ନୂଆପଡା: କିଛିଦିନର ବ୍ୟବଧାନ ପରେ ପୁଣି ନୂଆପଡା ଜିଲ୍ଲାରେ ଆତଙ୍କ ରଚିଛି କଲରାପତରିଆ ବାଘ । ମେଣ୍ଢା ଗୁହାଳରେ ପଶି 10ଟି ମେଣ୍ଢାକୁ ମାରି ଖାଇଦେଇଥିବା ସୂଚନା ରହିଛି । ଜିଲ୍ଲାର ବୋଡେ଼ନ ବ୍ଲକ ସୁନାମୁଦି ଗ୍ରାମପଞ୍ଚାୟତ ସ୍ଥିତ ବାଗବାହାଲ ଗାଁରେ ଦେଖାଦେଇଛି ଏଭଳି ଘଟଣା ।
ବାଗବାହାଲ ଗାଁରେ ବାଘ ଆତଙ୍କ
ବାଗବାହାଲ ଗାଁରେ ଭଜମନ ହାତୀ ନାମକ ମେଣ୍ଢା ଚାଷୀଙ୍କ ଗୁହାଳରେ ପାଖାପାଖି 20ଟି ମେଣ୍ଢା ରହିଥିଲେ । ଚାଷୀ ଭଜମନ ହାତୀ ବହୁଦିନରୁ ମେଣ୍ଢା ଚାଷ କରି ପରିବାର ପ୍ରତିପୋଷଣ କରିଆସୁଥିଲେ । ହେଲେ ଶୁକ୍ରବାର ମଧ୍ୟରାତ୍ରିରେ ମେଣ୍ଢା ଗୁହାଳକୁ ପଶି ପାଖାପାଖି 10ଟି ମେଣ୍ଢାକୁ କଲରାପତରିଆ ବାଘ ମାରି ଖାଇଥିବା ନେଇ ଖଡ଼ିଆଳ ବନଖଣ୍ଡ ଅଧିକାରୀଙ୍କ କାର୍ଯ୍ୟାଳୟରେ ଚାଷୀଜଣକ ଅଭିଯୋଗ କରିଛନ୍ତି ।
10ଟି ମେଣ୍ଢାକୁ ମାରି ଖାଇଲା ବାଘ
ଅନ୍ୟପଟେ କ୍ଷତିଗ୍ରସ୍ତ ଚାଷୀ ସରକାରଙ୍କ ନିକଟରେ କ୍ଷତିପୂରଣ ଦାବି କରିଛନ୍ତି । ସେ କହିଛନ୍ତି, " ମଧ୍ୟରାତ୍ରରେ ବାଘ ଆସି 10ଟି ମେଣ୍ଢାକୁ ମାରିଦେଇଛି । କ୍ଷତିପୂରଣ ପାଇଁ ସରକାରଙ୍କ ନିକଟରେ ନେହୁରା ହୋଇଛି ।" କିଛି ଦିନ ପୂର୍ବରୁ ନୂଆପଡା ସଦର ବ୍ଲକ ସ୍ଥିତ ହଳଦିପଡା ଗାଁରେ ଏକ 4 ବର୍ଷର ଶିଶୁକୁ ଝାମ୍ପି ମାରିଦେଇଥିଲା କଲରାପତରିଆ ବାଘ । ଯାହାକୁ ନେଇ ଜନଅସନ୍ତୋଷ ଦେଖିବାକୁ ମିଳିଥିଲା ।
ଟ୍ରାପ କ୍ୟାମେରା ସହ ବଢାଯିବ ପାଟ୍ରୋଲିଂ