ଅଫଲାଇନରେ ବି ବ୍ୟବହାର କରିପାରିବେ Google Maps; ଜାଣନ୍ତୁ ଟ୍ରିକ୍‌

ଆପଣ ଜାଣନ୍ତି କି ଅଫଲାଇନରେ ମଧ୍ୟ Google Mapsକୁ ବ୍ୟବହାର କରିହେବ । ଆପ୍‌ର ଏଭଳି ଅନ୍ୟ କିଛି ରୋଚକ ଫିଚର ସମ୍ପର୍କରେ ଜାଣନ୍ତୁ...

ହାଇଦ୍ରାବାଦ:ଲୋକପ୍ରିୟ ନାଭିଗେସନ ଆପ୍‌ ଭାବେ Google Maps କୋଟି କୋଟି ୟୁଜରଙ୍କ ଦ୍ବାରା ବ୍ୟବହୃତ । କୌଣସି ଅଜଣା ସ୍ଥାନକୁ ଯିବା ହେଉ କି ରାସ୍ତାର ସଟ୍‌କଟ୍‌ ଜାଣିବାକୁ ହେଉ ପ୍ରଥମେ ଏହି ଆପ୍‌ର ଖୋଜା ପଡ଼େ । ଅନେକ ଏହି ଆପ୍‌କୁ ବ୍ୟବହାର କରନ୍ତି ସତ ହେଲେ ଏହାର କିଛି ରୋଚକ ଫିଚର ସମ୍ପର୍କରେ ଜାଣିନଥାନ୍ତି । ଯେପରି ଗୋଟିଏ ଫିଚର ହେଉଛି ଅଫଲାଇନରେ ମଧ୍ୟ ଏହାକୁ ବ୍ୟବହାର କରାଯାଇପାରିବ ।

ଏଥିରେ ଅନ୍ୟ ଫିଚର ମଧ୍ୟରେ 'Avoid Toll' ଓ 'Avoid Highway' ଫିଚର ରହିଛି । ଏହି ପରିବର୍ତ୍ତିତ ଟେକ୍ନୋଲୋଜି ଅନୁଯାୟୀ ଗୁଗଲ୍ ମ୍ୟାପ୍ସରେ ନୂତନ ଫିଚରଗୁଡିକ ଯୋଡାଯାଉଛି । ଏହି ସର୍ଚ୍ଚ ଇଞ୍ଜିନର ଉନ୍ନତ ଫିଚର ସହିତ ଆପଣ ଏକ ଉତ୍ତମ ଭ୍ରମଣ ଅଭିଜ୍ଞତା ପାଇପାରିବେ । ଏହା ବ୍ୟତୀତ ଗୁଗଲ୍ ମ୍ୟାପ୍ସରେ କିଛି ଅଜଣା ଫିଚର ସମ୍ପର୍କରେ ଆସନ୍ତୁ ଜାଣିବା ।

ଏହା ବି ପଢନ୍ତୁ

• ଅଫଲାଇନ ବ୍ୟବହାର: ଆଜି ବି ଆମ ଦେଶର କିଛି ଦୁର୍ଗମ ଅଞ୍ଚଳରେ ଇଣ୍ଟରନେଟ୍ ସଂଯୋଗ ନାହିଁ । କିନ୍ତୁ ଏପରି ପରିସ୍ଥିତିରେ ମାନଚିତ୍ରଗୁଡ଼ିକୁ ଅଫଲାଇନ୍ ଡାଉନଲୋଡ୍ କରିବା ନିରବଚ୍ଛିନ୍ନ ନାଭିଗେସନ୍ ପ୍ରଦାନ କରିଥାଏ । ଏଥିପାଇଁ ଆପଣଙ୍କୁ ଆପ୍‌ରେ ପ୍ରଥମେ ଯେଉଁଠାକୁ ଯିବାକୁ ଚାହୁଁଛନ୍ତି ତାହାକୁ ସର୍ଚ୍ଚ କରିବାକୁ ପଡ଼ିବ । ଏହାପରେ ଉକ୍ତ ରାସ୍ତାକୁ ଡାଉନଲୋଡ୍ କରନ୍ତୁ । ଏହି ଫିଚର ବିଶେଷ ଭାବରେ ଗ୍ରାମାଞ୍ଚଳ ଓ ଖରାପ ଇଣ୍ଟରନେଟ୍‌ ସଂଯୋଗ ଥିବା ସ୍ଥାନରେ ବେଶ ଉପଯୋଗୀ ।
• ରିଅଲ ଟାଇମ୍‌ ଲୋକେସନ:ସାଧାରଣତଃ ଯେତେବେଳେ ଆମେ କୌଣସି ସ୍ଥାନକୁ ଚୟନ କରୁ, ସେତେବେଳେ Preview ଦେଖିବାକୁ ମିଳେ । ଯଦି ଆପଣ ରିଅଲ୍-ଟାଇମ୍ ଲୋକେସନ୍‌ ଦେଖିବାକୁ ଚାହାଁନ୍ତି ତେବେ ସର୍ବୋତ୍ତମ Preview ଦେଖିବା ଲାଗି ତିନୋଟି ବିନ୍ଦୁ ଚୟନ କରନ୍ତୁ ଏବଂ ତାପରେ ସାଟେଲାଇଟ୍‌ ଏବଂ ଟ୍ରାଫିକ୍ ଅପସନ ଚୟନ କରନ୍ତୁ ।
• ରିଅଲ ଟାଇମ ଟ୍ରାଫିକ ଅପଡେଟ୍‌:ସମ୍ଭାବ୍ୟ ଅସୁବିଧାକୁ ଏଡାଇବା ପାଇଁ ଆପଣ ଗୁଗଲ୍ ମ୍ୟାପ୍ସରେ ପ୍ରକୃତ ସମୟ ଟ୍ରାଫିକ୍ ଅପଡେଟ୍ ଫିଚରକୁ ବ୍ୟବହାର କରିପାରିବେ । ମ୍ୟାପ୍ ସାମ୍ପ୍ରତିକ ଟ୍ରାଫିକ୍ ସ୍ଥିତିକୁ ବିଶ୍ଳେଷଣ କରେ । ଯଦି ଭାରି ଟ୍ରାଫିକ୍ ଥାଏ ଏବଂ ବିଳମ୍ବ ସମ୍ଭାବନା ରହିଥାଏ ତେବେ ଆପ୍‌ ୟୁଜରଙ୍କୁ ବିକଳ୍ପ ମାର୍ଗ ମଧ୍ୟ ପରାମର୍ଶ ଦେଇଥାଏ । ଏହି ଫିଚର ବ୍ୟବହାର କରିବା ଦ୍ବାରା ଅଧିକ ଟ୍ରାଫିକ ସମସ୍ୟା ଥିବା ମୁମ୍ବାଇ ଏବଂ ଦିଲ୍ଲୀ ପରି ବ୍ୟସ୍ତବହୁଳ ସହରରେ ସମୟକୁ ସଞ୍ଚୟ କରିହୁଏ ।
• ଷ୍ଟ୍ରିଟ୍‌ ଭ୍ୟୁ:ଗୁଗଲ୍ ମ୍ୟାପ୍ସରେ ଷ୍ଟ୍ରିଟ୍ ଭ୍ୟୁ ଫିଚର ବେଶ ଲାଭଦାୟକ । ଏହା ୟୁଜରଙ୍କୁ କୌଣସି ସ୍ଥାନକୁ ପହଞ୍ଚିବା ପୂର୍ବରୁ ଉକ୍ତ ସ୍ଥାନର ଏକ ଗ୍ରାଉଣ୍ଡ୍ ଲେଭଲ୍ ଭ୍ୟୁ ପ୍ରଦାନ କରେ । ଏହି ଫିଚର ଲ୍ୟାଣ୍ଡମାର୍କ ଏବଂ ପ୍ରବେଶ ପଥ ଚିହ୍ନଟ କରିବାରେ ମଧ୍ୟ ସାହାଯ୍ୟ କରେ । ଏହା କୌଣସି ଅଜଣା ସ୍ଥାନ ପରିଦର୍ଶନ କରିବାକୁ ଅତି ସହଜ କରିଥାଏ ।
• ଭଏସ କମାଣ୍ଡ୍‌:ଏହି ଭଏସ୍ କମାଣ୍ଡ ଫିଚର ଗାଡି ଚଳାଉଥିବା ସମୟରେ ବେଶ ଉପଯୋଗୀ । ଆପଣ ହାତର ବ୍ୟବହାର ନ କରି ରାସ୍ତା ସମ୍ପର୍କରେ ଜାଣିପାରିବେ । ଏଥିପାଇଁ ଆପଣଙ୍କୁ ଭଏସ୍ କମାଣ୍ଡ୍ ଫିଚରକୁ Active କରିବାକୁ ପଡିବ । ଆପଣ 'Hey Google' କହି ଏବଂ ଆପଣଙ୍କର ନିର୍ଦ୍ଦେଶ ଦେଇ ଏହାକୁ ବ୍ୟବହାର କରିପାରିବେ ।