ରାଉରକେଲା:ଦାମ୍ପତ୍ୟ ଜୀବନରେ ଝଗଡା ଲାଗିବା ସ୍ବାଭାବିକ ମାତ୍ର ଏହି ଝଗତା ଅତ୍ୟଧିକ ହେଲେ ତାହାର ପରିଣତି କରୁଣ ହୋଇଥାଏ । ଘରୋଇ କଳି ପାଇଁ ସ୍ବାମୀ ସାଜିଲା ସଇତାନ । ନିଜ ସ୍ତ୍ରୀକୁ ନିର୍ମମ ଭାବରେ ହତ୍ୟା କଲା ନିର୍ଦ୍ଦୟୀ ସ୍ବାମୀ । ରାଗରେ ସ୍ତ୍ରୀକୁ ହତ୍ୟା କଲା ସ୍ବାମୀ । ଏଭଳି ନିର୍ମମ ହତ୍ୟାକାଣ୍ଡ ଘଟିଛି ସୁନ୍ଦରଗଡ଼ ଜିଲ୍ଲା ବୀରମିତ୍ରପୁରର କୁଆରମୁଣ୍ଡା ବ୍ଲକ ଜଲଙ୍ଗବିରା ପଞ୍ଚାୟତରେ । ପୋଲିସର ସୂଚନା ମୁତାବକ ବୀରମିତ୍ରପୁର ଥାନା ଅନ୍ତର୍ଗତ ଜଲଙ୍ଗବିରା ପଞ୍ଚାୟତରେ ୬୦ ବର୍ଷୀୟ ସାମୁଏଲ ସୋରେନଙ୍କ ତାଙ୍କ ସ୍ତ୍ରୀ ଫୁଲମଣି ବସବାସ କରନ୍ତି । ନିୟମିତ ମଦ ପାନ କରି ସାମୁଏଲ ନିଜ ସ୍ତ୍ରୀକୁ ମାରପିଟ କରୁଥିଲେ । ତେବେ ସବୁଦିନ ସେମାନଙ୍କ ମଧ୍ୟରେ କୌଣସି କାରଣରୁ ଝଗଡା ହେଉଥିଲା । ଗତ ଶନିବାର ଘରୋଇ କଳିକୁ କେନ୍ଦ୍ର କରି ଉଭୟଙ୍କ ମଧ୍ୟରେ ପ୍ରବଳ ବଚସା ହୋଇଥିଲା ।
ଏହି ଘରୋଇ କଳହକୁ କେନ୍ଦ୍ର କରି ସ୍ତ୍ରୀ ଫୁଲମଣି ଓ ସ୍ବାମୀ ସାମୁଏଲ ମଧ୍ୟରେ ଝଗଡ଼ା ଉଗ୍ର ରୂପ ନେଇଥିଲା । ତେବେ ରାତିରେ ସେମାନଙ୍କ ମଧ୍ୟରେ ଝଗଡା ଶାନ୍ତ ହୋଇଥିଲା । କିନ୍ତୁ ପୁଣି ଆଜି ସକାଳେ ଦୁହିଁଙ୍କ ମଧ୍ୟରେ ଝଗଡ଼ା ହୋଇଥିଲା କିନ୍ତୁ ଅପରାହ୍ନ ସମୟରେ ଏହି ଝଗଡା ସମ୍ପୂର୍ଣ୍ଣ ଚରମ ରୂପ ନେଇଥିଲା । ରାଗରେ ଉତକ୍ଷିପ୍ତ ହୋଇ ସାମୁଏଲ ସ୍ତ୍ରୀ ଫୁଲମଣିଙ୍କୁ ଏକ ବାଡ଼ିରେ ପିଟି ପିଟି ମାରି ଦେଇଥିଲା ଏବଂ ଘଟଣା ସ୍ଥଳରୁ ଫେରାର ମାରିଥିଲା ।