେ । ସେପଟେ ହାତୀ ଭୟରେ ଫାଙ୍କା ପଡ଼ିଯାଇଥିଲା ବଜାର । ଲୋକେ ଘରୁ ବାହାରିବା ପାଇଁ ହୋଇଥିଲା କଷ୍ଟ । ଏନେଇ ବନ ବିଭାଗ କତ୍ତୃପକ୍ଷଙ୍କୁ ଖବର ଦିଆଯାଇଥିଲା । ଖବର ପାଇଁ ବନ ବିଭାଗ ଟିମ ହାତୀକୁ ଜଙ୍ଗଲରେ ଛାଡିବା ପାଇଁ ଆରମ୍ଭ କରିଥିଲେ ପ୍ରୟାସ । ବନ ବିଭାଗ ମୁଖ୍ୟରାସ୍ତା ଉପରେ ହାତୀକୁ ଗୋଡ଼ାଇ ଗୋଡ଼ାଇ ନେଇଥିବା ଦେଖିବାକୁ ମିଳିଛି । ତେବେ ସ୍ଥାନୀୟ ଜଙ୍ଗଲରୁ ହାତୀଟି ସହର ମୁହାଁ ହୋଇଥିବା ଜଣାପଡ଼ିଛି । ଜନବସତି ଅଞ୍ଚଳରୁ ହାତୀ ଘଉଡାଇବା ପାଇଁ ଦାବି କରିଛନ୍ତି ସ୍ଥାନୀୟ ଲୋକେ ।
ଏହା ମଧ୍ୟ ପଢନ୍ତୁ...ଶୀତକାଳୀନ ହାତୀ ଗଣନା: ବଢ଼ିଛି ହାତୀ ସଂଖ୍ୟା, ୧୩ ଡିଭିଜନରେ ଶୂନ
ଇଟିଭି ଭାରତ, କଟକ