ଢେଙ୍କାନାଳ: ସାକ୍ଷୀ ଦେବା ପୂର୍ବରୁ ମିଳିଲା ମୃତଦେହ । ନିଜ ଘର ପଛପଟେ ଯୁବକଙ୍କ ରକ୍ତାକ୍ତ ମୃତଦେହ ଉଦ୍ଧାର ହୋଇଛି । ଜମି ବାଡିକୁ ନେଇ କୋର୍ଟରେ ବିଚାରଧୀନ ଥିବା ମାମଲାର ସାକ୍ଷୀ ଦେଇଥାଆନ୍ତେ ସମ୍ପୃକ୍ତ ବ୍ୟକ୍ତି । ଏହା ପୂର୍ବରୁ ମୃତଦେହ ମିଳିଥିବାବେଳେ ସମ୍ପର୍କୀୟମାନେ ହତ୍ୟା କରିଥିବା ନେଇ ସନ୍ଦେହ କରୁଛନ୍ତି ମୃତକଙ୍କ ପରିବାର । ଏଭଳି ଚାଞ୍ଚଲ୍ୟକର ଘଟଣା ଢେଙ୍କାନାଳ ଜିଲ୍ଲା ରାସୋଳ ଥାନା ଅନ୍ତର୍ଗତ ବାବନ୍ଧ ଗ୍ରାମରେ ଘଟିଛି । ମୃତକ ହେଲେ ଦଳିତ ବସ୍ତିର ଅକ୍ଷୟ ନାଏକ ।
ତେବେ ଗତକାଲି(ଗୁରୁବାର)କୋର୍ଟରେ ସାକ୍ଷ୍ୟଗ୍ରହଣ ଥିବାବେଳେ ସେହି ଦିନ ହିଁ ଜଣେ ସାକ୍ଷୀକୁ ସିନେମା ଢଙ୍ଗରେ କରାଯାଇଛି ହତ୍ୟା । କିଏ ହତ୍ୟା କରିଛି ସେନେଇ ପୋଲିସ ଦ୍ଵନ୍ଦରେ ପଡିଯାଇଛି । ସୂଚନା ଅନୁସାରେ, ଯୁବକଙ୍କ ମୃତଦେହ ଠାବ ହେବାର ଖବର ପାଇ ରାସୋଳ ଥାନା ପୋଲିସ ଘଟଣାସ୍ଥଳରେ ପହଞ୍ଚିଥିଲା । ଏହାପରେ ପୋଲିସ ମୃତଦେହ ଜବତ କରିଛି । ମୃତଦେହରେ ରକ୍ତ ଛିଟା ଲାଗିଥିବାବେଳେ କେହି ପିଟିପିଟି ବା ତଣ୍ଟି ଚିପି ହତ୍ୟା କରିଥିବା ସନ୍ଦେହ କରାଯାଉଛି । ଫରେନସିକ୍ ଟିମ୍ ମାଧ୍ୟମରେ ପୋଲିସ ତଦନ୍ତ ଆରମ୍ଭ କରିଛି । ସୂଚନା ଅନୁସାରେ, ମୃତ ଅକ୍ଷୟଙ୍କ ଭାଇ ଅରବିନ୍ଦ ନାଏକଙ୍କର ତାଙ୍କ ଖୁଡିଙ୍କ ସହିତ ଜମିବାଡିକୁ ନେଇ ଗଣ୍ଡଗୋଳ ରହିଥିଲା । ଏପରିକି ମାମଲା କୋର୍ଟରେ ବିଚାରାଧୀନ ଥିଲା ।
ଏହା ମଧ୍ୟ ପଢନ୍ତୁ...ଜାତୀୟ ରାଜପଥ କଡ଼ରୁ ମହିଳାଙ୍କ ମୃତଦେହ ଉଦ୍ଧାର , ହତ୍ୟା ସନ୍ଦେହ