ହାଇଦ୍ରାବାଦ: ଏବେ ଆପଣଙ୍କ ଟିଭିରେ ଆସିବ X (ପୂର୍ବରୁ ଟ୍ବିଟର) । ଯେମିତି ଆପଣ ଟିଭିରେ ନେଟଫ୍ଲିକ୍ସ ଓ ଅନ୍ୟାନ୍ୟ OTT ଆପ୍ ଦେଖୁଛନ୍ତି ଠିକ ସେହିପରି ଆପଣ ଏବେ ନିଜ ଟିଭିରେ Xକୁ ମଧ୍ୟ ଦେଖିପାରିବେ । Xର ସିଇଓ ଏଲନ ମସ୍କ ଘୋଷଣା କରିଛନ୍ତି ଯେ X Tv ବିଟା ଆପ୍ ଏବେ ଆଣ୍ଡ୍ରଏଡ ଟିଭିରେ ଉପଲବ୍ଧ ହୋଇଯାଇଛି । ଏହାକୁ ୟୁଜର୍ସ ଏଲଜି, ଆମାଜନ ଫାୟାର ଟିଭି ଓ ଗୁଗଲ ଟିଭି ଡିଭାଇସରେ ଦେଖିପାରିବେ । ତେବେ ଏହି ଆପ୍ର ଲଞ୍ଚ ତାରିଖ ସମ୍ପର୍କରେ ଘୋଷଣା କରାଯାଇନାହିଁ ।
ଦେଖିପାରିବେ ମନ ପସନ୍ଦର ଫିଲ୍ମ ଓ ଶୋ':-
Google Play ଷ୍ଟୋରରେ ଜାରି କରାଯାଇଥିବା ଫଟୋ ଅନୁସାରେ X ଟିଭି ଆପ୍ ଏକ ନୂଆ OTT ପ୍ଲାଟଫର୍ମ । କମ୍ପାନୀର କହିବାନୁସାରେ, ଏକ୍ସ ଷ୍ଟ୍ରିମ ସର୍ଭିସ ଆପ୍ ଏକ ଖାସ ଷ୍ଟ୍ରିମିଂ ଟିଭି ସର୍ଭିସ, ଯାହାକି ଇଣ୍ଟରନେଟ ସବସ୍କ୍ରାଇବରଙ୍କ ଲାଗି ଉପଲବ୍ଧ । ଏକ୍ସ ଟିଭି ଆପରେ ୟୁଜର୍ସ ନିଜ ମନ ପସନ୍ଦର ଲାଇଭ ଚ୍ୟାନେଲ, ନ୍ୟୁଜ, ଗେମ, ମୁଭି, ମ୍ୟୁଜିକ ଓ ପାଣିପାଗ ଅପଡେଟ ପାଇପାରିବେ ।
X Tv ଆପ୍ରେ ମିଳିବ ଏହି ସୁବିଧା:-
- ଏକ୍ସ ଟିଭି ଆପରେ ରି-ପ୍ଲେ ସୁବିଧା ମିଳିବ । ଏଥିରେ ଫିଲ୍ମ ଓ ଶୋ' ରହିବ । ଏହାର ଅର୍ଥ ୟୁଜର୍ସ 72ଘଣ୍ଟା ପର୍ଯ୍ୟନ୍ତ ଶୋ'କୁ ଷ୍ଟୋର କରି ରଖିପାରିବେ ।
- ଆପ୍ରେ ଷ୍ଟାର୍ଟଓଭର ଟିଭି ସେବା ଉପଲବ୍ଧ ହେବ । ଅର୍ଥାତ ଆପଣ ଚଳଚ୍ଚିତ୍ର କିମ୍ବା ଶୋ’ର ଆରମ୍ଭକୁ ସ୍କିପ କରିପାରିବାର ଅପସନ ପାଇବେ । ଅର୍ଥାତ ଆରମ୍ଭରୁ କ’ଣ ଦେଖିବା ଉଚିତ ତାହା ଆପଣ ବାଛିପାରିବେ ।
- ଏହି ଆପ୍ରେ ଆପଣ 100ଘଣ୍ଟା ପର୍ଯ୍ୟନ୍ତ ମାଗଣା DVR ରେକର୍ଡିଂ ସୁବିଧା ପାଇପାରିବେ ।
X TV ଆପ୍କୁ କିପରି ବ୍ୟବହାର କରିବେ ?
- ଏଥିଲାଗି ୟୁଜର୍ସ ନିକଟରେ X ଆକାଉଣ୍ଟ ଥିବା ନିହାତି ଆବଶ୍ୟକ । ବର୍ତ୍ତମାନ ଏକ୍ସ ଟିଭି ଆପ୍ କେବଳ ଆଣ୍ଡ୍ରଏଡ ସ୍ମାର୍ଟ ଟିଭି ପାଇଁ ଉପଲବ୍ଧ । କୁହାଯାଉଛି ଏହାକୁ ଖୁବଶୀଘ୍ର iOS ଏବଂ ଏନ୍ୟ ଡିଭାଇସ ପାଇଁ ରୋଲଆଉଟ୍ କରାଯିବ ।
- ଆପଣ ନିଜ ସ୍ମାର୍ଟ ଟିଭିରେ 'X Tv' ସର୍ଚ୍ଚ କରି ଇନଷ୍ଟଲ କରିପାରିବେ ।
- X ଟିଭି ଆପ୍ ପାଇଁ ଅଲଗା ସବସ୍କ୍ରିପସନ ନେବାକୁ ପଡ଼ିବ । ଏହାର ପ୍ଲାନ ସମ୍ପର୍କରେ ଲଞ୍ଚ ତାରିଖରେ ଜଣାପଡ଼ିବ ।
- X Tv ଲଞ୍ଚ ହେବା ପରେ ଅନଲାଇନରେ କଣ୍ଟେଣ୍ଟ ଦେଖିବା ଲାଗି ୟୁଜର୍ସ ନିକଟରେ ଆଉ ଏକ ଅପସନ ରହିବ ।