ହାଇଦ୍ରାବାଦ:ଅପେକ୍ଷାର ଅନ୍ତ ଘଟିଲା । ଶ୍ରୀଲଙ୍କା ଟୁର୍ ପାଇଁ ଭାରତୀୟ ଦଳ ଘୋଷଣା କଲା ବିସିସିଆଇ । ଉଭୟ ଟି20 ଓ ଦିନିକିଆ ସିରିଜ ପାଇଁ 16 ଜଣିଆ ଦୁଇଟି ସ୍କ୍ବାର୍ଡ ଘୋଷଣା ହୋଇଛି । ଟି20ରେ ସୂର୍ଯ୍ୟକୁମାରଙ୍କୁ ଅଧିନାୟକ ଦାୟିତ୍ବ ମିଳିଥିବା ବେଳେ ଦିନିକିଆର ଟିମ୍ ଇଣ୍ଡିଆର କମାଣ ରୋହିତ ଶର୍ମାଙ୍କ କାନ୍ଧରେ ନ୍ୟସ୍ତ କରିଛି ଚୟନ କର୍ତ୍ତା ଟିମ୍ । ସେହିପରି ଶୁବମନ ଗିଲ ଉଭୟ ସିରିଜରେ ଉପ ଅଧିନାୟକ ରହିବେ । ଦିନିକିଆରେ ଶ୍ରେୟସ ଆୟର ଓ କେଏଲ ରାହୁଲ ଦଳକୁ ଫେରିଥିବା ବେଳେ ଗାଏକଓ୍ବାଡେ ଓ ଅଭିଶେଖଙ୍କୁ ଦଳରେ ସ୍ଥାନ ମିଳିନାହିଁ । ସେହିପରି ଟି20 ବିଶ୍ବକପରେ ଚହଲଙ୍କୁ ଚୟନ କରାଯାଇଥିଲେ ମଧ୍ୟ ଏକାଦଶରେ ସ୍ଥାନ ମିଳିନଥିଲା । ଏଥର କିନ୍ତୁ ଶ୍ରୀଲଙ୍କା ଟୁର୍ ପାଇଁ ମଧ୍ୟ ତାଙ୍କୁ ଦଳରେ ସ୍ଥାନ ମିଳିନାହିଁ । ଆସନ୍ତା 22 ତାରିଖରେ ଶ୍ରୀଲଙ୍କା ଗସ୍ତ କରିବ ଭାରତୀୟ ଦଳ ।
ପାଣ୍ଡ୍ୟାଙ୍କ ବଦଳରେ ସୂର୍ଯ୍ୟଙ୍କୁ ଭରସା:ପୂର୍ବରୁ ଚର୍ଚ୍ଚା ହେଉଥିଲା ଟି20ରେ ହାର୍ଦ୍ଦିକ ପାଣ୍ଡ୍ୟାଙ୍କୁ ଅଧିନାୟକ ଦାୟିତ୍ବ ମିଳିପାରେ । କାହିଁକି ନା ଟି-20 ବିଶ୍ବକପର ବେଳେ ଦଳ ଉପ ଅଧିନାୟକ ରହିଥିଲେ ସେ । ରୋହିତ ଟି 20ରୁ ଅବସର ନେବା ପରେ ତାଙ୍କ ଏହି ଫର୍ମାଟରେ ଅଧିନାୟକ ଦାୟିତ୍ବ ମିଳିପାରେ ବୋଲି କୁହାଯାଉଥିଲା । କିନ୍ତୁ ତାଙ୍କ ବଦଳରେ ସୂର୍ଯ୍ୟଙ୍କ ଉପରେ ଭରସା କରିଛି ଚୟନକର୍ତ୍ତା ଟିମ୍ ।