ସମ୍ବଲପୁର: ଅଭାବନୀୟ ଘଟଣା । ଘରେ ନିଆଁ ଲାଗିଯିବାରୁ ଶୋଇଥିବା ଅବସ୍ଥାରେ ଜୀବନ୍ତ ଜଳିଗଲେ ମାଆ ଓ ଝିଅ । ଏଭଳି ଘଟଣା ଘଟିଛି ସଦର ଥାନା ଅନ୍ତର୍ଗତ ମାନେଶ୍ଵର ହାଟପଦାରେ । ମୃତକ ହେଉଛନ୍ତି 95 ବର୍ଷୀୟା ମହିଳା ସ୍ନେହଲତା ଦୀକ୍ଷିତ ଏବଂ ତାଙ୍କର 62 ବର୍ଷୀୟା ଝିଅ ସଇରେନ୍ଦ୍ରୀ ଦୀକ୍ଷିତ । ଗତକାଲି (ମଙ୍ଗଳାବାର) ରାତି ପ୍ରାୟ 10ଟା ସମୟରେ କୌଣସି କାରଣରୁ ଘରେ ନିଆଁ ଲାଗି ଯାଇଥିଲା । ଫଳରେ ଘଟଣାସ୍ଥଳରେ ଦୁଇ ଜଣଙ୍କର ମୃତ୍ୟୁ ହୋଇଥିଲା । ଅଗ୍ନିକାଣ୍ଡର କାରଣ ସ୍ପଷ୍ଟ ହୋଇନଥିବା ବେଳେ ସକାଳୁ ଖବର ପାଇ ଫୋରେନସିକ ଟିମ୍ ସହ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଉଭୟ ମୃତଦେହ ଜବତ କରାଯାଇ ବ୍ୟବଚ୍ଛେଦ ପାଇଁ ପଠାଯାଇଛି ।
Mother and Daughter burnt alive (ETV BHARAT ODISHA) କେମିତି ଲାଗିଲା ନିଆଁ ?
ଅଗ୍ନିକାଣ୍ଡର କାରଣ ଜଣାପଡ଼ି ନାହିିଁ । ଅନ୍ୟପଟେ ମୃତକଙ୍କ ସମ୍ପର୍କୀୟ ହତ୍ୟା ଅଭିଯୋଗ ଆଣିଛନ୍ତି । ଜମିବାଡି ବିବାଦରୁ ଏହି ହତ୍ୟାକାଣ୍ଡକୁ ରୂପ ଦିଆଯାଇଛି ବୋଲି ସେମାନେ ଅଭିଯୋଗ କରିଛନ୍ତି । ମୃତ 95 ବର୍ଷୀୟା ବୃଦ୍ଧା ସ୍ନେହଲତା ବାର୍ଦ୍ଧକ୍ୟ ଯୋଗୁଁ ଶଯ୍ୟାଶାୟୀ ଥିବା ବେଳେ ଝିଅ ସଇରେନ୍ଦ୍ରୀ ଶିକ୍ଷକତାରୁ ଅବସର ନେଇ ମାଆଙ୍କ ସହ ରହୁଥିଲେ । ଦୁଇ ମହଲା ବିଶିଷ୍ଟ କୋଠାର ଉପର ଘରେ ମାଆ ଓ ଝିଅ ରହୁଥିଲେ ।
Mother and Daughter burnt alive (ETV BHARAT ODISHA) ଏହା ମଧ୍ୟ ପଢନ୍ତୁ-ଉଭଣୀକୁ ଦେଖିବାକୁ ଯାଇଥିଲେ, ନିଆଁର ଆଁରେ ଜିଅନ୍ତା ଜଳିଗଲେ
Mother and Daughter burnt alive (ETV BHARAT ODISHA) ଇଟିଭି ଭାରତ, ସମ୍ବଲପୁର
