ରାଉରକେଲା: ପବିତ୍ର ରାକ୍ଷୀ ପୂର୍ଣ୍ଣିମା ଚଳଚଞ୍ଚଳ ରାଜ୍ୟ । ଭାଇ ହାତରେ ଶ୍ରଦ୍ଧାର ସହ ସୁରକ୍ଷା ପାଇଁ ସ୍ନେହର ଡୋରି ବାନ୍ଧିବ ଭଉଣୀ।ଏଥିପାଇଁ ବଜାରରେ ଚାଲିଛି ରାକ୍ଷୀ କିଣାବିକା । ଏହାକୁ ନେଇ ରାଉରକେଲା ସହରରେ ବିଭିନ୍ନ ସ୍ଥାନରେ ଲାଗିଛି ରାକ୍ଷୀ ଷ୍ଟଲ। ଆଉ ରାକ୍ଷୀ ଷ୍ଟଲରେ ରହିଛି ଭେରାଇଟି ଭେରାଇଟିର ରାକ୍ଷୀ ଏବଂ ଏହାକୁ କିଣିବାକୁ ଲୋକେ ମଧ୍ୟ ଆସୁଛନ୍ତି । ଯେପରି ନିଜ ଭାଇ ହାତରେ ଏହା ସୁନ୍ଦର ଦେଖାଯିବ ସେହିପରି ମନପସନ୍ଦର ରାକ୍ଷୀ ଭଉଣୀମାନେ ବାଛୁଛନ୍ତି ।
Rakhi Sellers Bearing Loss (ETV Bharat Odisha) ବ୍ୟବସାୟ ମାନ୍ଦା:
ବର୍ତ୍ତମାନ ପୂର୍ବ ଅପେକ୍ଷା ବଜାରରେ ରାକ୍ଷା ବ୍ୟବସାୟ ମାନ୍ଦା ଦେଖିବାକୁ ମିଳୁଛି । ଆଉ ଅଧିକ ମାତ୍ରାରେ ଲୋକେ ଆସି ରାକ୍ଷୀ କିଣା କିଣି କରୁନଥିବା ଅଭିଯୋଗ ଆଣିଛନ୍ତି ବ୍ୟବସାୟୀ । କାରଣ ଆଜିକାଲି ଅନଲାଇନ ରାକ୍ଷୀ ଉପରେ ସମସ୍ତେ ନିର୍ଭର କରୁଥିବା ଅନୁମାନ ହେଉଛି। "ଇ-କମର୍ସ କମ୍ପାନୀ ଗ୍ରାହକଙ୍କ ପାଇଁ ଘରେ ବସି ଆରାମରେ ରାକ୍ଷୀ ଦେଖିବା ଏବଂ କିଣିବା ସହଜ କରିଦେଇଥିବାରୁ ବେପାର ମାନ୍ଦା ରହିଛି" ବୋଲି କହିଛନ୍ତି ବ୍ୟବସାୟୀ ସୁନିଲ ଦାସ ।
ଏହା ବି ପଢନ୍ତୁ...ରାକ୍ଷୀରେ ଝଲସୁଛି ସମ୍ବଲପୁରୀ କଳା ସଂସ୍କୃତିର ଝଲକ, ଯୁବତୀଙ୍କୁ କରିଛି ଲକ୍ଷପତି - Sambalpuri Rakhi
'ବାଧକ ସାଜୁଛି ଇ-କମର୍ସ କମ୍ପାନୀ'
ବ୍ୟବସାୟୀ ଆହୁରି କହିଛନ୍ତି, "ବିଭିନ୍ନ ଧରଣର ରାକ୍ଷୀ ଆସିଛି ଏବଂ ପ୍ରତ୍ୟେକ ବର୍ଷ ଭଳି ନୂଆ ଡିଜାଇନ ଏବଂ ଫ୍ୟାନ୍ସି ରାକ୍ଷୀ ମଧ୍ୟ ଗ୍ରାହକଙ୍କୁ ଆକୃଷ୍ଟ କରୁଛି । କିନ୍ତୁ ପୂର୍ବ ଭଳି ବେପାର ନଥିବାରୁ ବର୍ତ୍ତମାନ ମାନ୍ଦା ଅବସ୍ଥା ରହିଛି ।" ଭଲ ବିକ୍ରିବଟା ହେଉନଥିବା ଯୋଗୁ ହତାଶ ବେପାରୀ । ରାଉରକେଲା ସହରରେ ରାକ୍ଷୀ ବଜାରରେ ସେତେଟା ଭିଡ଼ ପରିଲକ୍ଷିତ ହେଉନାହିଁ । ଅନ୍ୟପଟେ ଲକ୍ଷ ଲକ୍ଷ ଟଙ୍କାର ରାକ୍ଷୀ ଆଣି କ୍ଷତି ସହୁଛନ୍ତି ବୋଲି କହିଛନ୍ତି ବ୍ୟବସାୟୀ ।
ଏହା ବି ପଢନ୍ତୁ...ଦିନକ ପରେ ରାକ୍ଷୀ ପୂର୍ଣ୍ଣିମା, ସ୍ନେହର ଡୋରି ତିଆରି କରୁଛନ୍ତି ଭିନ୍ନକ୍ଷମ ଛାତ୍ରଛାତ୍ରୀ - DISABLED STUDENTS MADE RAKHI
ଏବେବି କିଛି ଗ୍ରାହକଙ୍କ ପସନ୍ଦ ପାରମ୍ପରିକ ଷ୍ଟଲ:
ରାକ୍ଷୀ କିଣିବାକୁ ଆସିଥିବା ଜଣେ ଗ୍ରାହକ କହିଛନ୍ତି, "ପ୍ରତ୍ୟକ ବର୍ଷ ଭଳି ଏଥର ମଧ୍ୟ ରାକ୍ଷୀ ପୂର୍ଣ୍ଣିମାରେ ଭାଇ ହାତରେ ସ୍ନେହର ଡୋରି ବାନ୍ଧିବି। ଭାଇ ପାଇଁ ମନପସନ୍ଦର ରାକ୍ଷୀକୁ ବାଛି ନେଉଛି । ଏଥର ମଧ୍ୟ ଶାଶୁ ଘରୁ ନିଜ ଘରକୁ ଆସିଛି, ଖାସ କରି ଭାଇ ହାତରେ ରାକ୍ଷୀ ବାନ୍ଧିବା ପାଇଁ। ଦୁଇ ଭାଇ ଭଉଣୀଙ୍କ ସମ୍ପର୍କ ଅତୁଟ ରହୁ ବୋଲି ପ୍ରାର୍ଥନା କରୁଛି ।"
ଇଟିଭି ଭାରତ, ରାଉରକେଲା
