ବାଲିଯାତ୍ରାରେ ଭଳିକି ଭଳି ଖାଦ୍ୟର ପସରା, ଜମୁଛି ଖିଆପିଆ ଓ ଦୋଳି ଖେଳ

ଚାଲିଛି କଟକ ବାଲିଯାତ୍ରା । ଜମୁଛି ଖିଆପିଆ । ଦୋଳି ଖେଳି ମଜା ନେଉଛନ୍ତି ଦର୍ଶକ ।

କଟକ:ବାଲିଯାତ୍ରାରେ ଭଳିକି ଭଳି ଖାଦ୍ୟର ମଜା ଉଠାଉଛନ୍ତି ଦର୍ଶକ । ଓରମାସ ଖାଦ୍ୟ ଷ୍ଟଲରେ ଲୋକଙ୍କ ଗହଳି ଦେଖିବାକୁ ମିଳିଛି । ଅନ୍ୟପଟେ ବିଭିନ୍ନ ଦୋଳି ଖେଳି ମଜା ଉଠାଇଛନ୍ତି ଲୋକେ । ସେପଟେ ଭଲ ବ୍ୟବସାୟ ହେଉଥିବାରୁ ବେଶ ଖୁସି ବ୍ୟବସାୟୀ ।

ବାଲିଯାତ୍ରାରେ ଖାଦ୍ୟର ପସରା:

ବାଲିଯାତ୍ରାରେ ଚିକେନ, ମଟନ, ମାଛ ଭଳି ଆମିଷ ଓ ନିରାମିଷ ଖାଦ୍ୟର ପସରା ଦେଖିବାକୁ ମିଳିଛି । ସେହିପରି ଦହିବରା, ଆଳୁଦମ ଭଳି ଚଟପଟି ଖାଦ୍ୟର ମଜା ନେଉଛନ୍ତି ଲୋକେ । ମେଳା ପଡ଼ିଆରେ ଲାଗିଛି ଲକ୍ଷାଧିକ ଲୋକଙ୍କ ଗହଳି । ଅଧିକ ବିକ୍ରି ହେବା କଥା କହିଛନ୍ତି ବ୍ୟବସାୟୀ । ଗତ ରବିବାର ମଧ୍ୟ ଛାଡଖାଇ ଥିବାବେଳେ ଆମିଷ ଖାଦ୍ୟର ମଜା ଉଠାଉଥିଲେ ଲୋକେ । କିଣାବିକା ସହ ଖାଇବା ପିଇବାର ଭରପୁର ମଜା ଉଠାଉଛନ୍ତି ଲୋକେ । ତେବେ ଜାତୀୟ ସ୍ତରୀୟ ପଲ୍ଲିଶ୍ରୀ ମେଳା ବା ଓରମାସ ଲୋକଙ୍କ ପ୍ରଥମ ପସନ୍ଦ ରହିଛି ।

ଏହା ବି ପଢନ୍ତୁ...ମୁଖ୍ୟମନ୍ତ୍ରୀ ମୋହନ ମାଝୀଙ୍କ ହସ୍ତକ୍ଷେପ, ଅଧଘଣ୍ଟା ବଢ଼ିଲା ବାଲିଯାତ୍ରା ସାଂସ୍କୃତିକ କାର୍ଯ୍ୟକ୍ରମ ଅବଧି ଏହା ବି ପଢନ୍ତୁ...ବାଲିଯାତ୍ରାରେ ବାସିଖାଦ୍ୟ ବିକ୍ରି, CMCର ଚଢ଼ାଉ

ଏହା ମଧ୍ୟ ପଢନ୍ତୁ:- ନୌସେନାରେ କ୍ୟାରିୟର କରିବାକୁ ଚାହୁଁଛନ୍ତି କି, ବୁଲି ଆସନ୍ତୁ କଟକ ବାଲିଯାତ୍ରା Indian Navy ଷ୍ଟଲ୍‌

ସଫାସୁତୁରା ପରିବେଶରେ ଖାଦ୍ୟ ବିକ୍ରି:

ଫୁଡକୋର୍ଟରେ ସଫା ସୁତୁରା ପରିବେଶ ଯୋଗୁଁ କେହି କେହି ତଳେ ବସି ତ କେହି କେହି ଛିଡା ହୋଇ ମଧ୍ୟ ଖାଇବାର ଆନନ୍ଦ ନେଇଛନ୍ତି । ରବିବାରକୁ ଛାଡ଼ଖାଇର ମଜା ନେଉଛନ୍ତି ଲୋକ । ଓରମାସ ଷ୍ଟଲରେ ବ୍ୟବସାୟ କରୁଥିବା ବ୍ୟବସାୟୀଙ୍କ କହିବାନୁଯାୟୀ,"ଆଶାଠାରୁ ଅଧିକ ବ୍ୟବସାୟ ହେଉଛି । ଯାହାକି ନିହାତି ଖୁସିର କଥା ।" ଓରମାସ, ଜିଲ୍ଲା ପ୍ରଶାସନ ଓ ରାଜ୍ୟ ସରକାରଙ୍କୁ ଧନ୍ୟବାଦ ଜଣାଇଛନ୍ତି । ଅନ୍ୟପଟେ ଖାଇବା ସହ ଦୋଳିର ମଜା ନେଇଛନ୍ତି ଲୋକେ। ବାଲିଯାତ୍ରାକୁ ପ୍ରଥମ ଥର ପାଇଁ ଆସିଥିବା ସୁନାମି ଦୋଳି ଓ ସିଙ୍ଗଲ ଟାୱର ଦୋଳିରେ ବସି ବେଶ ଉତ୍ସାହିତ ଦର୍ଶକ । ଏହାସହ ଏରୋପ୍ଲେନ, ଟ୍ରେନ, ଟୋରାଟୋରା ବ୍ରେକ ଡ୍ୟାନ୍ସରେ ବସିବା ପାଇଁ ଲାଇନ ଲଗାଉଛନ୍ତି ଦେଖଣାହାରୀ । ତେବେ ଉଠୁଛି ପଡୁଛି, ମେଳା ପଡିଆ, ରଙ୍ଗାରଙ୍ଗ ସାଂକୃତିକ କାର୍ଯ୍ୟକ୍ରମରେ ଆନନ୍ଦ ଉଠାଉଛନ୍ତି ଲୋକ । ତାହାରି ମଧ୍ୟରେ ଦୋଳି ଓ ଚଟପଟି ଖାଇବା ସମସ୍ତଙ୍କୁ କରିଛି ଆମୋଦିତ । ବାଲିଯାତ୍ରାର ତୃତୀୟ ଦିନର ଅର୍ଥାତ୍ ଛାଡଖାଇରେ ମଧ୍ୟ ପ୍ରବଳ ଭିଡ଼ ଜମିଥିଲା ।

ଇଟିଭି ଭାରତ, କଟକ