ପ୍ୟାରିସ (ଫ୍ରାନ୍କ): ଚଳିତ ଅଲିମ୍ପିକ୍ସରେ 10 ମିଟର ଏୟାର ପିସ୍ତଲ ଇଭେଣ୍ଟରେ ସିଲଭର ମେଡାଲ ଜିତିଛନ୍ତି ୟୁସୁଫ୍ ଡିକେସ୍ । ବୁଧବାର ପ୍ୟାରିସ ଅଲିମ୍ପିକ୍ସ 2024 10-ଏମ ଏୟାର ପିସ୍ତଲ ଫାଇନାଲ ଇଭେଣ୍ଟରେ ୟୁସୁଫଙ୍କ ଏହି ବିଜୟ ପରେ ଏବେ ସେ ସମଗ୍ର ବିଶ୍ବରେ ଚର୍ଚ୍ଚାରେ । ଖାଲି ସେତିକି ନୁହେଁ ସିଲଭର ମେଡାଲ ବିଜୟ ପରେ ୟୁସୁଫଙ୍କ ଫଟୋ ଏବଂ ଭିଡିଓ ବର୍ତ୍ତମାନ ଭାଇରାଲ ହେଉଛି । ସେ ସୁଟିଂ ଇଭେଣ୍ଟ ସମୟରେ କୌଣସି ଆବଶ୍ୟକ ସରଞ୍ଜାମ ପିନ୍ଧିନଥିଲେ ଯେପରି ଆଖି ଏବଂ କାନ ପାଇଁ ପ୍ରୋଟେକ୍ସନ ନେଇନଥିଲେ । ତେବେ ସୁଟିଂ ସମୟରେ ସମସ୍ତ ଖେଳାଳି ଆଖି ଏବଂ କାନ ପାଇଁ ପ୍ରୋଟେକ୍ସନ ନେଇଥାନ୍ତି ।
ସୁଟିଂ ପାଇଁ ସୁଟରମାନେ ଅନେକ ଆବଶ୍ୟକ ଜିନିଷ ପିନ୍ଧିଥାନ୍ତି, ଯେପରି ଆଖା ପାଇଁ ସ୍ୱତନ୍ତ୍ର ଚଷମା । ଯାହା ସୁଟରଙ୍କୁ ଦେଖିବାରେ ସହାୟକ ହୋଇଥାଏ । କାନ ପାଇଁ ପ୍ରୋଟେକ୍ସନ, ଯାହା କୌଣସି ଅଯଥା ଶବ୍ଦରୁ ରକ୍ଷା କରିଥାଏ । ତେବେ ଫାଇନାଲ ଇଭେଣ୍ଟରେ ୟୁସୁଫ ପକେଟରେ ହତ ପୁରାଇ କୌଣସି ଜିନିଷ ନ ପିନ୍ଧି 10 ମିଟର ଏୟାର ପିସ୍ତଲ ଇଭେଣ୍ଟ ଖେଳିଥିଲେ ଏବଂ ତୁର୍କି ପାଇଁ ସିଲଭର ମେଡଲ ଜିତିଥିଲେ ।
ଏହା ବି ପଢନ୍ତୁ- ବକ୍ସିଂରେ ଆସିବ ପଦକ ! ପୁରୁଷ ବକ୍ସିଂ କ୍ବାଟର ଫାଇନାଲରେ ନିଶାନ୍ତ ଦେବ - Paris Olympics 2024