ପ୍ୟାରିସ:ପ୍ୟାରିସଅଲମ୍ପିକ୍ସ ମହିଳା 50 କିଲୋଗ୍ରାମ ରେସଲିଂରେ ଏବେ ବି ଭାରତ ରୌପ୍ୟ ପଦକ ପାଇବାର ଆଶା ରହିଛି । କାରଣ 100 କିଲୋଗ୍ରାମ ଓଜନ ବଢିବାରୁ ଫାଇନାଲରୁ ବଞ୍ଚିତ ହେବା ସହ ଅଯୋଗ୍ୟ ଘୋଷଣା ହୋଇଥିବା ଭିନେଶ ଫୋଗତ କୋର୍ଟ ଅଫ୍ ଆର୍ବିଟ୍ରେସନ୍ (CAS)ଙ୍କ ଦ୍ବାରସ୍ଥ ହୋଇଥିଲେ । ସେଠାରେ ସେ ରୌପ୍ୟ ପଦକ ପାଇଁ ଆବେଦନ କରିଛନ୍ତି । ଯାହାର ଶୁଣାଣି ଆଜି ହେବ । ଏହା ପୂର୍ବରୁ ରେସଲିଂ ଦୁନିଆରୁ ଅବସର ଘୋଷଣା କରିଦେଇଛନ୍ତି ଫୋଗତ ।
ଆଜି ଆସିବ CAS ନିଷ୍ପତ୍ତି:ମଙ୍ଗଳବାର ଅଲିମ୍ପିକ୍ସ କୁସ୍ତିରେ 50 କିଲୋଗ୍ରାମ ବର୍ଗରେ ଫାଇନାଲ୍ରେ ପହଞ୍ଚି ଭାରତ ପାଇଁ ମେଡାଲ ପକ୍କା କରିଥିଲେ ଭାରତୀୟ ରେସଲର ଭିନେଶ ଫୋଗତ । ହେଲେ ପରଦିନ 100 କିଲୋଗ୍ରାମ ଅଧିକ ଓଜନ ହେବାରୁ ତାଙ୍କୁ ଅଯୋଗ୍ୟ ଘୋଷଣା କରାଯାଇଥିଲା । ଫଳରେ ଫାଇନାଲରୁ ବଞ୍ଚିତ ହେବା ସହ ପଦକରୁ ବଞ୍ଚିତ ହୋଇଥିଲେ । ଏହାପରେ CASର ଦ୍ବାରସ୍ଥ ହୋଇ ରୌପ୍ୟ ପଦକ ପାଇଁ ଆବେଦନ କରିଥିଲେ । ଆଜି ଏହି ନିଷ୍ପତ୍ତିର ଶୁଣାଣି ହେବ । ଆମେ ଆପଣଙ୍କୁ କହି ରଖୁଛୁ ଯେ, ଯଦି CAS ଭିନେଶଙ୍କ ସପକ୍ଷରେ ଯାଆନ୍ତି ତେବେ ଆଇଓସିକୁ ଭିନେଶଙ୍କୁ ରୌପ୍ୟ ପଦକ ଦେବାକୁ ପଡିବ ।