ନୂଆଦିଲ୍ଲୀ:ପାକିସ୍ତାନ ଏବଂ ୟୁଏଇରେ ଆଇସିସି ଚାମ୍ପିଅନ୍ସ ଟ୍ରଫି 2025 ଆରମ୍ଭ ହୋଇସାରିଛି । 1996 ପରଠାରୁ ପ୍ରଥମ ଥର ପାଇଁ ପାକିସ୍ତାନ ଏକ ଆଇସିସି ଇଭେଣ୍ଟ ଆୟୋଜନ କରୁଛି । ପାକିସ୍ତାନୀ ପ୍ରଶଂସକଙ୍କ ଆଶା ଥିଲା, ଏହି ମେଗା ଆଇସିସି ଇଭେଣ୍ଟରେ ସେମାନଙ୍କ ଦଳ ଭଲ ପ୍ରଦର୍ଶନ କରିବ କିନ୍ତୁ ପାକିସ୍ତାନକୁ ନ୍ୟୁଜିଲ୍ୟାଣ୍ଡ ଏବଂ ଭାରତଠୁ ପରାଜୟର ସାମ୍ନା କରିବାକୁ ପଡିଛି । ତଥାପି ଆୟୋଜକ ଦଳ ପାକିସ୍ତାନ ପାଖରେ ରହିଛି ସୁଯୋଗ ଟୁର୍ଣ୍ଣାମେଣ୍ଟର ସେମିଫାଇନାଲ ପାଇଁ ଯୋଗ୍ୟତା ଅର୍ଜନ କରିପାରିବେ ।
ମହମ୍ମଦ ରିଜୱାନଙ୍କ ନେତୃତ୍ୱରେ ପାକିସ୍ତାନ ଦଳ ବର୍ତ୍ତମାନ ସେମିଫାଇନାଲରେ ପ୍ରବେଶ କରିବାକୁ ଗ୍ରୁପ୍ ଏର ଅବଶିଷ୍ଟ ତିନିଟି ମ୍ୟାଚ୍ ଫଳାଫଳ ଉପରେ ନିର୍ଭରଶୀଳ । ଚାମ୍ପିଅନ୍ସ ଟ୍ରଫି 2025ରେ କ୍ରମାଗତ 2 ପରାଜୟ ସତ୍ତ୍ୱେ ବି ପାକିସ୍ତାନ ସେମିଫାଇନାଲ ପାଇଁ ଯୋଗ୍ୟତା ଅର୍ଜନ କରିପାରିବ ।
ଚାମ୍ପିଅନ୍ସ ଟ୍ରଫି 2025 ସେମିଫାଇନାଲ ରେସ୍ ପାଇଁ ପାକିସ୍ତାନ ସମୀକରଣ-
ସର୍ବପ୍ରଥମେ, 24 ଫେବୃଆରୀରେ ଅନୁଷ୍ଠିତ ହେବାକୁ ଥିବା ମ୍ୟାଚ୍ରେ ବାଂଲାଦେଶ ନ୍ୟୁଜିଲ୍ୟାଣ୍ଡକୁ ପରାସ୍ତ କରିବ । ଏହା ପରେ, ଏହାର ନେଟ୍ ରନ୍ ହାରରେ ଉନ୍ନତି ଆଣିବା ପାଇଁ ପାକିସ୍ତାନକୁ 27 ଫେବୃଆରୀରେ ବାଂଲାଦେଶକୁ ଏକ ବଡ଼ ବ୍ୟବଧାନରେ ପରାସ୍ତ କରିବାକୁ ପଡିବ । ତେବେ ପାକିସ୍ତାନୀ ପ୍ରଶଂସକମାନେ ଆଶା କରିବେ ଯେ ମାର୍ଚ୍ଚ 2 ରେ ଭାରତୀୟ ଦଳ, ନ୍ୟୁଜିଲ୍ୟାଣ୍ଡ ଟିମକୁ ସହଜରେ ପରାସ୍ତ କରିବ । ଯାହାଫଳରେ ନ୍ୟୁଜିଲ୍ୟାଣ୍ଡ ମଧ୍ୟ ମାତ୍ର 2 ପଏଣ୍ଟ ସ୍କୋର କରିପାରିବ ଏବଂ ଉନ୍ନତ ରନ୍ ହାର ଆଧାରରେ ପାକିସ୍ତାନ ଚାମ୍ପିଅନ୍ସ ଟ୍ରଫି 2025 ର ସେମିଫାଇନାଲରେ ପ୍ରବେଶ କରିପାରିବ ।