କେନ୍ଦ୍ରାପଡ଼ା:କନିକା ପରେ କେନ୍ଦ୍ରାପଡାରେ ଜାଗାବାଡି ବିବାଦକୁ ନେଇ ପୁଣି ଜଣଙ୍କୁ ହତ୍ୟା ଅଭିଯୋଗ । ଜାଗାବାଡ଼ିକୁ କେନ୍ଦ୍ର କରି ଦୁଇ ପରିବାର ମଧ୍ୟରେ ରକ୍ତସଙ୍ଘର୍ଷ । ମାରପିଟ ଗଣ୍ଡଗୋଳରେ ଚାଲିଗଲା ଜଣେ 65 ବର୍ଷୀୟ ବୃଦ୍ଧାଙ୍କ ଜୀବନ । ଏଭଳି ଏକ ଘଟଣା ଘଟିଛି କେନ୍ଦ୍ରାପଡ଼ା ସଦର ଥାନା ଅନ୍ତର୍ଗତ ସାହସପୁର ଗ୍ରାମରେ । ତେବେ ମୃତକ ଜଣକ ହେଲେ ହେମଲତା ସେଠୀ
।
ଦୀର୍ଘ ବର୍ଷ ହେବ ହେମଲତାଙ୍କ ପରିବାର ସହ ଉକ୍ତ ଗ୍ରାମର ମହାପାତ୍ର ସାହିର 3 ଭାଇ ଅଭିରାମ ମହାପାତ୍ର, ଅର୍ଜୁନା ମହାପାତ୍ର ଏବଂ ସୁନାକର ମହାପାତ୍ରଙ୍କର ସମସ୍ୟା ଲାଗିରହିଥିଲା । ହେମଲତାଙ୍କ ନିର୍ମାଣଧୀନ ଗୃହ ସମ୍ମୁଖରେ ଥିବା ସରକାରୀ ଜାଗାକୁ ନେଇ ମହାପାତ୍ର ପରିବାରର ବଚସା ଦୀର୍ଘଦିନ ହେବ ଲାଗିରହିଥିଲା । ଦୁଇ ଦିନ ତଳେ ହେମଲତା ନିଜ ଘରୁ ବାହାରିବାକୁ ନେଇ ସରକାରୀ ଜାଗାରେ ମାଟି ପକେଇବାରୁ ମହାପାତ୍ର ପରିବାର ଧମକଚକମ ଦେବ ସହ ପାଟିତୁଣ୍ଡ କରିଥିଲେ । ତେବେ ଆଜି ସନ୍ଧ୍ୟାରେ ହଠାତ ମହାପାତ୍ର ପରିବାରର 3 ଭାଇ, ତାଙ୍କ ପିଲାମାନେ ଏବଂ ସମ୍ପର୍କୀୟ କିଛି ଯୁବକ ହଠାତ୍ ହେମଲତାଙ୍କ ପରିବାର ଉପରେ ପଥର ମାଡ଼ କରିବା ସହ ଲୁହା ପାଇପରେ ଆକ୍ରମଣ କରିଥିଲେ ।