ଭୁବନେଶ୍ବର: ଆଜି ‘ବିଶ୍ୱ ସିକଲ ସେଲ ରୋଗ ସଚେତନତା ଦିବସ’ । ଆଜିଠୁ ଜୁଲାଇ ୩ ତାରିଖ ପର୍ଯ୍ୟନ୍ତ ୧୫ଦିନ ଧରି ରୋଗର ପରୀକ୍ଷା ଓ ବିଭିନ୍ନ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହେବ । ଆଜି ସୁନ୍ଦରଗଡରେ ରାଜ୍ୟସ୍ତରୀୟ ଓ ବିଭିନ୍ନ ଜିଲ୍ଲାରେ ଜିଲ୍ଲାସ୍ତରୀୟ ସିକିଲ ସେଲ ପରୀକ୍ଷା ଓ ସଚେତନତା ଶିବିର ଅନୁଷ୍ଠିତ ହେବ । ଏଥିପାଇଁ କାର୍ଯ୍ୟକ୍ରମ ସ୍ତିରୀକୃତ ହୋଇଛି । ୨୦୪୭ ସୁଦ୍ଧା ସିକଲ ସେଲ ଦୂରୀକରଣ ଲକ୍ଷ୍ୟ ରଖିଛନ୍ତି ଓଡ଼ିଶା ସରକାର । ସିକଲ ସେଲ୍ ରୋଗକୁ ନେଇ ବିସ୍ତରୃତ ରିପୋର୍ଟ ।
କଣ ଏହି ରୋଗ, କେତେ ମାରାତ୍ମକ:-
ସିକିଲ ସେଲ ଏକ ଜେନେଟିକ ରୋଗ । ଏଥିରେ ଆକ୍ରାନ୍ତ ହେଲେ ବ୍ୟକ୍ତି ବା ଶିଶମାନଙ୍କୁ ରକ୍ତହୀନତାର ସମ୍ମୁଖୀନ ହେବାକୁ ପଡିଥାଏ । ଏହାର ଚିହ୍ନଟ ଓ ନିରାକରଣ ପାଇଁ ସଚେତନତା ଜରୁରୀ । ସରକାରଙ୍କ ପକ୍ଷରୁ ୨୦୪୭ ମସିହା ସୁଦ୍ଧା ଏହି ରୋଗର ଦୂରୀକରଣ ଲକ୍ଷ୍ୟ ରହିଛି । ଏହି ରୋଗ ଆମ ରାଜ୍ୟରେ ବିଶେଷ କରି ଜନଜାତିବହୁଳ ଜିଲ୍ଲାଗୁଡିକ ସମେତ ପ୍ରାୟ ୨୧ଟି ଜିଲ୍ଲାରେ ଦେଖା ଦେଉଥିବା ଜଣାଯାଇଛି । ଏଥିପାଇଁ ବିଭିନ୍ନ ବିଭାଗ ଆଦିର ମିଳିତ ପ୍ରୟାସରେ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହେବା ପାଇଁ ସ୍ଥିର କରାଯାଇଛି । ଏ ନେଇ ଏକ ସମନ୍ୱୟ ବୈଠକ ଲୋକସେବା ଭବନ ସମ୍ମିଳନୀ କକ୍ଷରେ ମୁଖ୍ୟ ଶାସନ ସଚିବ ପ୍ରଦୀପ କୁମାର ଜେନାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଛି । ବୈଠକରେ ଉନ୍ନୟନ କମିଶନର ଅନୁ ଗର୍ଗ ମଧ୍ୟ ଉପସ୍ଥିତ ଥିଲେ ।
୨୦୪୭ ସୁଦ୍ଧା ସିକଲ ସେଲ ଦୂରୀକରଣ ଲକ୍ଷ୍ୟ (ETV Bharat Odisha) ଆଜିଠୁ ସୁନ୍ଦରଗଡରେ ରାଜ୍ୟସ୍ତରୀୟ ସ୍କ୍ରିନିଂ ଓ ସଚେତନତା କାର୍ଯ୍ୟକ୍ରମ ଓ ଚିହ୍ନଟ ହୋଇଥିବା ଅନ୍ୟ ୨୦ଟି ଜିଲ୍ଲାରେ ଜିଲ୍ଲାସ୍ତରୀୟ ସ୍କ୍ରିନିଂ ଓ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହେବ । ସିକଲ ସେଲ ରୋଗ ସମ୍ପର୍କରେ ସଚେତନତା ପାଇଁ ପ୍ରତ୍ୟେହ ବୈଦ୍ୟୁତିକ, ମୁଦ୍ରିତ ଓ ସାମାଜିକ ଗଣମାଧ୍ୟମରେ ବହୁଳ ପ୍ରଚାର ପ୍ରସାର ହେବ । ପ୍ରତି ସ୍ୱାସ୍ଥ୍ୟକେନ୍ଦ୍ର, ପଞ୍ଚାୟତ କାର୍ଯ୍ୟାଳୟଗୁଡିକରେ ପ୍ରଚାରପତ୍ର ଲଗାଯିବ । ବିଦ୍ୟାଳୟ, ମହାବିଦ୍ୟାଳୟ , ଡାକ୍ତରଖାନା, ଗବେଷଣା ପ୍ରତିଷ୍ଠାନ, ପାରା-ମେଡିକାଲ ସଂସ୍ଥା ସମେତ ଆଶା, ସ୍ୱାସ୍ଥ୍ୟକର୍ମୀ, ସ୍ଵେଚ୍ଛାସେବୀ ସଂଗଠନ, ବାୟୁବାହିତ ରୋଗ ନିୟନ୍ତ୍ରଣରେ ନିୟୋଜିତ ଅଧିକାରୀ, ଗ୍ରାମ ପଞ୍ଚାୟତଗୁଡିକର ସ୍ୱସ୍ଥ୍ୟ କମିଟିର ସକ୍ରିୟ ସହଯୋଗ ସହଯୋଗ ନିଆଯିବ । ବିଶେଷ କରି ଗର୍ଭବତୀ ମହିଳା ଓ ପ୍ରସୂତି ମା’ଙ୍କୁ ଏହି ରୋଗର କାରଣ ଓ ଲକ୍ଷଣ ସମ୍ପର୍କରେ ସଚେତନ କରାଯିବ । ୨୦୪୭ ସୁଦ୍ଧା ସିକଲ ସେଲ ଦୂରୀକରଣ ଲକ୍ଷ୍ୟ (ETV Bharat Odisha) ସ୍ୱାସ୍ଥ୍ୟ ବିଭାଗ ତରଫରୁ ପରୀକ୍ଷା ଓ ବିଭିନ୍ନ ସଚେତନତା କାର୍ଯ୍ୟକ୍ରମ ଗ୍ରହଣ କରାଯାଉଛି । ଏ ସଂପର୍କରେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ କମିଶନର ତଥା ଶାସନ ସଚିବ ଶାଳିନୀ ପଣ୍ଡିତ ପ୍ରକାଶ କରିଛନ୍ତି । ୧୫ଦିନ ଧରି ଏହି ସଚେତନତା କାର୍ଯ୍ୟକ୍ରମ ଅଭିଯାନ ହେବ । ଏଥିପାଇଁ ସମ୍ପୃକ୍ତ ବିଭାଗ ଓ ଜିଲ୍ଲାପାଳଙ୍କ ସହ ଆବଶ୍ୟକ ସମନ୍ୱୟ ଓ ଯୋଗାଯୋଗ କରାଯାଇଛି । ଏ ସଂପର୍କରେ ଏସଟି, ଏସସି ଉନ୍ନୟନ ବିଭାଗ, ସଂଖ୍ୟାଲଘୁ ଓ ପଛୁଆବର୍ଗ କଲ୍ୟାଣ ବିଭାଗ କମିଶନର ତଥା ଶାସନ ସଚିବ ରୂପାରୋଶନ ସାହୁ ପ୍ରକାଶ କରିଛନ୍ତି । ସୁନ୍ଦରଗଡ଼ରେ ଅନୁଷ୍ଠିତ ହେବାକୁ ଥିବା ରାଜ୍ୟସ୍ତରୀୟ ମେଗା ସ୍ୱାସ୍ଥ୍ୟ ଶିବିରରେ ପ୍ରାୟ ୫୦୦୦ ଅଂଶଗ୍ରହଣକାରୀ ଯୋଗ ଦେବେ । ପ୍ରଭାବିତ ଅନ୍ୟ ସମସ୍ତ ଜିଲ୍ଲାରେ ଜିଲ୍ଲାସ୍ତରୀୟ ସ୍ୱାସ୍ଥ୍ୟ ଶିବିରରେ ୫୦୦ ରୁ ୭୦୦ ଅଂଶଗ୍ରହଣକାରୀ ଯୋଗ ଦେବାର କାର୍ଯ୍ୟକ୍ରମ ରହିଛି । ୨୦୪୭ ସୁଦ୍ଧା ସିକଲ ସେଲ ଦୂରୀକରଣ ଲକ୍ଷ୍ୟ (ETV Bharat Odisha) ମହିଳା ଶିଶୁ ବିକାଶ ବିଭାଗ ତରଫରୁ ଅଙ୍ଗନବାଡି କେନ୍ଦ୍ରରେ ପରୀକ୍ଷା ଓ ସଚେତନ କାର୍ଯ୍ୟକ୍ରମ, ପଞ୍ଚାୟତିରାଜ ଓ ପାନୀୟ ଜଳ ବିଭାଗ ଜରିଆରେ ସ୍ୱୟଂସହାୟକ ଗୋଷ୍ଠୀ, ଗ୍ରାମ୍ୟ ସ୍ୱାସ୍ଥ୍ୟ ଓ ପରିମଳ କମିଟି ଜରିଆରେ ବିଭିନ୍ନ ସଚେତନତା କାର୍ଯ୍ୟକ୍ରମ, ପ୍ରତିଯୋଗିତା ଓ କର୍ମଶାଳା ଆୟୋଜନ କରାଯିବ । ସେହିପରି କୃଷି ଓ କୃଷକ ସଶକ୍ତିକରଣ ବିଭାଗ ତରଫରୁ କୃଷି ବିଜ୍ଞାନ କେନ୍ଦ୍ର, କୃଷକ ଉତ୍ପାଦକ ଗୋଷ୍ଠୀ, କୃଷି ବିଶ୍ୱବିଦ୍ୟାଳୟ ଆଦି ଗୁଡିକରେ ସ୍ଥାନୀୟ ସ୍ୱାସ୍ଥ୍ୟ କେନ୍ଦ୍ର ସହାୟତାରେ ସ୍ୱାସ୍ଥ୍ୟ ଶିବିର ଓ ରୋଗ ପରୀକ୍ଷା କରାଯିବ । ଅନୁସୂଚିତ ଜନଜାତି ଓ ଅନୁସୂଚିତ ଜାତି, ସଂଖ୍ୟାଲଘୁ ଓ ପଛୁଆବର୍ଗ କଲ୍ୟାଣ ବିଭାଗ ନୋଡାଲ ବିଭାଗ ଭାବେ ଏଥିପାଇଁ ଆବଶ୍ୟକ ସହଯୋଗ ଓ ସମନ୍ୱୟ କରିବ । ଏହା ମଧ୍ୟ ପଢନ୍ତୁ :- ସ୍ମୃତିରେ ମିଡିଆ ମହାନାୟକ ରାମୋଜୀ ରାଓ, ମନେ ପକାଇଲେ ଓଡିଶା ମିଡିଆ ପରିବାର - TRIBUTE TO RAMOJI RAO
କେବେଠୁ ଆରମ୍ଭ ହେଲା ଏହି ଦିବସ:-
2009 ମସିହାରେ ପ୍ରଥମେ ଜାତିସଂଘ ଦ୍ବାରା ଅନ୍ତର୍ଜାତୀୟ ସ୍ତରରେ ଏହି ସଚେତନତା ଦିବସ ପାଳନ ଆରମ୍ଭ ହୋଇଥିଲା । ଏହା ପୂର୍ବରୁ 2008 ମସିହାରେ ଜାତିସଂଘ ମହାସଭାର ଅଧିବେଶନରେ ଏହି ରୋଗକୁ ଏକ ବୈଶ୍ବିକ ସ୍ବାସ୍ଥ୍ୟ ସମସ୍ୟା ଭାବେ ପ୍ରସ୍ତାବିତ କରାଯାଇଥିଲା । ଏହା ବିରୋଧରେ ସଚେତନତା ସୃଷ୍ଟି କରିବା ଓ ପାଇଁ ଜୁନ 19 ତାରିଖକୁ ଅନ୍ତର୍ଜାତୀୟ ଦିବସ ଭାବେ ଘୋଷଣା କରାଯାଇଥିଲା । ସେବେଠାରୁ ବିଭିନ୍ନ ଦେଶ ବିଭିନ୍ନ କାର୍ଯ୍ୟକ୍ରମ ସହ ଏହାର ନିରାକରଣ ଓ ଦୂରୀକରଣ ପାଇଁ କାର୍ଯ୍ୟପନ୍ଥା ସହ ଆଗକୁ ବଢୁଛନ୍ତି । ଭାରତ ମଧ୍ୟ ଏହିକ୍ରମରେ ଆଗରେ ରହିଛି । ଏହି ବ୍ୟାଧିର କୌଣସି ସ୍ଥାୟୀ ଉପଶମ ପ୍ରଣାଳୀ ଏପର୍ଯ୍ୟନ୍ତ ବିକଶିତ କରାଯାଇ ପାରିନି । ମାତ୍ର ଯନ୍ତ୍ରଣାରୁ ମୁକ୍ତି ଓ ଜଟିଳତାକୁ ଏଡାଇବା ପାଇଁ ଚିକିତ୍ସା ପ୍ରଣାଳୀ ଉପଲବ୍ଧ ରହିଛି । ଏହା ସାଧାରଣତଃ ଏକ ରକ୍ତହିନତା ପରି ବ୍ୟାଧି ହୋଇଥିବା ବେଳେ ଏହାକୁ ଆରମ୍ଭରୁ ଅଣଦେଖା କରିବା ଜଟିଳ ସ୍ଥିତି ସୃଷ୍ଟି କରିପାରେ । ତେଣୁ ଏହି ରୋଗ କ୍ଷେତ୍ରରେ ବହୁପୂର୍ବରୁ ସଚେତନତା ସୃଷ୍ଟି କରାଯିବା ନିହାତି ଆବଶ୍ୟକ ।
ଇଟିଭି ଭାରତ, ଭୁବନେଶ୍ବର
