ହାଇଦ୍ରାବାଦ: କାର ନିର୍ମାତା କମ୍ପାନୀ Skoda Auto India କିଛି ଦିନ ପୂର୍ବରୁ ନିଜର ନୂଆ କମ୍ପାକ୍ଟ SUV ସ୍କୋଡା କିଲାକ୍ (Skoda Kylaq)କୁ ଭାରତୀୟ ବଜାରରେ ଲଞ୍ଚ କରିଥିଲା । ଲଞ୍ଚ୍ ସମୟରେ କମ୍ପାନୀ ଏହି କାରର କେବଳ ପ୍ରାରମ୍ଭିକ ମୂଲ୍ୟ ସମ୍ପର୍କରେ ଖୁଲାସା କରିଥିଲା । ଏବେ ମିଳିଥିବା ସୂଚନା ଅନୁସାରେ Skoda India ଆସନ୍ତା ଡିସେମ୍ବର 2 ତାରିଖରେ ନୂଆ ସ୍କୋଡା କିଲାକ୍ର ସମସ୍ତ ଭାରିଏଣ୍ଟର ଦାମ ଓ କଲର ଅପସନ ସମ୍ପର୍କରେ ଖୁଲାସା କରିବ ।
କମ୍ପାନୀ କିଲାକ୍ର ପ୍ରାରମ୍ଭିକ ମୂଲ୍ୟରେ 7.89 ଲକ୍ଷ ଟଙ୍କା (ଏକ୍ସ ଶୋ’ରୁମ୍)ରେ ଲଞ୍ଚ କରିଥିଲା । ସେହି ଦିନ ସ୍କୋଡା ଏହି କାର ପାଇଁ ବୁକିଂ ମଧ୍ୟ ଆରମ୍ଭ କରିଥିଲା । ସ୍କୋଡା କିଲାକ୍ ହେଉଛି କମ୍ପାନୀର କ୍ଷୁଦ୍ରତମ ଏସୟୁଭି ଏବଂ ଏହାର ସବୁଠାରୁ ଗୁରୁତ୍ବପୂର୍ଣ୍ଣ ଉତ୍ପାଦ କାରଣ କାରଟି ପ୍ରତିଯୋଗିତାମୂଳକ କମ୍ପାକ୍ଟ ଏସୟୁଭି ସେଗମେଣ୍ଟରେ କମ୍ପାନୀର ପ୍ରବେଶକୁ ଚିହ୍ନିତ କରେ ।
Skoda Kylaqର 4 ଭାରିଏଣ୍ଟ:-
ସ୍କୋଡା ଏହି କାରକୁ ବଜାରରେ 7.89 ଲକ୍ଷ ଟଙ୍କା ଲଞ୍ଚ କରି ସମସ୍ତଙ୍କୁ ଆଶ୍ଚର୍ଯ୍ୟ କରିଛି ଏବଂ ଆଶା କରାଯାଉଛି ଯେ ଅନ୍ୟ ପ୍ରକାରର ମୂଲ୍ୟ ମଧ୍ୟ ପ୍ରତିଯୋଗୀ ହେବ । ସ୍କୋଡା କିଲାକ୍ 4ଟି ଟ୍ରିମରେ ଉପଲବ୍ଧ ହେବ, ଯେଉଁଥିରେ Classic, Signature, Signature+ ଏବଂ Prestige ସାମିଲ । ଏହାର ଡେଲିଭରି 2025 ଜାନୁଆରୀ 27 ତାରିଖଠାରୁ ଆରମ୍ଭ ହେବ । ସ୍ଥାନୀୟ ଭାବରେ ଉତ୍ପାଦିତ କିଲାକ୍ର Kushaq ସହିତ ଅନେକ ସମାନତା ରହିବ ବୋଲି ଆଶା କରାଯାଉଛି । ଏହା ବ୍ୟତୀତ ଯଦି ଡିଲର ସୂତ୍ରଗୁଡିକୁ ବିଶ୍ବାସ କରାଯାଏ ତେବେ ସ୍କୋଡା କିଲାକ୍ ସମସ୍ତ ଭାରିଏଣ୍ଟ ସହିତ ସ୍ବୟଂଚାଳିତ ଗିଅରବକ୍ସର ବିକଳ୍ପ ସହିତ ଆସିବ । ଯନ୍ତ୍ରପାତି ବିଷୟରେ କହିବାକୁ ଗଲେ ସମସ୍ତ ଟ୍ରିମ୍ ଆରାମ ଏବଂ ସୁରକ୍ଷା ଫିଚର ସହିତ ଲୋଡ୍ ହେବ ।
Skoda Kylaqର ପାୱାରଟ୍ରେନ:-
ସ୍କୋଡା କିଲାକ୍ର ଇଞ୍ଜିନ ସମ୍ପର୍କରେ କହିଲେ, ଏଥିରେ 1.0ଲିଟର, TSI ପେଟ୍ରୋଲ ଇଞ୍ଜିନର ବ୍ୟବହାର କରାଯାଇଛି । ଏହି ଇଞ୍ଜିନ 115hpର ପାୱାର, 178Nmର ଟର୍କ ପ୍ରଦାନ କରିଥାଏ । ଏହି ଇଞ୍ଜିନ ସହିତ 6-ସ୍ପିଡ୍ ଟର୍କ କନଭର୍ଟର ଅଟୋମେଟିକ ଓ 6-ସ୍ପିଡ୍ ମ୍ୟାନୁଆଲ ଗିଅରବକ୍ସ ରହିବ । କମ୍ପାନୀ ଦାବି କରିଛି ଯେ ଏହି କାର 10.5 ସେକେଣ୍ଡରେ ଘଣ୍ଟା ପ୍ରତି ବେଗ 0-100 କିଲୋମିଟର ପର୍ଯ୍ୟନ୍ତ ବଢାଇପାରିବ ।
