ନୂଆଦିଲ୍ଲୀ : ଭାରତୀୟ କ୍ରିକେଟ୍ ଦଳର ପୂର୍ବତନ ଦ୍ରୁତ ବୋଲର ଜହିର ଖାନଙ୍କ ବିଷୟରେ ଏକ ବଡ଼ ଖବର ସାମ୍ନାକୁ ଆସୁଛି । କ୍ରିକବଜ୍ରେ ପ୍ରକାଶିତ ରିପୋର୍ଟ ଅନୁଯାୟୀ ଖୁବଶୀଘ୍ର ଜାହିରଙ୍କୁ ମେଣ୍ଟର ଭୂମିକାରେ ଦେଖିବାକୁ ମିଳିବ । ସେ ଇଣ୍ଡିଆନ ପ୍ରିମିୟର ଲିଗ (IPL 2025)ରେ ମେଣ୍ଟର ଭାବରେ ଲକ୍ଷ୍ନୌ ସୁପର ଜିଆଣ୍ଟସରେ ଯୋଗ ଦେଇପାରନ୍ତି । ଗୌତମ ଗମ୍ଭୀର ଭାରତୀୟ ଦଳର ମୁଖ୍ୟ କୋଚ ଭାବେ ନିଯୁକ୍ତ ହେବା ପୂର୍ବରୁ ଲକ୍ଷ୍ନୌ ସୁପର ଜିଆଣ୍ଟସ୍ ଛାଡ଼ି ନିଜ ପୂରୁଣା ଦଳ କୋଲକାତା ନାଇଟ ରାଇଡର୍ସକୁ ଫେରି ଆସିଥିଲେ । ଏବେ ଏଲ୍ଏସ୍ଜିରେ ଗମ୍ଭୀରଙ୍କ ସ୍ଥାନ ଜାହିର ପୂରଣ କରିବେ ବୋଲି କୁହାଯାଉଛି ।
ଲକ୍ଷ୍ନୌ ସୁପର ଜିଆଣ୍ଟସ୍କୁ ଆସିବେ ଜାହିର :-
ବାସ୍ତବରେ ଭାରତୀୟ ଦଳର ପୂର୍ବତନ କ୍ରିକେଟର ଗୌତମ ଗମ୍ଭୀର 2ଟି ସିଜିନରେ (2022 ଓ 2023) ଲକ୍ଷ୍ନୌ ସୁପର ଜିଆଣ୍ଟସର ମେଣ୍ଟର ଭାବେ କାର୍ଯ୍ୟ କରିଥିଲେ । ଏହାପରେ ଆଇପିଏଲ୍ 2024 ପୂର୍ବରୁ ସେ LSG ଛାଡି ନିଜର ପୁରୁଣା ଦଳ କୋଲକାତା ନାଇଟ୍ ରାଇଡର୍ସରେ ଯୋଗ ଦେଇଥିଲେ । ଜଣେ ମେଣ୍ଟର ଭାବରେ ସେ କେକେଆର୍କୁ ଆଇପିଏଲ୍ 2024ର ଚାମ୍ପିୟନ ମଧ୍ୟ କରାଇଥିଲେ । ଅନ୍ୟପଟେ ଭାରତୀୟ ଦଳର ପୂର୍ବତନ ଷ୍ଟାର ପେସର ଜାହିର ଖାନ ଲକ୍ଷ୍ନୌ ସୁପର ଜିଆଣ୍ଟସ୍ ଦଳରେ ଥିବା ମେଣ୍ଟର ପୋଷ୍ଟରେ ନଜର ଆସିପାରନ୍ତି । ଦଳର ମେଣ୍ଟର ହେବା ପାଇଁ ଜହିରଙ୍କ ସହ LSG ଆଲୋଚନା କରୁଛି । ଏଭଳି ପରିସ୍ଥିତିରେ ଯଦି ସବୁକିଛି ଆଲୋଚନା ଠିକ ହୁଏ, ତେବେ ଜାହିର ଖାନ ଆଇପିଏଲ 2025ରେ ଲକ୍ଷ୍ନୌ ସୁପର ଜିଆଣ୍ଟସରେ ଯୋଗ ଦେଇପାରନ୍ତି ।
ଭାରତୀୟ ଦଳର ବୋଲିଂ କୋଚ ହୋଇପାରିଲେନି ଜାହିର :-