ସତ୍ୟବାଦୀରେ ନିର୍ବାଚନୀ ମାହୋଲ ତେଜ; ବିଜେଡି ପରେ ବିଜେପିର ଶକ୍ତି ପ୍ରଦର୍ଶନ - ସତ୍ୟବାଦୀ ନିର୍ବାଚନ ମଣ୍ଡଳୀ
Published : Feb 26, 2024, 1:33 PM IST
Satyabadi Assembly Constituency in Puri District, ନିମାପଡ଼ା: 2024 ସାଧାରଣ ନିର୍ବାଚନ ପାଇଁ ପ୍ରସ୍ତୁତିରେ ଭାରତୀୟ ଜନତା ପାର୍ଟି । ନିର୍ବାଚନ ଯେତିକି ଯେତିକି ପାଖଉଛି, ସମସ୍ତଙ୍କ ମନରେ ସେତିକି ଉତ୍କଣ୍ଠା ପରିଲକ୍ଷିତ ହେଉଛି । ନିର୍ବାଚନ ପ୍ରସ୍ତୁତି ବୈଠକରେ ସତ୍ୟବାଦୀରେ ଶକ୍ତି ପ୍ରଦର୍ଶନ କରିଛନ୍ତି ପୂର୍ବତନ ବିଧାୟକ ରମାକାନ୍ତ ବଳିଆରସିଂହ । ବିଜେଡି ପରେ ସତ୍ୟବାଦୀରେ ଦମ ଦେଖାଇଛି ବିଜେପି ।
ପୁରୀ ଜିଲ୍ଲା ସତ୍ୟବାଦୀ ବ୍ଲକ ବନପୁର ଗ୍ରାମପଞ୍ଚାୟତ ବାଘସାହିଠାରେ ପୂର୍ବତନ ବିଜେପି ବିଧାୟକ ରମାରଞ୍ଜନ ବଳିଆରସିଂ ବିକଶିତ ସତ୍ୟବାଦୀ ସଂକଳ୍ପ ସମାବେଶ ଆୟୋଜନ କରି ନିର୍ବାଚନ ପୂର୍ବରୁ ଶକ୍ତି ପ୍ରଦର୍ଶନ କରି ନିଜର ପତିଆରା ଜାହିର କରିଛନ୍ତି । ରମାଙ୍କ ନେତୃତ୍ବରେ ହଜାର ହଜାର ଲୋକଙ୍କୁ ନେଇ ବିକଶିତ ସତ୍ୟବାଦୀ ସଂକଳ୍ପ ସମାବେଶ ଅନୁଷ୍ଠିତ ହୋଇଥିଲା । ଏହି ସମାବେଶରେ ସତ୍ୟବାଦୀ ନିର୍ବାଚନ ମଣ୍ଡଳୀର ସତ୍ୟବାଦୀ ଓ କଣାସ ବ୍ଲକର ବିଭିନ୍ନ ପଞ୍ଚାୟତର ତିନି ହଜାରରୁ ଉର୍ଦ୍ଧ୍ବ ଲୋକ ସମାବେଶରେ ଯୋଗ ଦେଇଥିଲେ । ଦୁଇଟି ଉଦ୍ଦେଶ୍ୟକୁ ନେଇ ସମାବେଶ ଅନୁଷ୍ଠିତ ହୋଇଥିଲା । ସତ୍ୟବାଦୀର ଉନ୍ନୟନ ଓ ସତ୍ୟବାଦୀର ସ୍ଵାଭିମାନକୁ ନେଇ ସମାବେଶ ହୋଇଥିଲା ବୋଲି କହିଛନ୍ତି ପୂର୍ବତନ ବିଜେପି ବିଧାୟକ ରମାରଞ୍ଜନ ବଳିଆରସିଂହ ।
ଏହା ମଧ୍ଯ ପଢ଼ନ୍ତୁ...ସତ୍ୟବାଦୀରେ ନିର୍ବାଚନୀ ତାତି, ଶକ୍ତି ପ୍ରଦର୍ଶନ କଲେ ବିଧାୟକ ଉମାକାନ୍ତ ସାମନ୍ତରାୟ
ଏହା ମଧ୍ୟ ପଢ଼ନ୍ତୁ...ଓଡିଶାରୁ ‘ଛାୟା ସରକାର’ ବିତାଡିତ ହେବା ଜରୁରୀ: ରାଜ୍ୟ ବିଜେପି ସଭାପତି
ଇଟିଭି ଭାରତ, ନିମାପଡ଼ା