ଭଦ୍ରକ:ଗ୍ରାମାଞ୍ଚଳ ଥାନା ଅଞ୍ଚଳରେ ଡବଲ ମର୍ଡର । ମାଆକୁ ଦୁଷ୍କର୍ମ ଏବଂ ଏଭଳି ଘୃଣ୍ୟ କାର୍ଯ୍ୟ ଝିଅ ଦେଖି ଦେବାରୁ ଝିଅକୁ ମଧ୍ୟ ଗୋଡ଼ାଇ ଗୋଡ଼ାଇ ପଥର ଛେଚି ନିର୍ମମ ଭାବେ ହତ୍ୟା କରାଯାଇଥିବା ଅଭିଯୋଗ ହୋଇଛି । ଏଭଳି ଏକ ଚାଞ୍ଚଲ୍ୟକର ଘଟଣା ଭଦ୍ରକ ଜିଲ୍ଲା ଗ୍ରାମାଞ୍ଚଳ ଥାନା ଅଧିନସ୍ଥ ରାଇମଣୀ ଛକ ନିକଟରେ ଘଟିଛି । ପୋଲିସ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଥିବା ବେଳେ ଏହି ଘଟଣାରେ ଜଣେ ନାବାଳକ ସମ୍ପୃକ୍ତ ଥିବା ଅନୁମାନ ସନ୍ଦେହ କରାଯାଉଛି ।
ଏହା ବି ପଢନ୍ତୁ- ଗର୍ଭବତୀ ମହିଳାଙ୍କୁ ଦୁଷ୍କର୍ମ କରିଥିବା ଅଭିଯୋଗରେ ଯୁବକ ଗିରଫ
ସୂଚନା ଅନୁଯାୟୀ, ଜଳଙ୍ଗା ଅଞ୍ଚଳର ଜଣେ ବ୍ୟକ୍ତି ନିଜ ପତ୍ନୀ ଏବଂ 6 ବର୍ଷୀୟ ଝିଅ ସହ ରାଇମଣି ନିକଟରେ ରହି ଦିନ ମଜୁରିଆ ଭାବେ କାମ କରୁଥିଲେ । ତେବେ କୌଣସି କାରଣରୁ ଆଜି ମାଆ ଏବଂ ଝିଅ ମେଡିକାଲ ଯାଇଥିଲେ ବୋଲି ଜଣାପଡିଥିଲା । ହେଲେ ସ୍ଥାନୀୟ ଲୋକେ ମାଆର ମୃତଦେହ ଦେଖିବାକୁ ପାଇଥିଲେ । ଏଥିସହ ସେହି ସ୍ଥାନରେ ଜଣେ ନାବାଳକକୁ ଦେଖି ସନ୍ଦେହ କରି ସଙ୍ଗେ ସଙ୍ଗେ ପୋଲିସକୁ ଖବର ଦେଇଥିଲେ । ଏହାର କିଛି ସମୟ ପରେ ମୃତ ମହିଳାଙ୍କ 6 ବର୍ଷୀୟ ଝିଅର ମୃତଦେହ ଘଟଣା ସ୍ଥଳରୁ ପ୍ରାୟ 1 କିଲୋମିଟର ଦୂରରେ ଥିବା ଏକ ପୋଲତଳୁ ରକ୍ତାକ୍ତ ଅବସ୍ଥାରେ ମିଳିଥିଲା । ଏହାପରେ ସ୍ଥାନୀୟ ଲୋକଙ୍କ ସନ୍ଦେହ ଆହୁରି ବଢିବାରୁ ଉକ୍ତ ନାବାଳକକୁ ଗୋଡେଇ ଗୋଡ଼ାଇ ଧରି ପୋଲିସରେ ଜିମା ଦେଇଥିଲେ ।