ସମ୍ବଲପୁରରେ କେନ୍ଦ୍ର କୋଇଲା ଓ ଖଣି ମନ୍ତ୍ରୀ: ବଜେଟ ବିଷୟରେ ବୁଝାଇଲେ, ମା’ ସମଲେଇଙ୍କ ଆଶିଷ ନେଲେ - Union Minister In Sambalpur

Union Minister In Sambalpur: କେନ୍ଦ୍ର କୋଇଲା ମନ୍ତ୍ରୀ ସତୀଶ ଚନ୍ଦ୍ର ଦୁବେ ସମ୍ବଲପୁର ଗସ୍ତରେ ଆସିଛନ୍ତି । ଓଡ଼ିଶାବାସୀଙ୍କୁ କେନ୍ଦ୍ରର ଯୋଜନା ବିଷୟରେ ସେ ଅବଗତ କରାଇଛନ୍ତି । ଅଧିକ ପଢନ୍ତୁ

ସମ୍ବଲପୁର: କେନ୍ଦ୍ର କୋଇଲା ମନ୍ତ୍ରୀ ସତୀଶ ଚନ୍ଦ୍ର ଦୁବେଙ୍କ ସମ୍ବଲପୁର ଗସ୍ତ । ଆଜି (ରବିବାର) ସକାଳେ ସେ ଅଧିଷ୍ଠାତ୍ରୀ ଦେବୀ ମା' ସମଲେଇଙ୍କ ଦର୍ଶନ କରିଛନ୍ତି କେନ୍ଦ୍ରମନ୍ତ୍ରୀ । ଏହାସହ ବୁଢାରଜା ଅଞ୍ଚଳରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ଯୋଗ ଦେଇଥିଲେ କେନ୍ଦ୍ର କୋଇଲା ମନ୍ତ୍ରୀ ସତୀଶ ଚନ୍ଦ୍ର ଦୁବେ । ଚଳିତ ବଜେଟରେ ସବୁ ବର୍ଗକୁ ଗୁରୁତ୍ବ ଦିଆଯାଇଥିବା କଥା ସେ କହିଛନ୍ତି ।

ପୂର୍ବୋଦୟ ଯୋଜନା:

କେନ୍ଦ୍ର କୋଇଲା ମନ୍ତ୍ରୀ ସତୀଶ ଚନ୍ଦ୍ର ଦୁବେ କହିଛନ୍ତି, "୨୦୪୭ ଯାଏଁ ବିକଶିତ ଭାରତ ଗଠନ ଲକ୍ଷ୍ୟରେ ପ୍ରଧାନମନ୍ତ୍ରୀଙ୍କ ନେତୃତ୍ବରେ ଏହି ବଜେଟ ଆଗତ ହୋଇଥିବା କେନ୍ଦ୍ର କୋଇଲା ମନ୍ତ୍ରୀ କହିଛନ୍ତି । ଝାଡଖଣ୍ଡ, ପଶ୍ଚିମବଙ୍ଗ, ଓଡି଼ଶା ଓ ଆନ୍ଧ୍ରପ୍ରଦେଶକୁ ସାମିଲ କରି ପୂର୍ବ ଭାରତର ବିକାଶ ପାଇଁ ପୂର୍ବୋଦୟ ଯୋଜନା ତିଆରି ହୋଇଛି । ଓଡି଼ଶାର ଦର୍ଶନୀୟ ସ୍ଥାନ ମନ୍ଦିର, ସ୍ମାରକ ତଥା ଶିଳ୍ପ ପାଇଁ ବଜେଟରେ ଗୁୁରୁତ୍ବ ରହିଛି । କେନ୍ଦ୍ରୀୟ ବଜେଟରେ କୃଷି ଉତ୍ପାଦକଙ୍କୁ ମଧ୍ଯ ପ୍ରାଧାନ୍ୟ ଦିଆଯାଇଛି । ୨୦୨୪-୨୫ ଆର୍ଥିକ ବର୍ଷରେ ୧ ଲକ୍ଷ ୨୫ହଜାର ୪୪୪ କୋଟି ଟଙ୍କା ଓଡି଼ଶାକୁ ଦିଆଯାଇଛି ।"ଯାହା କେନ୍ଦ୍ରର ଶୁଳ୍କ ଦ୍ବାରା ଆୟ ବଣ୍ଟନର ୧୦ ପ୍ରତିଶତ ଅଧିକ ବୋଲି ମନ୍ତ୍ରୀ କହିଛନ୍ତି ।"

କୃଷିକ୍ଷେତ୍ରକୁ ଗୁରୁତ୍ବ:

ମନ୍ତ୍ରୀ ଆହୁରି କହିଛନ୍ତି, "ସମ୍ବଲପୁର, ଭୁବନେଶ୍ବର, ବ୍ରହ୍ମପୁର ଅଞ୍ଚଳରେ କୃଷି ଉତ୍ପାଦ କ୍ଳଷ୍ଟର ପାଇଁ ବଜେଟରେ ଧ୍ଯାନ ଦିଆଯାଇଛି । ଶିକ୍ଷା କ୍ଷେତ୍ରରେ ୨୦୨୧-୨୨ ରୁ ୨୦୨୩-୨୪ ମଧ୍ଯରେ ୪ହଜାର ୩୧୧ କୋଟି ଟଙ୍କା ପ୍ରଦାନ କରାଯାଇଛି । କୌଶଳ ବିକାଶ ପାଇଁ ୧୩୫.୩୪ କୋଟି ଟଙ୍କା ପ୍ରଦାନ କରାଯାଇଛି । ମନରେଗାରେ ଓଡି଼ଶାକୁ ୨୦୨୨-୨୩ ଓ ୨୦୨୩-୨୪ ମଧ୍ଯରେ ୯ ହଜାର ୪୧୩ କୋଟି ପ୍ରଦାନ କରାଯାଇଛି । ତେବେ କୋଇଲା ରୟାଲିଟି ବଢାଇବା ଉପରେ କେନ୍ଦ୍ରର ନୀତିଗତ ନିଷ୍ପତ୍ତିର ଆବଶ୍ଯକତା ରହିଛି ।"

ହୀରାକୁଦ ବନ୍ଧ ପରିଦର୍ଶନ କଲେ କେନ୍ଦ୍ରମନ୍ତ୍ରୀ:
ଏହାପରେ ସମ୍ବଲପୁରର ବିଶିଷ୍ଟ ସମ୍ବଲପୁରୀ କବି ଗୁରୁ ସତ୍ୟ ନାରାୟଣ ବହିଦାରଙ୍କ ଏକ ପ୍ରତିମୂର୍ତ୍ତି ଉନ୍ମୋଚନ କରିବା ପରେ ହୀରାକୁଦ ବନ୍ଧ ପରିଦର୍ଶନ କରିଥିଲେ । ଏହାପରେ ସେ ଏମସିଏଲ ଗସ୍ତ କରି ସେଠାରେ ସମୀକ୍ଷା ବୈଠକ କରିବା ସହ ବୃକ୍ଷରୋପଣ କାର୍ଯ୍ୟକ୍ରମ ସାରି ଝାରସୁଗୁଡା ଜିଲ୍ଲା ଲଖନପୁର ଏମସିଏଲ ଖଣିକ୍ଷେତ୍ର ଗସ୍ତ କରିଥିଲେ ।

ଇଟିଭି ଭାରତ, ସମ୍ବଲପୁର