ଭୁବନେଶ୍ବର: କାର ଡ୍ରାଇଭର ଦେଖାଇଲେ ମାନବିକତା । ତାଙ୍କ କାରରେ ଯିବା ସମୟରେ ଯାତ୍ରୀ ଟଙ୍କା ଭର୍ତ୍ତି ବ୍ୟାଗ୍ ଛାଡି ଚାଲି ଯାଇଥିଲେ । କିନ୍ତୁ ଲୋଭର ବଶବର୍ତ୍ତୀ ନହୋଇ ଯାତ୍ରୀଙ୍କୁ ୬୦ ହଜାର ଟଙ୍କା ଭର୍ତ୍ତି ବ୍ୟାଗ୍ ଫେରେଇ ଦେଲେ କାର ଡ୍ରାଇଭର । ଏଭଳି ଘଟଣା ସାମ୍ନାକୁ ଆସିଛି ଭୁବନେଶ୍ବରରୁ । କାର ଡ୍ରାଇଭରଙ୍କ ନାମ ରବିନ୍ଦ୍ର ସାହୁ । ନିଜର ସଚ୍ଚୋଟତା ଓ ମଣିଷ ପଣିଆ ପାଇଁ ଏବେ ସେ ସହରରେ ଚର୍ଚ୍ଚାରେ ରହିଛନ୍ତି ।
ସୂଚନା ଅନୁଯାୟୀ,ଗତକାଲି(ଶୁକ୍ରବାର) ରବୀନ୍ଦ୍ର ସାହୁ ଭଦ୍ରକରୁ ଭୁବନେଶ୍ୱର ଆସୁଥିବା ବେଳେ ଭଡାରେ ଧାମନଗରରୁ ଉଠିଥିଲେ ଶାଶ୍ୱତ ମହାପାତ୍ର । ଯେକି ଜଣେ ଜଣାଶୁଣା ଓଡ଼ିଆ ଅଭିନେତା ଓ ନାଟ୍ୟ ଅଭିନେତା ଭାବେ ବେଶ ପରିଚିତ । ଭାଇଙ୍କ ବାହାଘର ସାରି ଟଙ୍କା ନେଇ ଫେରୁଥିବା ବେଳେ ନିଜର ଟଙ୍କା ବ୍ୟାଗ ଅନ୍ୟମନସ୍କରେ ଗାଡ଼ିରେ ଭୁଲି ଯାଇଥିଲେ । ଯେତେବେଳେ ସେ କଟକ ଲିଙ୍କ ରୋଡ଼ରେ ନିଜ ଗନ୍ତବ୍ୟ ସ୍ଥଳରେ ଓହ୍ଲାଇଥିଲେ । ସେତେବେଳେ ସେ ଟଙ୍କା ବ୍ୟାଗ ଖୋଜିଥିଲେ ହେଲେ ତାଙ୍କୁ ମିଳିନଥିଲା । ଏନେଇ ସେ ପୋଲିସର ସହାୟତା ନେଇଥିଲେ ।