ହାଇଦ୍ରାବାଦ:ଇନଷ୍ଟାଣ୍ଟ ମେସେଜିଂ ଆପ୍ ହ୍ବାଟ୍ସଆପ୍ ଅତ୍ୟାଧୁନିକ ଅପଡେଟ ସହିତ iOS ବ୍ୟବହାରକାରୀଙ୍କ ପାଇଁ ଅନେକ ନୂତନ ଫିଚର ଆଣିଛି । ଏହି ଫିଚର, ଆପ୍ ମାଧ୍ୟମରେ କ୍ୟାମେରା ବ୍ୟବହାର କରିବା ସମୟରେ ଅଗମେଣ୍ଟେଡ ରିଆଲିଟି (AR) ଇଫେକ୍ଟ ଏବଂ ବ୍ୟାକଗ୍ରାଉଣ୍ଡ ବ୍ୟବହାର ପାଇଁ ଅପସନ ଦେଇଥାଏ । ଏହାସହ ହ୍ବାଟ୍ସଆପ୍ ନୂା ଡକ୍ୟୁମେଣ୍ଟ୍ ସ୍କାନିଂ ଫିଚର ଆଣିଛି ଯାହାକି ଅନ୍ୟମାନଙ୍କ ସହ ଡକ୍ୟୁମେଣ୍ଟ ସେୟାର କରିବା ସହଜ କରିଥାଏ । ଏହା ହ୍ବାଟ୍ସଆପ୍ରେ ଫାଇଲ୍ ସେୟାରିଂ ଅପସନରେ ଏକୀଭୂତ ହୋଇଛି । ଏହି ଫିଚର ଗୁଡିକ ପ୍ରଥମେ ହ୍ବାଟ୍ସଆପ୍ର ବିଟା ସଂସ୍କରଣରେ ରିଲିଜ ହୋଇଥିଲା ଏବଂ ବର୍ତ୍ତମାନ ସେଗୁଡିକ ଉପଭୋକ୍ତାମାନଙ୍କ ପାଇଁ ବ୍ୟାପକ ଭାବରେ ରିଲିଜ କରାଯାଇଛି ।
iOS ପାଇଁ WhatsAppର ନୂଆ ଫିଚର
ଫିଚର ଟ୍ରାକର WABetaInfo ଏ ନେଇ ସର୍ବପ୍ରଥମେ ସୂଚନା ଦେଇଛି ଯେ ଏହି ଫିଚର iOS ଆପ୍ ଭର୍ସନ 24.25.93 ଲାଗି ହ୍ବାଟ୍ସଆପ୍ରେ ଉପଲବ୍ଧ । ବର୍ତ୍ତମାନ ଉପଭୋକ୍ତାମାନେ AR ଇଫେକ୍ଟର ଲାଭ ଉଠାଇପାରିବେ ଯାହାକି କ୍ୟାମେରା ମାଧ୍ୟମରେ ବ୍ୟବହାର କରାଯାଇପାରିବ । ଉପଭୋକ୍ତାମାନେ କନଫେଟ୍ଟି, ଷ୍ଟାର ୱିଣ୍ଡୋ, ଲୁହ, ଅଣ୍ଡର ୱାଟର, ସ୍ପାର୍କଲ୍ସ ଏବଂ କରୋକ୍ ଭଳି AR ଇଫେକ୍ଟ ବ୍ୟବହାର କରିପାରିବେ । ବ୍ୟବହାରକାରୀଙ୍କ ଚାରିପାଖରେ ଥିବା ପରିବେଶକୁ ହଟାଇବା ପାଇଁ ହ୍ବାଟ୍ସଆପ୍ ଦ୍ବାରା ନୂତନ ବ୍ୟାକଗ୍ରାଉଣ୍ଡ ମଧ୍ୟ ବ୍ୟବହାର କରିପାରିବେ । ଏହା ସହିତ ଭିଡିଓର କଲର ଟୋନକୁ ମଧ୍ୟ ପରିବର୍ତ୍ତନ କରିପାରିବେ ।