ନୂଆଦିଲ୍ଲୀ:କେନ୍ଦ୍ର ସରକାର ଶୁକ୍ରବାର ଦେଇଥିବା ତଥ୍ୟ ଅନୁସାରେ ଭାରତରେ ଡିଜିଟାଲ ନେଣଦେଣର ସଂଖ୍ୟା ଆର୍ଥିକ ବର୍ଷ 2017-18ରେ 2,071 କୋଟି ଟଙ୍କାରୁ ବୃଦ୍ଧି ପାଇ ଆର୍ଥିକ 2023-24 ବର୍ଷରେ 18,737 କୋଟିରେ ପହଞ୍ଚିଛି, ଯାହାକି ପ୍ରାୟ 44 ପ୍ରତିଶତ ଅଧିକ । ଏହାବାଦ ଅର୍ଥ ମନ୍ତ୍ରଣାଳୟର ତଥ୍ୟ ଅନୁସାରେ, ଚଳିତ ଆର୍ଥିକ ବର୍ଷ 2024-25ର ଗତ 5ମାସ (ଏପ୍ରିଲ-ଅଗଷ୍ଟ)ରେ ଏହି ସଂଖ୍ୟା 8,659 କୋଟିରେ ପହଞ୍ଚିଛି ।
ଆର୍ଥିକ ବର୍ଷ 2024ରେ ଡିଜଟାଲ କାରବାରର ମୂଲ୍ୟ 1,962 ଲକ୍ଷ କୋଟିରୁ 3,659 ଲକ୍ଷ କୋଟି ଟଙ୍କାକୁ ବୃଦ୍ଧି ପାଇଛି, ଯାହାକି 11 ପ୍ରତିଶତ CAGR ଅଟେ । ଆର୍ଥିକ ବର୍ଷ 2025ର ଶେଷ 5 ମାସରେ ମୋଟ କାରବାର ମୂଲ୍ୟ 1,669 ଲକ୍ଷ କୋଟି ଟଙ୍କାକୁ ବୃଦ୍ଧି ପାଇଛି ବୋଲି ମନ୍ତ୍ରଣାଳୟ ଅଧୀନରେ ଥିବା ଆର୍ଥିକ ସେବା ବିଭାଗ (DFS) କହିଛି ।
ଏହାରି ମଧ୍ୟରେ UPI କାରବାର ପରିମାଣ 2017-18 ଆର୍ଥିକ ବର୍ଷରେ 92 କୋଟିରୁ 2023-24 ଆର୍ଥିକ ବର୍ଷରେ 13,116 କୋଟି ଟଙ୍କାକୁ ବୃଦ୍ଧି ପାଇଛି, ଯାହା CAGR 129 ପ୍ରତିଶତ ଅଟେ । UPI କାରବାରର ମୂଲ୍ୟ 2017-18 ଆର୍ଥିକ ବର୍ଷରେ 1 ଲକ୍ଷ କୋଟିରୁ 23-24 ଆର୍ଥିକ ବର୍ଷରେ 200 ଲକ୍ଷ କୋଟି ଟଙ୍କା ବୃଦ୍ଧି ପାଇ CAGR ଅଭିବୃଦ୍ଧି 138 ପ୍ରତିଶତ ହୋଇଛି ।
ଗତ 5 ମାସ ମଧ୍ୟରେ ମୋଟ କାରବାର ମୂଲ୍ୟ 101 ଲକ୍ଷ କୋଟି ଟଙ୍କାକୁ ବୃଦ୍ଧି ପାଇଛି । ୟୁପିଆଇ ଏବେ 7ଟି ଦେଶରେ ଲାଇଭ ନେଣଦେଣର ସୁବିଧା ପ୍ରଦାନ କରୁଛି । ଯେପରିକି UAE, ସିଙ୍ଗାପୁର, ଭୁଟାନ, ନେପାଳ, ଶ୍ରୀଲଙ୍କା, ଫ୍ରାନ୍ସ ଏବଂ ମରିସସ୍ ଭଳି ପ୍ରମୁଖ ବଜାର ସମେତ ସାତୋଟି ଦେଶରେ ଲାଇଭ୍ କାରବାରକୁ UPI ବର୍ତ୍ତମାନ ସହଜ କରିଛି । ଗତ ଆର୍ଥିକ ବର୍ଷ ତୁଳନାରେ ଡିଜିଟାଲ କାରବାର ଦେଶରେ ଉଲ୍ଲେଖନୀୟ ପ୍ରଦର୍ଶନ କରିଛି ।
ଅର୍ଥ ମନ୍ତ୍ରଣାଳୟ କହିଛି ଯେ 'ସହଭାଗୀ ବ୍ୟାଙ୍କ ଏବଂ ଫିନଟେକ୍ ପ୍ଲାଟଫର୍ମଗୁଡିକର ବଢୁଥିବା ନେଟୱାର୍କ ଦ୍ବାରା ବ୍ୟବହାରର ସହଜତା UPIକୁ ଦେଶର ଲକ୍ଷ ଲକ୍ଷ ଉପଭୋକ୍ତାମାନଙ୍କ ପାଇଁ ରିଅଲ୍ ଟାଇମ୍ ଦେବାର ସବୁଠାରୁ ପସନ୍ଦଯୋଗ୍ୟ ପଦ୍ଧତି କରିପାରିଛି ।'
