ହାଇଦ୍ରାବାଦ : ପ୍ୟାରିସ୍ ଅଲିମ୍ପିକ୍ସ 2024 ଶେଷ ହେବାପରେ ଭାରତରେ ସୋସିଆଲ ମିଡିଆରେ ସବୁଠାରୁ ଚର୍ଚ୍ଚାର ବିଷୟ ପାଲଟିଛି ନୀରଜ ଚୋପ୍ରା ଏବଂ ମନୁ ଭାକରଙ୍କ ଏକ ଭିଡିଓ । ଏହି ଭିଡିଓରେ ପ୍ୟାରିସ୍ ଅଲିମ୍ପିକ୍ସର ଉଭୟ ପଦକ ବିଜେତା ହସି ହସି ପରସ୍ପର ସହ କଥାବାର୍ତ୍ତା ହେଉଥିବା ଦେଖିବାକୁ ମିଳୁଛି । ମନୁଙ୍କ ମାଆ ସୁମେଧା ଭାକରଙ୍କର ମଧ୍ୟ ଏକ ଭିଡିଓ ନୀରଜଙ୍କ ସହ ବେଶ ଭାଇରାଲ ହୋଇଥିବାବେଳେ ସୋସିଆଲ ମିଡିଆ ୟୁଜର୍ସ ଏହି ଦୁଇ ଭିଡିଓକୁ ନେଇ ନାନା କମେଣ୍ଟ କରିବା ଆରମ୍ଭ କରିଛନ୍ତି । କିଏ କହୁଛି 'ଉଭୟ ନୀରଜ ଓ ମନୁ ବିବାହ କରିବାକୁ ଯାଉଛନ୍ତି', ତ କିଏ 'ବିବାହ ପକ୍କା ହୋଇଛି' ବୋଲି କହିଲାଣି । ଏପରିକି କିଛି ନେଟିଜେନ୍ସ ସୋସିଆଲ ମିଡିଆରେ ମନୁଙ୍କୁ 'ଭାଉଜ' ବୋଲି ସମ୍ବୋଧନ କଲେଣି । ତେବେ ପ୍ରଥମ ଥର ଏନେଇ ମୁହଁ ଖୋଲିଛନ୍ତି ମନୁଙ୍କ ବାପା ରାମ କିଷାନ ଭାକର ।
ନୀରଜଙ୍କ ସହ ମନୁ ଓ ତାଙ୍କ ମାଆଙ୍କ ଭିଡିଓ ହୋଇଥିଲା ଭାଇରାଲ :-
ପ୍ୟାରିସ୍ ଅଲିମ୍ପିକ୍ସ 2024ରୁ ନୀରଜ ଚୋପ୍ରା ଏବଂ ମନୁ ଭାକରଙ୍କ ଏକ ଭିଡିଓ ସାମ୍ନାକୁ ଆସିଥିଲା । ଯେଉଁଥିରେ ଦୁହେଁ ପରସ୍ପର ସହ କେଉଁ ବିଷୟରେ କଥାବାର୍ତ୍ତା ହେଉଥିଲେ ତାହା ଯଦିଓ ଜଣା ପଡିନଥିଲା, କିନ୍ତୁ ଅନେକ ସୋସିଆଲ ମିଡିଆ ୟୁଜର୍ସ ଉଭୟଙ୍କ ମଧ୍ୟରେ ହୋଇଥିବା ବାର୍ତ୍ତାଳାପକୁ ଆଫେୟାର ଆଡ଼କୁ ଯୋଡିଥିଲେ । ଏହା ବ୍ୟତୀତ ଅନ୍ୟ ଏକ ଭିଡିଓରେ ନୀରଜ ଚୋପ୍ରା, ମନୁ ଭାକରଙ୍କ ମାଆ ସୁମେଧା ଭାକରଙ୍କ ସହ କଥାବାର୍ତ୍ତା ହେଉଥିବା ଦେଖିବାକୁ ମିଳୁଛି । ଯେଉଁଠାରେ ମନୁଙ୍କ ମା’ ନୀରଜଙ୍କ ହାତ ଆଣି ନିଜ ମୁଣ୍ଡରେ ରଖି ତାଙ୍କୁ କିଛି ପ୍ରତିଶ୍ରୁତି ମାଗୁଥିବା ଭଳି ଦେଖାଯାଉଛି । ଏହି ଦୁଇ ଭିଡିଓରେ ସୋସିଆଲ ମିଡିଆ ୟୁଜର୍ସଙ୍କ କେତେ ପ୍ରକାର ଅଜବ କମେଣ୍ଟ ଦେଖିବାକୁ ମିଳିଥିଲା ।
ବିବାହ ନେଇ ମୁହଁ ଖୋଲିଲେ ମନୁଙ୍କ ବାପା :-