ହାଇଦ୍ରାବାଦ: ଅନ୍ତର୍ଜାତୀୟ କ୍ରିକେଟ ଫର୍ମାଟରୁ ଅବସର ଘୋଷଣା କଲେ ଭାରତୀୟ କ୍ରିକେଟର ଅଫ-ସ୍ପିନର ରବିଚନ୍ଦ୍ରନ ଅଶ୍ୱିନ । ଏନେଇ ଭାରତୀୟ କ୍ରିକେଟ ବୋର୍ଡ ‘ବିସିସିଆଇ’ ପକ୍ଷରୁ ସ୍ପଷ୍ଟ କରାଯାଇଛି । ସେପଟେ ଇଣ୍ଡିଆ- ଅଷ୍ଟ୍ରେଲିଆ ଟେଷ୍ଟ ମ୍ୟାଚ ଡ୍ର’ ହୋଇଛି । ଅଷ୍ଟ୍ରେଲିଆ ବିପକ୍ଷ ମ୍ୟାଚ ଡ୍ର’ ହେବାପରେ 38 ବର୍ଷୀୟ ଅଶ୍ୱିନ ପ୍ରେସ କନଫରେସନ୍ସ ଜରିଆରେ ସନ୍ୟାସ ଘୋଷଣା କରିଛନ୍ତି । ଅଶ୍ବିନ କହିଛନ୍ତି, "ଆଜି ମୋର ଅନ୍ତର୍ଜାତୀୟ କ୍ରିକେଟରେ ଶେଷ ଦିନ ।’’
- ସଫଳ କ୍ୟାରିୟର ପାଇଁ BCCI ଅଭିନନ୍ଦନ :-
ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ବିସିସିଆଇ ପକ୍ଷରୁ ଏନେଇ ପୋଷ୍ଟ କରାଯାଇଛି । ଲେଖାଯାଇଛି,"ଧନ୍ୟବାଦ ଅଶ୍ୱିନ । ଭାରତୀୟ କ୍ରିକେଟ ଟିମର ଅଫ-ସ୍ପିନର ତଥା ଅଲରାଉଣ୍ଡର ଅନ୍ତର୍ଜାତୀୟ ଫର୍ମାଟରୁ ଅବସର ଘୋଷଣା କରିଛନ୍ତି । ଏକ କିମ୍ବଦନ୍ତୀ କ୍ୟାରିୟର ପାଇଁ ଅଭିନନ୍ଦନ ।"
ତୃତୀୟ ଟେଷ୍ଟର ଶେଷ ଦିନର ଆରମ୍ଭରୁ କେହି ଜଣେ ଭାରତୀୟ ଖେଳାଳି ସନ୍ୟାସ ନେବା ନେଇ ଚର୍ଚ୍ଚା ଆରମ୍ଭ ହୋଇଯାଇଥିଲା । ଟେଷ୍ଟ ମ୍ୟାଚର ଶେଷ ଦିନର ବିରାଟ କୋହଲି ଆର.ଅଶ୍ୱିନଙ୍କୁ ଆଲିଙ୍ଗନ କରୁଥିବାର ନଜର ଆସିଥିଲେ । ଉଭୟଙ୍କ ମଧ୍ୟରୁ କେହି ଜଣେ ଅବସର ଘୋଷଣା କରିପାରନ୍ତି ବୋଲି ଆଲୋଚନା ଆରମ୍ଭ ହୋଇଯାଇଥିଲା । ତେବେ ଫ୍ୟାନ୍ସଙ୍କୁ ନିରାଶ କରି ଆର.ଅଶ୍ୱିନଙ୍କ ସନ୍ୟାସ ଘୋଷଣା ଏହି ଚର୍ଚ୍ଚାରେ ପୂର୍ଣ୍ଣଚ୍ଛେଦ ଟାଣିଛି ।
𝙏𝙝𝙖𝙣𝙠 𝙔𝙤𝙪 𝘼𝙨𝙝𝙬𝙞𝙣 🫡
— BCCI (@BCCI) December 18, 2024
A name synonymous with mastery, wizardry, brilliance, and innovation 👏👏
The ace spinner and #TeamIndia's invaluable all-rounder announces his retirement from international cricket.
Congratulations on a legendary career, @ashwinravi99 ❤️ pic.twitter.com/swSwcP3QXA
- ଅଶ୍ୱିନଙ୍କ କ୍ୟାରିୟର:
ଆର.ଅଶ୍ୱିନଙ୍କ ଅନ୍ତର୍ଜାତୀୟ କ୍ୟାରିଅର ବେଶ ଭଲ ରହିଛି । ଅଶ୍ୱିନଙ୍କ ନାମରେ ୫୩୭ ଟେଷ୍ଟ ଓ୍ବିକେଟ, ୧୫୬ ଦିନିକିଆ ଓ୍ବିକେଟ୍ ଓ ୭୨ ଟି-୨୦ ଓ୍ବିକେଟ୍ ରହିଛି । ଟେଷ୍ଟରେ ଅଶ୍ୱିନଙ୍କର ୬ଟି ଶତକ ମଧ୍ୟ ରହିଛି । ଉଭୟ ବ୍ୟାଟିଂ ଓ ବୋଲିଂରେ ନିଜର ପ୍ରତିଭା ଦେଖାଇଛନ୍ତି ଅଶ୍ୱିନ । ଟେଷ୍ଟ କ୍ରିକେଟରେ ଭାରତୀୟ ଖେଳାଳି ମଧ୍ୟରେ ଦ୍ୱିତୀୟ ସର୍ବାଧିକ ୱିକେଟ୍ ନେଇଥିବା ବୋଲର ଆର୍. ଅଶ୍ୱିନ୍ । ଅଶ୍ୱିନ ନିଜର ୧୩ ବର୍ଷର ଟେଷ୍ଟ କ୍ୟାରିୟରରେ ୫୩୭ ଓ୍ବିକେଟ ହାସଲ କରିଛନ୍ତି । ଯାହା ଭାରତୀୟ ଖେଳାଳି ଭାବେ ଦ୍ୱିତୀୟ ସର୍ବାଧିକ ଟେଷ୍ଟ ଓ୍ବିକେଟ ହାସଲକାରୀ ବୋଲର । ପୂର୍ବତନ ଭାରତୀୟ ଲେଗ ସ୍ପିନର ଅନିଲ କୁମ୍ବଲେ ନିଜ ଟେଷ୍ଟ କ୍ୟାରିଅରରେ ୬୧୯ ଓ୍ବିକେଟ ସହ ସର୍ବାଧିକ ଓ୍ବିକେଟ ହାସଲ କରିଛନ୍ତି । ଦିନିକିଆରେ ୧୫୬ ଓ୍ବିକେଟ ନେଇଛନ୍ତି ଆର ଅଶ୍ୱିନ ।
🫂💙🇮🇳
— Star Sports (@StarSportsIndia) December 18, 2024
Emotional moments from the Indian dressing room 🥹#AUSvINDOnStar #BorderGavaskarTrophy #Ashwin #ViratKohli pic.twitter.com/92a4NqNsyP
ଏହାମଧ୍ୟ ପଢନ୍ତୁ... ବ୍ରିସବେନ ଟେଷ୍ଟ ଚତୁର୍ଥ ଦିନ: ବାଧକ ସାଜିଲା ବର୍ଷା, 193 ରନରେ ପଛୁଆ ଭାରତ ବ୍ରିସବେନ ଟେଷ୍ଟ: ଟିମ୍ ଇଣ୍ଡିଆରେ ଦୁଇଟି ପରିବର୍ତ୍ତନ, ବର୍ଷା ସାଜିଲା ବାଧକ |
ବ୍ୟୁରୋ ରିପୋର୍ଟ, ଇଟିଭି ଭାରତ
