ଓଡିଶା

odisha

ଠାର ବୁଝିଲା ହୃଦୟର କଥା, ସାତ ଜନ୍ମର ସାଥି ହେଲେ ଦୁଇ ଦିବ୍ୟାଙ୍ଗ - Disabled couple get married

By ETV Bharat Odisha Team

Published : Jul 12, 2024, 4:50 PM IST

Disabled couple married in Bhadrak: ସାତ ଜନ୍ମ ସାଥି ହେଲେ ୨ ଦିବ୍ୟାଙ୍ଗ । ଭଦ୍ରକ ଜିଲ୍ଲା ତିହିଡି ବ୍ଲକ ବାରସର ପଞ୍ଚାୟତ ଅଧିନ ବଙ୍ଗାଳିଦପା ଗାଁରେ ୨ ଦିବ୍ୟାଙ୍ଗ ବରକନ୍ୟାଙ୍କ ବିବାହ ଧୁମଧାମରେ ଅନୁଷ୍ଠିତ ହୋଇଯାଇଛି । କଥା ନ କହି ପାରିଲେ ମଧ୍ୟ ମନର କଥା ବୁଝି ଉଭୟ ଉଭୟଙ୍କ ହାତ ଧରିଛନ୍ତି । ଅଧିକ ପଢନ୍ତୁ

Disabled couple get married in Bhadrak
Disabled couple get married in Bhadrak (ETV Bharat Odisha)

ଭଦ୍ରକ: ସ୍ୱପ୍ନ ଦେଖିବାର ଅଧିକାର ସମସ୍ତଙ୍କୁ ଥାଏ । ସେ ଦିବ୍ୟାଙ୍ଗ ହେଲେ ବି ମନରେ ଥାଏ ଅସୁମାରୀ ସ୍ୱପ୍ନ । ଦିବ୍ୟାଙ୍ଗ ହୋଇଥିଲେ ବି ଜୀବନରେ ସ୍ୱପ୍ନ ଏବଂ ବାସ୍ତବତାକୁ ସାଙ୍ଗରେ ଧରି ଆଗକୁ ଯିବାକୁ ସଂକଳ୍ପ କରିଛନ୍ତି ଭଦ୍ରକ ଜିଲ୍ଲା ତିହିଡି ବ୍ଲକ ବାରସର ପଞ୍ଚାୟତ ଅଧିନ ବଙ୍ଗାଳିଦପା ଗାଁର ଦିବ୍ୟାଙ୍ଗ ନବ ଦମ୍ପତି । ସେମାନଙ୍କ ମନରେ ଭରିଛି ଅସୀମ ଧୈର୍ଯ୍ୟ ଏବଂ ମନୋବଳ । ବୈଦିକ ରୀତିନୀତି ଅନୁଯାୟୀ ସେମାନଙ୍କର ବିବାହ ସମ୍ପନ୍ନ ହୋଇଛି । ଦୁହେଁ ମୁକ ଏବଂ ବଧିର । ହେଲେ ଠରାଠରିରେ ଭାବର ଆଦାନ ପ୍ରଦାନ କରି ପାରୁଛନ୍ତି । ଏପରିକି ଉଭୟଙ୍କ ପରିବାର ଲୋକେ ମଧ୍ୟ ଏନେଇ ଅଭ୍ୟସ୍ଥ ହୋଇ ଯାଇଛନ୍ତି ।

Disabled couple get married in Bhadrak (ETV Bharat Odisha)

ବଙ୍ଗାଳିଦପା ଗାଁର ଅଜୟ ମଳିକଙ୍କ 22 ବର୍ଷୀୟା ଝିଅ ସୋନାଲୀ ମଳିକ ବାସୁଦେବପୁର ବ୍ଲକ ମିଶ୍ରପୁର ପଞ୍ଚାୟତ ଅଧିନ ହତାଶିଆ ଗାଁର ନିରାକାର ମଳିକଙ୍କ ପୁଅ ତପନ ମଳିକଙ୍କ ସହିତ ବିବାହ କରିଛନ୍ତି । ଏହି ଉତ୍ସବରେ ସମସ୍ତଙ୍କ ମନରେ ଭରି ରହିଥିଲା ଉତ୍ସାହ ଉଦ୍ଦୀପନା । ସମସ୍ତେ ଅପେକ୍ଷା କରିଥିଲେ ହାତଗଣ୍ଠିକୁ । କାନକୁ ଶୁଭୁ ନାହିଁ କି କଥା ମଧ୍ୟ କହି ପାରୁ ନାହାଁନ୍ତି । କଥା ସିନା କହି ପାରୁନାହାନ୍ତି ହେଲେ ବ୍ରାହ୍ମଣ ଏବଂ ବାରିକଙ୍କ କଥା ବୁଝି ପାରୁଛନ୍ତି । ପରସ୍ପର ବରଣ ମାଳା ଦେଇ ସାତ ଜନ୍ମ ପାଇଁ ସାଥି ହୋଇଛନ୍ତି ।

ଏହାମଧ୍ୟ ପଢନ୍ତୁ.. ଗ୍ରାମବାସୀଙ୍କ ସହଯୋଗରେ ହାତକୁ ଦିହାତ ହେଲେ ଦୁଇ ଦିବ୍ୟାଙ୍ଗ

କନ୍ୟା ପିତା ନିଜର ସାମର୍ଥ ଅନୁସାରେ ବନ୍ଧୁବାନ୍ଧବ ସମେତ ଅତିଥିମାନଙ୍କୁ ନିମନ୍ତ୍ରଣ କରିଥିଲେ । ଶତାଧିକ ଅତିଥିଙ୍କ ଗହଣରେ ନବ ଦମ୍ପତିଙ୍କ ବିବାହ ଉତ୍ସବ ଅନୁଷ୍ଠିତ ହୋଇଥିଲା । ବ୍ରାହ୍ମଣଙ୍କ ମନ୍ତ୍ରାଧ୍ୱନୀରେ ବିବାହ ବନ୍ଧନରେ ବାନ୍ଧି ହୋଇଥିଲେ ଦୁଇ ଦିବ୍ୟାଙ୍ଗ ବର କନ୍ୟା । ବେଦୀରେ ହାତ ଗଣ୍ଠି ପକାଇ ଜଣେ ଜଣଙ୍କର ହାତଧରି ସାତ ଜନ୍ମ ପାଇଁ ସାଥୀ ହୋଇ ରହିବାକୁ କରିଥିଲେ ସଂକଳ୍ପ । ପରସ୍ପର ସାହାରା ହେବେ ବୋଲି ପରସ୍ପରକୁ ଦେଇଥିଲେ ପ୍ରତିଶ୍ରୁତି । ଅନ୍ୟପଟେ ଏଭଳି ଏକ ନିଆରା ବିବାହକୁ ନେଇ ଗ୍ରାମବାସୀ ମଧ୍ୟ ବେଶ ଖୁସିବ୍ୟକ୍ତ କରିଛନ୍ତି । ନବବଧୂଙ୍କୁ ସାଙ୍ଗରେ ଧରି ନିଜ ଗାଁକୁ ଯାଇଛନ୍ତି ଦିବ୍ୟାଙ୍ଗ ସ୍ୱାମୀ ।

ଇଟିଭି ଭାରତ, ଭଦ୍ରକ

ABOUT THE AUTHOR

...view details